萬豚屋@尖沙咀

以前响網上聽人講, 呢間萬豚屋 d 烏冬好好味, 上年食過一次, 但裡面實在太熱, 所以一直都無再侵略。

上星期二等兵唔知 “了” 起邊條筋, 突然想食烏冬, 但呢間野出名要 book 位至有得食, 到星期二至記得打黎 book, 星期六晚上既 booking 已經 full 晒喇, 店員說 lunch 既 booking 仲未 full , 於是就 book 了 lunch 啦 !!

我地黎到坐既位置都唔錯, 有卡位坐, 而且仲對正冷氣 tim, 隊長一定唔怕熱喇 !!

我地叫了兩個 Lunch Set~

首先黎兩杯餐飲先, 凍檸茶 & 凍咖啡。

唔錯啊, 奶及糖水是分開上的, 可以自己控制甜度, 有別於一般茶餐廳~

兩杯都好飲, 尤其二等兵既凍檸茶….唔知係咪二等兵對檸茶有少許要求呢? 呢杯茶味唔錯 !!

呢個係二等兵叫既 “石燒黑芝麻豬扒手打烏冬配豬骨湯底” ($60)

湯底真係有好濃既豬骨味, 正丫 !!

呢度既皇牌 — 手打烏冬, 烏冬真係幾彈牙, 同出面食果 d 唔同, 加上湯底既配搭, 正丫!! 難怪 d booking 咁 full 啦~ 門口又咁多人排隊 !!

呢個係隊長叫既 “石燒上級豚肉手打烏冬配豬骨湯底” ($58)

隊長好鍾意 d 豚肉, 入味, 都幾滑, 正!!

你睇碗烏冬滾到噗噗聲……小心燙咀呀 !!!





30 mins 後………..

KO-ed !!!

Total : $130

真係好味丫, 正 !! 如果要彈的話, 唯一可以彈既係隻蛋唔係放响上面, 而係放在下面….不過對二等兵覺得無乜所謂, 但係隊長就整唔到溫泉蛋~ hehe

其實食Lunch 都幾好丫, book 枱又易 d, 又可以食得耐 d 唔怕限住時間, 個感覺幾 relax~

出到門口, 見到長長的人龍, 行多兩步突然落大雨, 二等兵就諗起排响門口既人點算 ??