隊長响網上見到呢個 “牛牛樂園” 覺得幾得意, 於是我地就黎侵略~
開放時間是星期六, 日及公眾假期, 每日有兩節 : 10:30 am & 2:30 pm, weekday 是唔開放的。
預早 book 位入場費每人 $20, 如果即場買飛就 $30, 於是二等兵早兩日已登記 & 到銀行 (中銀) 入帳, 然後 email 張 receipt 俾牛牛樂園, 佢就會 email 返張 “牛奶劵” 到時換牛奶架啦 ~
我地為左唔想咁晏, 所以選擇了早上的一節。
呢度雖然話係沙頭角, 但都唔係想像中咁隔攝, 不過對於我地呢 d 市區人黎講, 遠就遠左 d d ~
由上水火車站坐 78K 巴士, 响萬屋邊站落車, 好好彩, 一去到巴士站見到司機準備開車, 我地就跑快兩步, 如果唔係就要等 25 mins 先有車啦 !! 上到車先知原來成架巴士都無人 ~ 隊長, 你又包車呀 ??
大約 40 mins, 經過 23 個巴士站後………….
隊長 : “二等兵, 我地到喇 !!!”
二等兵 : “嘩, 人影都無隻, 有冇落錯車呀 ??”
人又無, 車又無, 直情可以行出馬路…
响隊長搵緊路既時候, 有個好好人既村民主動同隊長講 : “細佬, 你想去邊度呀 ??”
於是經過村民既指點後, 我地順利找到牛牛樂園 !!!
原來牛牛樂園係生產 “康寧牛奶” 既 !!!
我地沿住呢條斜路行上去先 ~
嘩, 到喇到喇 !!
咦….一個人都無既……
原來因為我地趕到頭先果班巴士, 所以早左 30 mins 黎到……
叔叔好好人, 我地表明是來參觀的, 但因為遠道而來, 所以早到了, 佢就好好人咁叫我地入去隨便參觀 !!!
一入到去叔叔就每人俾左一支康寧牛奶我地飲~ 佢話出面 d 超市無得買架….
要飲就要到指定地點, 或者要訂奶先有~
其實呢度地方唔大~
叔叔話呢塊係可以踏的草地, 叫我地可以周圍影下相, 隨便參觀下, 又叫我地試下餵牛牛 ~ 佢帶我地行入去搵牛~
叔叔話剛剛先清潔完畢, 所以放心四圍行~ 我都相信佢既說話, 因為我地聞唔到任何牛屎味, 只係聞到清新既草味~ 同埋呢度都係幾乾淨既~
哈哈 …. 終於見到呢兩隻乳牛喇 !!!
地上放左一堆草, 我地剛才俾了每人 $5, 佢話地上 d 草可以全部餵晒俾牛牛食~
佢教左我地點餵佢之後, 就行開左喇, 俾晒機會二等兵同隊長侵略呢兩隻乳牛 !!!
佢見到我地兩個 “外來者” 都走過黎望下, 其實佢地係想我地餵佢就真 !!!
你睇佢地 stand by 喇 !!! 我地就開始試下餵佢地先~
記住要輪住黎餵, 如果唔係呢兩隻牛女會打交架 !!!
係咪好得意呢 ~
你睇, 餵完一次後, 佢梗係唔夠喉啦, 所以响度等緊我地繼續餵 !!!
餵左細半堆草之後, 右手邊呢隻牛女睇黎已經飽飽, 無興趣理我地了 !!!
正所謂牛都有大食同細食之分, 左手邊呢隻應該好似大食既隊長咁, 响右手邊果隻牛女坐低後, 佢就不停咁示意一個為食既樣俾我地, 我地於是就係咁餵佢~
隻牛心諗 : “你地兩個影夠未呢 ?? 影完一隻又一隻, 究竟餵得我未呀 !!!”
我地包場玩左 30 mins 後, 另一些參觀者終於來到喇, 於是叔叔帶我地去另一個牛欄參觀~
其實計埋我地都係 4 伙人, 加埋都係 11 個, 有大有細, d 小朋友見到 d 牛牛好興奮~
叔叔話佢地既牛係純種既澳洲牛 ~ 而前面呢隻係無牙既 ……
佢仲即場示範下俾牛咬 tim…….
行去另一邊, 佢話 d 牛就係食呢 d 草喇~ 有工人收割俾牛牛食~
轉去另一面參觀下這個空置的牛欄~
呢個鐵兜係俾牛飲水既, 條牛脷壓落去就會有山水流出~
然後叔叔就俾個揸奶機我地睇….二等兵仲以為佢會即場示範, 原來揸牛奶係有限定時間, 每朝 4:00 am and 夜晚 7:00 pm, 每次大約揸 20 mins….
奶泵 !!!
講解完後, 叔叔又俾我地四圍行下同餵下牛~
响其他人仲好好興緻繼續餵牛既時候, 我地已經餵到唔餵喇 !!! 哈哈哈~
臨走前買了一樽蜜糖試下~
幾得意既一次參觀, 雖然係遠 d, 但都值得來一次~
走既時候都只係 12:00 noon, 隊長話黎到上水咁遠水路, 不如上深圳玩, 呵呵….
Go Go Go…………..
下回請看 : 深圳福田 之 麵點王
沒有留言:
張貼留言