响福田口岸站坐左大約 20 mins, 轉左一次車就黎到竹子林站喇~ GO GO GO !!!
wow~ 今日天朗氣晴, 好好天丫~
行左陣已經出晒汗………@_@
睇下 d 陽光幾猛烈…….
行行下, 隊長同二等兵突然停响度研究, 究竟佢地研究緊 d 咩呢 ??
完來兩個 K 隆星人諗緊咩叫 “CETB” @@
(CETB = China Economic Trading Building, 亦即係中國商貿大廈)
原來呢個區都幾商業同幾高級, 兩旁有高級住宅, 係戶戶有露台果種, 又有好多商業大廈 ~
話時話, 點解 D 銀行咁鍾意放隻獅子响門口架呢 ???
行行下又見到仙女, 真係做得好靚, 好生動 ~ 襯番哂個大廈名 —- “敦煌大廈” !!
大約行左 10mins, 我地終於黎到 “園博園” 喇 !!!
咩叫園博園 ??
睇落去就知喇 !!!
好好天丫~ d 樹好靚~
"園博園" ~ 原來即係深圳國際園林花卉博覽園….
嘩…個名咁長, 簡單到咁….真係估佢唔到…..
咦, 門口有隻恐龍 ?? 原來有一個恐龍館, 無興趣 (因為要入場費), 所以我地冇入去丫~
隻恐龍近睇都做得唔錯喎~
除左恐龍館之外, 仲有企鵝館~ 因為又要收費, 我地又唔大興趣, 所以無入丫~
好喇, 入園之前有幅好大既 3D 深圳地圖, 呢幅地圖真係好大好大, 仲有 3D 效果, “近” 呀!!!
你睇個公園大到…..應該有兩個維園咁大……
二等兵心諗 : “點行呀???”
好喇, 各位團友, 我地出發喇 !!! GO GO GO ~
二等兵: “隊長, 天色好靚丫~~~ 有又小橋, 又有流水, 呢度好靚丫~”
隊長 “懶” 得戚話: “梗係啦, 我提議黎架喎!!!”
影相怪二等兵無懼乾煎既天氣, 係咁影呀影, 影呀影………
隊長, 有外敵入侵!!! 我地從後觀察先…..
呢 d 究竟係咩星球既人??? 又黃又綠 (成個隊長咁, 哇哈哈) , 仲有一條象腿 tim …. @_@”
行到上黎, 見到呢度既 “園徽”~
又有個塔 !!
有幅透明玻璃牆寫滿詩, 好靚~
玻璃倒影入面白色衫果個就係隊長既 “真身” 喇, 哇哈哈~
行到呢個時候已經熱到頂唔順, 隊長, 我地要撤退喇 !!!
响撤退既時候, 俾隊長發現呢個日本庭園, 來自日本既隊長即刻掹住二等兵入黎~
哈哈….掹二等兵入黎做乜 ???
二等兵個 fd 鬆弛熊見到咁靚, 話要影相 !!!
呢個時候真係大汗叠細汗, 隊長話: “全速撤退!!!”
二等兵心諗: “唔中暑都算好彩…..”
待續……….
沒有留言:
張貼留言