再侵略 新城潮州飯店 @ 九龍城

好耐都未食過潮州野啦, 今日趁 weekend, 我哋遠行來到九龍城食 “新城” 先 ~

今次係我哋第二次侵略, 但天氣熱, 胃口麻麻, 所以無上次咁勁可以 KO 咁多野 !!

7 月既天氣實在太熱啦, 我哋叫咗支金威啤酒 ($12) 同芬達 ($6) 消消暑先 !!

隊長至愛既胡椒豬肚湯呀 !! ($30/碗) ~

都幾足料呀, 又夠胡椒味, 隊長激讚 !! 之但係天時暑熱, 仲飲埋啲慶烚烚既野, 隊長, 你唔熱架咩 ?!

鹵水鵝拼大腸 ($60) ~

真係估唔到啲鵝多過啲大腸好多 !!

鹵水鵝必備既醋, 同隊長必備既辣椒油 !!

潮州名物 - 川椒雞 ($50) ~
好鍾意食啲川椒葉 !!

另一名物 - 糖醋麵 ($48)

哈哈, 個心心整得好靚呀, 真浪漫 ~

糖、醋。

鬆鬆 : “好想食反沙芋呀, 但係有十二件咁多, 兩條友點食呀 ………”

埋單 : $206 (免加一)

仲有好多野想食呀, 不過兩條友實在食唔落 !!