點解咁多人既嘉樂冰廳

早兩個月黎到嘉樂冰廳模門釘之後, 今日終於有機會黎食, 我地 2:50pm 黎到, 大排長龍……真係唔知等到幾時先有得入去坐底…… ><

等左 45-50mins, 終於入到去坐喇, 隊長叫鮮牛蛋治, 阿姐叮囑佢呢個要 “等”, 之但係隊長就係為左呢份鮮牛蛋治先大排長龍…..一場黎到, 等到冇偈啦。

我地坐低既時候, 對面兩位已經黎到食緊件豆腐, 點知我地個咖喱牛腩撈遲黎先上岸, 仲快過佢地個炸醬撈, 個男人已經有點不耐煩了。

個咖喱腩撈實在太辣喇, 於是成件豆腐等二等兵黎!!

隊長成碟咖喱腩食清晒都未見到件鮮牛蛋治…..真係要 “等” …..

之但係原來連杯凍朱古力都係要 “等……寂寞到夜深…….”

除左件蛋牛治之外, 我地已經食清晒枱面上既野喇, 杯朱古力先黎, 最不滿應該係對面個男人, 因為我地遲來, 杯朱古力都係同一時間出現。

主角終於出場……份蛋牛治一上枱就擺左去我地果邊, 點知原來對面個男人都同樣有叫蛋牛治, 真係唔好意思, 我地都唔知佢有叫, 讓俾佢先佢話唔使, 咁我地唔客氣喇!!! 不耐煩先生就顯得更加不耐煩。

份蛋牛治真係有 3” 厚………

終於, 我地排隊連埋食野用左個半鐘……..><

下次千祈唔好兩點幾去食…………