士多啤梨玩具

頭先同隊長打完波, 去返奧海城果陣, 見到有一大堆人群, 奧海城成日都有明星做show, 唔知今次係咩個明星呢?

d 人多到…..插針都插唔入, 二等兵個子矮小, 都望唔到係邊個, 後來主持人介紹 “周慧敏小姐” 先知原來係 Vivian ~

呢張相係隊長影架….二等兵返屋企睇返張相先知, 原來世紀賤男都响隔離…..

曾幾何時, 周慧敏都係二等兵既偶像, 但自從上年發生 “分完又婚” 事件之後, 二等兵已經唔係咁鍾意喇…但無可否認既係, Vivian 到今時今日都仲係好靚~~^^

——————————-

夜晚食完板前壽司後就同隊長行街街, 上左潮流特區行~

二等兵一向是車厘子/士多啤梨既 fans, 潮流特區 1/F 電梯位有間賣士多啤梨賣左好多年喇, d 野仲唔平 tim, 今日上到黎見到大大隻字寫住全店 $20, 二等兵一見到即刻撇下隊長入左去~

本來想買好多好多野, 但因為實在太多人, 行又行唔到, 插又插唔入, 仲攪到身水身汗 tim, 於是經過一輪肉摶之後終於買左 3 樣野咁大把….