上海飯店@大角咀

聖誕節係咁食食食, 於是隊長同二等兵今日做返 d 消耗體力既運動………打羽毛波。

嘩連續打左兩粒鐘, 真係攰到咩咁, 做完運動又走去食, 都唔知咁辛苦做運動有冇用既…………

是日晚餐揀左附近既上海店。

先黎個酸辣湯 (客飯包埋既), 真係夠酸又夠辣….. ><

隊長猛話正正正, 二等兵食左一啖就停左…..辣到食唔到………

回鍋肉客飯一客, 但係包兩碗飯, 啱晒大食既隊長!! ($24)

二等兵叫既排骨湯麵 ($21), 冇乜味咁…….但 d “排骨” 就好鬆滑, 仲俾埋淮鹽 tim~

加多一客小籠包 $16 - 5隻, 但係皮太厚了。

飯後甜品~ 豆沙鍋餅 ($24)

Total: $85

隊長話呢間要長期侵略, 不過下次唔好食小籠包 & 鍋貼~