板前壽司@旺角

前兩日先食完西餐, 所以今日清清地食壽司~

旺角 d 壽司店間間都排長龍, 板前都是一個不錯的選擇, 於是我地今日早少少黎到, 大約 6:15 開始攞飛~

每次去親都係去西洋菜街果間, 二等兵成日仍住呢間會好味 d, 但今天落車位置較接近家樂果間, 於是先來到家樂的板前攞飛先~

攞飛果個位貼了張告示, 內容大概話特價三文魚壽司每人只可以叫 3 客, 三文魚醬油漬壽司每人只可以叫 2 客, 如叫多過這個數量的話, 就要以正價收費!! 我地見到呢張告示, 加上通常食開西洋菜街果間, 於是轉移去食到西洋菜街果間喇~

黎到門口有一堆人, 但竟然係無人派飛!!! 企左 5 mins , 個 reception 都係一個人都無, 反而想攞飛既人就越企越多, 裡面 d 伙記見到完全無反應, 再過一陣, 終於有個經理走出來, 果時大家都搶住話 : “2 位, 4 位….2 位….”, 個經理就問: “邊個先 ??” 大佬, 咁都得架咩? 個個都話佢先架啦….!!! 真係唔明點解 6 點幾鐘個 reception 都可以真空左咁耐??

攞完飛, 睇下有冇張告示先, 無喎, 究竟係呢間無限叫特價壽司, 定係無貼出黎呢? 不過同一個集團, 無理由一間有一間無架喎??

等左大約 15 mins 就有位喇, 一坐底就見到頭先响家樂分店貼响門口既告示:

問題係, 點解佢門口位置唔貼張告示呢? 出面張 banner 大大隻寫住 三文魚壽司 $3/件, 三文魚醬油漬壽司就 $4.5/2件, 但對於叫多過 3 客及 2 客要原價收費就隻字不提, 人地家樂果間就老老實實貼張告示出來通知客人, 但西洋菜街呢間就到入到去坐底先有張野通知, 西洋菜街呢間實在太唔老實 !!! 

"慎" 完一輪, 叫野 !!!

既然特價壽司限住數量, 於是我地就用晒 d quota ~

三文魚醬油漬壽司 x 2 客 ($4.5/兩件)

三文魚壽司 x 12 件 ($3/件)

都仲係好新鮮~

二等兵必叫既軟殼蟹手卷 ($20), 正丫~ 

蟹棒壽司 ($12), 好鍾意食呢度 d 蟹棒壽司~

每人限叫兩客的特價三文魚醬油漬壽司, 我地用埋個 quota 先~

三文魚醬油漬壽司 x 2 客

Total : $95

水準 ok, 但 sevice not good, 尤其係門口 reception 無人派飛。

其實同一個集團, 都會估到間間都係同一個政策, 但唔該西洋菜街呢間分店學下家樂分店咁, 老實 d 貼張告示在門口位置。