咁就玩左 8 日喇, 時間過得真係快, 話咁快就黎到尾二嗰日喇 !!! 今日會遠行, 主要去到 "自由が丘" 同 “橫浜” 一帶, 其實今日既行程原先係 plan 左噚日去的, 但因為 “瀨里奈” 今日 (星期六) 唔會提供 Lunch, 所以就將噚日的行程同今日對調 ~
呢兩支係噚日在 “二木の菓子” 放血時順便買的, 好平, 都唔使 100 yen 一支 ~
一早起身又响新宿一帶食早餐先 ~
行到黎新宿東口睇吓附近有乜野啱食 ??
本來隊長勁想在 "一蘭" 食碗拉麵做早餐
呢間一蘭係 新宿東口店 ~~
後來隊長又好想試下日本既 Mc Donald ga, 不過二等兵見到對面有間 Lotteria, 即時掹隊長過黎睇下 ~
因為上次在 Lotteria 食過佢既蝦堡好好味, 所以我地就決定試下呢度 (新宿中央通り店) 既早餐 !!!
睇下 d 早餐 set 先 ~ 嘩, 好鬼貴架, 一個早餐計返起平均都成 HK$30-40 !!! 日本 d 生活指數真係好高呀 !!!
我地就叫左 410 yen 同 390 yen 呢個 set ~ Total 800 yen 食一個早餐呀 !!!
呢個係隊長 ソ一セ一ジ & エッグ set (390 yen) 的漢堡, 其實咪即係芝士豬柳蛋漢堡囉 ~~
精粹响塊蛋度 !!! 好正 ~
呢個係二等兵叫既 べッバ一ポ一クサンド set (410 yen) 的漢堡, 塊黑椒火腿勁正呀 !!! 同埋好多沙律醬呀, 攪到個飽勁好味 !!!
個 set 有薯角 ~ 好好味 bor, 真係覺得日本既薯仔係好味 d ~
飲品叫左凍奶茶同熱檸檬茶 ~
檸檬茶係落檸檬精 ~
溝完 3 包檸檬精都無檸檬味, no good !! 而隊長果杯凍奶茶又係好難飲,
呢 d 飲品都係去返 HK d 茶記好飲 d ~
食飽早餐先有體力出發, 好喇 … 我地第一站向自由が丘進發 !!!
落返 JR 新宿駅 坐 JR 山手線去涉谷駅轉車先 ~
之後要轉 東急東橫線 ~
因為要去轉東急東橫線, 所以在 JR 涉谷駅 要出閘, 再入 東急東橫線既涉谷駅 ga, 即係要另外俾錢 !!!
Oh … 9:30 am 有班特急列車去 “元町．中華街” 方向, 要行快兩步至得喇 ~!!
個月台都好大呀 !!!
我地仲竟然有時間影下相 tim !!!
架車就快開, 又係急行, 所以好多人 ~
坐左 3 個駅就到 自由が丘駅 喇 !!!
各位團友, 不如影返張團體照先 ~~~ 吓, 成團人都係得兩個人 …..
嘩 !!! 福原愛 呀 … 好 “卡娃咦” 呀 !!!
南口方面 ~~
見唔見到架列車响樹同大廈中間穿插 ??? 幾有型呀 ~~~!!!
好靚呀呢度 ~ 今日係星期六既早上, 所以而家仲係好清靜, 呢份寧靜既感覺好 relax ~
掛著的燈籠隨風飄下飄下 ~
呢間屋好歐陸 feel ~
又係响屋同屋之間有條鐵路呀 !!! 好鍾意呢個感覺 !!!
响 HK 從來無可能在路軌上行走 ~~!!! 呢 d 係去旅行先可以感受到 ~!!
行到不遠處已經見到我地今朝既 target 喇 !!! 就係 自由が丘 Sweet Forest ~
不過由於開 10:00 am, 仲有 10 mins 左右, 於是我地响下面影住相等佢開門 ~
見唔見到相中果位少女, 佢真係企定定等開門吖, 後尾見到佢响 sweet forest 其中一間 cake shop 一邊食 cake 一邊看書, 幾咁享受 ~
成個水池都係櫻花花瓣, 好靚呀 ~~~
搭正 10:00 am 開門喇 !!! 入面有好多間 cake shop, 不如我地逐間慢慢睇 ~~
成個柜都好靚 ~
不如近 d 睇下 d cake 先 ~ 好吸引呀 !!!
連 d poster 都勁吸引 !!!
呢隻牛牛 cake 好得意吖 ~
Sweet Forest 入面總共有 8 間 Cake Shop ~ 不如我地逐間睇下 ~
相入面就係呢度既餅師喇 ~
好靚呀, 圓點波波餅盒吖 ~~~
第一間 Berry Berry, 專賣士多啤梨甜品 ~~
粉紅色係二等兵既至愛, 士多啤梨又係二等兵既至愛, 兩樣加埋 = 非常之吸引 !!!
買完 cake 可以坐响度食 ~
二等兵一向鍾意整蛋糕, 而隊長又一向鍾意食蛋糕, 所以我地兩個見到咁靚既 cake 都發晒癲喇 !!!
好靚好靚 !!!
點頂吖 ??
响日本成日都見到呢類卷蛋 ~
全部都想吞落肚吖 ~
係咪流晒口水呢 ~~?
士多啤梨 pudding, 樽上面的布好靚呀 ~!!!
士多啤梨 tart (勁多士多啤梨) ~!!
不過睇下價錢, 都幾貴 ga !!!
第二間 イリナ, 專賣卷蛋蛋糕 ~~
呢 d 好普通既卷蛋都可以做到咁靚 !!! 呢度大大話話都有 20 款口味 ~~
第三間 HONG KONG SWEETS 果香, 專賣中式甜品 ~~
季節の杏仁豆腐 ~ 好靚吖 !!! 不過其實只不過係杏仁豆腐, 你睇日本人真係 “化腐朽為神奇” !! 一樣咁平凡既野都可以攪到咁靚 !!!
又係杏仁豆腐 ~? 呢個係加左煉奶既 ~
呢個係 “べリ一九龍”, 個名咁 HK feel 既 ~~
呢個真係名符其實既 “九龍” 喇 !!! 仲係人氣 No. 1 tim ~~
亀 Jelly (龜苓膏) ~ hehe ~
好攪笑呀 …. 有包賣 ga !!!
第四間 メルシー クレープ, 專賣 Crepe ~~
好吸引吖 ~~~
第五間 アローツリー (Arrow Tree), 專賣各款 cake ~~
呢間 cake shop 的廚房好開揚架, 睇到入面整 cake 既情形 ~~
二等兵見到佢地整緊甜品, 雙眼已經開始放光 ~~
二等兵 : "你地請唔請人呀 ?? 我好想黎學師呀 !!!"
個廚房好大, 設備好齊全呀 !!!
仲用 3.6 牛乳 tim ~
成個柜 d cake 都咁吸引 !!!
好靚呀 …. 好靚呀 !!!
d 士多啤梨好大粒呀 !!!
Arrow Tree tart, 成個黎吖 … 唔該 !!!
士多啤梨 tart ~~
我地陣間就揀左呢件喇, 好貴呀 !!!
卷蛋蛋糕 ~~
呢個 “香蕉 tart” 好似好正咁 bor !!!
Anniversary ~~ 個名改得好正 ~ 啱晒週年紀念時食啦 !!!
呢個係 “Apple pie” ~
栗子 tart ~~
點解連橙都吸引過人架 ….
"生果 tart ", 用左好多款生果整 ga ~
第六間 パティスリー アンファンス, 都係專賣各款 cake ~~
呢件白雪雪既係 “Cheese Mont Blanc” ~~
二等兵至愛既心太軟呀 !!! 發癲中 ……….
薑味布甸 ~
朱古力 + 薑味 mousse 吖 ~~~
哈哈 … d 牛牛 (cheese cake) 每件都唔同表情 ga !!!
呢 d 係法國好興既甜品 Maracon cake ~ 好 colorful 勁吸引 ~~~!!!
朱古力又係二等兵既至愛 (“屎” 啦, 專揀 d 咁肥既做至愛 …)
嘩 …. 好貴呀 !!!
第七間 ル スフレ (Le Souffle), 專賣梳乎厘 ~~
二等兵 : “請我啦 !!!最多我唔收你人工又點話 ~~”
打緊忌廉，真係好想响度學師呀 !!!
呢個就打緊蛋 ~
搽緊牛油响梳乎厘杯 ~
第八間 ミキシン ミクスリーム, 專賣炒雪糕 ~~ (sorry, 冇影相)
我地响 “Arrow Tree” 買完 cake 後, 就揀咗呢個落地玻璃既坐位享受下喇 ~
隊長,乜你又包場呀 ~~
好正呀, 响呢度望住櫻花, 喫住呢件咁美味既 cake, 簡直係人生一大樂事 ~~
就係揀左呢件期間限定既 “莓ほっへロ一ル” (750 yen) ~
粒 strawberry 好大粒, 好甜 ga ~!! 不過件 cake 無想像中咁滑, 反而陣間去 “自由が丘ロール屋” 食果件 “黒糖のロール” 卷蛋仲平 d, 滑 d 又好味 d~!!!
呢個位勁正呀, 落地玻璃旁邊有棵好大既櫻花樹 ~~
你地兩個又黎啦 !!!
下回 : Day 9 Part 2
沒有留言:
張貼留言