Merry Christmas 之 三河屋 @ 紅磡

本來我地打算睇完高達展去食時新漢堡包, 點知今日聖誕節放假一天, 難得黎到紅磡, 我地就响附近搵食先 ~

行行下黎到三河屋, 隊長見到咖喱飯即時兩眼放光, 佢話呢間食店响區內好出名, 於是我地二話不說就入黎喇 ~

一坐低, 睇到隔離位哥哥食緊果碟咖喱飯, 睇個賣相都好正宗 bor, 而且見到果位在店內坐陣既男人係日本人, 就更加肚餓喇 ~~

隊長叫既 - 吉列豬扒咖喱飯 ($48) ~

日式咖喱唔會辣得去邊, 啱晒二等兵口味, 豬扒好鬆脆, 而且 d 薯仔炆到入晒味, 又多咖喱汁, 好好味 ~

二等兵叫既 - 吉列薯北海道忌廉飯 ($58) ~

叫既時候老闆娘都會同二等兵講 d 薯餅有牛肉, 細心 !!!

薯餅勁好味, 有牛肉同洋蔥既薯餅係特別好味架 !!!

d 汁似粟米湯, 都幾 creamy ga, 正 ~~

Total $106 (免加一)

可惜我地唔係成日去紅磡吖, 希望有機會再黎侵略 !!!