生日週第一炮 ~ 吉壽@中環

又到一年一度既特別日子, 每年大約 7月中, 就有各方好友送上祝福, 多謝你地丫!! 到左呢個年紀仲有人記得自己大約响呢個時候生日已經係一件難得既事 !!

今年同事甲乙為二等兵既 B-Day 打響頭炮 ~ 揀了公司附近的 “吉壽” 慶祝~

好彩近咋, 我地黎到都係 6:15pm…二等兵已經好肚餓喇!!! (晏晝為左呢餐留肚, kakaka~ )

唔同時段有唔同價錢, 想去既朋友要留意喇, 8:30 pm 平 $20, 另外俾 cash 又有 88折~

睇下揀咩先~

呢度任飲的飲品是各種汽水, 好難得有提子汁丫, 整返兩罐先~

全部由我同事揀的, 大部份都合我地心水~

鹽燒牛舌, 正丫!!! 仲有牛仔骨都好正~

吉壽沙律, 雖然係無咩特別, 但個醬好味, 係麻醬~

蟹籽沙律~ 一般~

二等兵 “飛佛”~ 日式冷豆腐!! 正丫~

天婦羅~ 有蝦天婦羅, 茄子天婦羅 & 炸蠔~ 除左炸蠔無食外 (因為二等兵唔食蠔的), 其他都好好味, 尤其係蝦天婦羅, d 蝦好新鮮!!

終於到剌身出場喇!!

好新鮮丫, 正!! 3 個人叫每款 6 件都無縮水, 俾足份量, 正!!

二等兵至愛之一~ 軟殼蟹手卷~ 因為掛住食剌身, 所以擺到個紫菜稔晒…. -_-“

牛柳粒, 正~

再黎多個剌身先~ 今次重點出擊!!

真係好正, 尤其係三文同醋鯖~

雞軟骨串燒, 再黎多次鹽燒牛舌先, very good!!

燒牛仔骨, 芝士焗青口, 燒青魚 & 秋刀魚~

海皇魚翅湯, 二等兵飲唔落, 同事甲乙都話好足料~

燒雪花和牛~ 好味!!

芝士焗青口實在太吸引喇, 忍唔住每人叫多兩隻!!!

北海道牛乳鍋, 估唔到咁正, 湯好有牛乳味, 又多料!! 必叫之選!!!

再攻魚生!!! 食到第三輪都無偷工減料, 要幾多俾幾多!!

同事話想試下 d 壽司, 佢話 ok 喎, d 飯都唔太硬~

蝦天婦羅 again!!! 加多兩件炸蠔先~

仲有炒蜆丫!!!

食到呢個時候已經食唔落喇, 叫埋店員俾甜品, 就係雪糕糯米糍~ 有芒果 & 香芋味~

Total: $493 (3人)

話說食到中途, 店裡無啦啦把燈熄暗了, 原來店員正在播生日歌…唔好誤會, 唔係我同事安排架, 而係另外有人生日, 滿 6 位有生日蛋糕送, 但因生日歌是全店都會聽到咁大聲, 所以攪到二等兵都好有氣氛!!! kakaka~

我地三個人都好滿足!! 多謝你地丫!!