本來尋晚打來 book 位, 但原來呢度無得 book ga
~~ 不過無所謂, 橫掂我地咁近, 黎到都應該無乜人 ~呢度設計得幾潮, 顏色都幾靚 ~
二等兵最鍾意呢個咕臣, 坐得勁舒服~
但坐低左一陣, 就見到有食客同侍應發生爭執, 仲偷聽到食客大聲問侍應 : “你而家咩態度呀 ??” 唔知發生咩事呢 ?? 最尾由黑衫經理出面調停先無事 …..
好喇, 睇下食乜先 ~
一口帶子貝 ($32), 正 !!
朝日啤酒 ($18) ~
什錦刺身 (3式) ($88), 包括 : 三文魚腩 3 件, 吞拿魚 3 件及珍寶帶子 3 件, 新鮮 !!
辣汁焗廣島蠔 (2 隻) ($36), 二等兵無食, 同事甲乙話好正 ~
炭火燒鰻魚 ($48), 唔錯吖 ~
什錦海蝦天婦羅 ($46), 正 ~
一杯似藥水味既藍莓雪冰 ($24) ~~
炸軟殼蟹 ($42), 無腥味, 唔錯 ~
西京豚肉烏冬 ($58), 烏冬幾好味, 但湯底淡左 d ~
壽星仔指定要叫既炒牛肉飯 ($42),OK good ~
壽司拼盤 ($68), 包括三文魚腩 2 件, 鮮帶子 1 件, 赤貝 1 件, 鰻魚 1 件, 珍寶蟹棒 1 件, 吞拿魚 1 件, 玉子 1 件 ~
勁得既金菇牛肉卷 ($28)
唔好食既大根餃子 ($32)
配上這個芝麻汁 ~
炸雞軟骨 ($36), 炸得太硬了 ~
無味既日式芝麻醬海鮮冷麵 ($48)
話說因我們三人都覺得唔夠芝麻醬及無味, 於是二等兵就叫侍應麻煩俾多少少醬, 但點知侍應回覆 : “我要幫你問問先 ~”
之後見到侍應同類似廚師的人一路望住我地張枱, 一路交頭接耳, 我地都覺得有點奇怪, 過了一陣侍應遞上一碟很少的芝麻醬說: “今次係例外俾你地架, 下次唔會再額外俾醬你地架啦 !!”
我地三人同時打左個突, 反問返佢 : “我地覺得你個麵無味喎 ~~”
侍應 : "因為廚師話呢個麵係要配返呢個分量既醬架, 多左會唔好味 !!"
我地三人 : “我就係覺得你個呢個分量既醬唔好味喎 ….”
侍應 : “每個麵係有指定既醬汁分量架 !!”
睇黎呢個廚師真係好有個人既觀點, 仲認為佢個食譜係世上最好味既東西, 但佢有冇諗過, 每個人都會有唔同既口味, 佢俾左個醬我地咪算囉, 仲要講咁多野, 點解要用我地既口味黎就佢個食譜, 我地都係食客, 唔係應該接受客人的意見嗎 ?? 成晚本來對這間食店感覺都不錯, 就係因為呢個小風波攪到我地對佢印象麻麻 ……. @@
Total : $715
味道係 OK 既, 不過唔鍾意呢度 d 服務囉 …..
沒有留言:
張貼留言