Day 10 Part 3 - 秋葉原, 新宿 (Lunch - 若狭家)

今日行程 : 日本 サッカーミュージアム —> 秋葉原 —> 新宿 (Lunch - 若狭家) —> 羽田空港 —> 香港國際機場

因為隊長實在太興奮, 我地响足球博物館 stay 到 over run 晒 !!! 所以唯有 cut 短 d 秋葉原既行程啦 !!!

二等兵心諗 : “cut 啦,

cut 啦

, 好野 !!!”

本來打算行去 秋葉原 既, 但係因為 over run 緊, 加上又好攰喇, 所以都係搭 JR 算喇!!!

行返去 JR 御茶ノ水駅途中又見番頭先條河, 影相怪又發作, 嘻嘻 ~

落返去搭 JR 中央總武線先 ~

真係話咁快就到, 咁就到左 JR 秋葉原駅 !!!

搵電氣街口出先 ~

咦, 原來秋葉原都有得蓋印仔喎 !!! 黎過幾次都唔覺眼 tim !!!

嘩, 要儲晒 77個站既印仔, 睇黎真係要移民日本先得喇 !!!

查實隊長 Day 7 都黎左秋葉原啦, 點解今日又黎多次既 ?? 係咪隊長仲未放夠血呀 ??

其實今日黎到秋葉原係有目的架 !!! 今日係星期日, 會等別多 Lolita 裝扮既少女响街度派傳單, 隊長話帶二等兵黎見識下 bor ~~

果然不出所料, 星期日真係好多 Lolita 裝扮既少女吖 ~

不過好多個都勁醒目, 一舉機即時以 0.01 秒既速度擰歪面, 唔會俾你影到佢正面 ~

呢位少女手上套上鬆弛熊公仔 ga !!! 本來係想影鬆鬆, 點知佢見我一舉機, 即時用鬆鬆遮住佢自己塊面 !!!

呢幾位少女係行街架咋, 都著得咁靚 !!!

呵呵 ~ Day 7 嗰日, 隊長就係响呢間 Animate 侵略得好成功, 仲放左一大灘血 tim !!! 佢即時擺個勝利姿態出黎 !!!

電氣街 (中央通り) 一帶 ~~

ドン・キホーテ (秋葉原店) ~~

又黎到 "秋葉原 UDX" 喇 ~

仲記得上年响度等隊長, 食左好耐風 tim !!!

今日我地都算係 “目標為本”, 一黎到即上我地既 target (4/F) 先 ~

東京アニメセンター (Tokyo Anime Center) ~~

門口呢張 隊長 Poster 好靚呀 !!!

叮噹呢張都好靚呀 ~~!!!

仲有其他動畫 poster ~~

柯南 Movie 既宣傳品 ~~

咦 ~ 叮噹電影 - 人魚大海戰呀 !!!

重有好多 Figure ~~

見到好多隊長既產品, 又睇到隊長流哂口水喇 !!! 不過 d 物品唔平 ga, 所以我地都係忍下手算喇 ~

呢張地毯好靚呀 ~

哈哈 … 又係 Kururu 既咖喱吖 ~

小新呀 …@@

多謝光臨 ~~

行返去 JR 站時經過 Yodobashi Akiba ~

快接近 14:00 pm 喇, 時間無多, 我地係時候要返新宿食晏喇 ~

坐 JR 中央總武線先 ~

各位團友, 係 5 號月台呀 ~~

返到新宿已經 14:00 pm 喇, 好肚餓呀隊長 ~~

隊長 : “好啦 …. 我地快 d 去食 Lunch 啦 ~”

雖然話去食 Lunch, 但沿路又要影下新宿街頭先 ~

原來星期日下午既新宿街頭 (新宿大通り) 會變成行人專用區, 仲有 sample 派 ga ~ 今日見到有洗頭水同香體露既試用裝派 ~

呢座 Building 好得意吖, 成幅未砌好既 puzzle 咁 ~

呢間 coffee shop 好露天茶座 feel 吖 ~

終於搵到我地既 target - "金太郎丼" 喇 !!!

wow !!! 二等兵今次又再次 “晴天 pig pig” 喇 … 金太郎星期日係唔開架 .. !!

嗚嗚…..上次黎到金太郎, 二等兵因為太飽食唔落, 成碗魚生飯俾隊長 KO 晒, 諗住今日有機會試下啦 … 點知 …. 嗚嗚 …………

點知呢個時候隊長有個好提議 !!!

我地去 若狹家 啦 !!!

好, 即時掟彎 !!! GO GO GO !!!

睇吓 menu 食乜先 ~~

呢碗係隊長叫既 “六角丼” (1100 yen) ~

六角包括 - 吞拿魚, 三文魚, 甜蝦, 墨魚, 吞拿魚蓉, 同埋 貝類 ~

換下另一個角度睇下先 ~

好新鮮呀 !!!

 

二等兵就比較浮誇 d ~

  嘻嘻, order 左呢個 “四種盛り”  (1510 yen)

唔知各位團友有無發覺二等兵叫既野成日都貴過隊長架呢 ~~

我地睇下有咩先 ~

四種盛即係三文魚, 吞拿魚蓉, 三文魚子, 仲有二等兵至愛既海膽呀 ~~!!!

好新鮮既三文魚 ~

响 HK 食既三文魚子一般都比較腥, 响呢度唔係好覺喎 ~ 入口 “bi” 晒 d 汁出黎, 正呀 ~~

隊長唔食魚子架, 所以二等兵平時都好少叫, 今次唔理佢喇 !!!

吞拿魚蓉, 相對其他魚生, 呢個可以話係比較失色 ~ hehe ~

好正既海膽呀 !!! 响日本食海膽真係好滿足 !!!

埋單都係 2610 yen, 已經好滿足 !!!

今次係第二次黎食若狹家, 不過其實呢餐係 feel 到比上年差左少少 ~ 但都仍然係好滿足 !!!

食飽飽响新宿 shopping 多陣先 ~ 盡地一煲呀 !!!

本來二等兵要幫哥哥買呢款 “釣友之寶” - アネロン「ニスキャップ」(白兔牌暈浪丸) ~ 其實前晚响同一間藥房都已經幫佢買左一盒, 但係佢話唔夠, 想買多一盒 (6 粒裝) ~

點知一減價 (6 粒裝 / 498 yen), 即刻俾人掃晒喇 !!!

而 3 粒裝既賣緊 417 yen 仲有一大堆响度 ~

之後响 "紀伊國屋書店" (新宿本店, Forest 館及南店) 買左幾本書後, 我地真係夠鐘要返酒店拎返 d 行李, 準備去機場喇 !!!

沿路又影下相先 ~ 要撤退喇, 好唔捨得呀 ~~

下回 : Day 10 Part 4