Day 8 Part 4 - 新宿 (Dinner - 築地玉寿司), Hotel 休息

今日行程 : 新宿御苑 —> 新宿 (Lunch - 瀬里奈) —> 上野 (恩賜公園 & アメ橫) —> 新宿  (Dinner - 築地玉寿司) —> Hotel 休息
响上野準備撤退既時候已經開始天黑喇 !!!

我哋去 上野御徒町駅 坐都営大江戸線返 新宿西口駅 先 ~~

around 20 mins, 到喇 ~~ 响 D5 出口返 Hotel 先 ~~

由於頭先買左太多野喇, 所以我地响 Hotel 放低 d 野後, 我哋向新宿南口進發 ~~

新宿 Lumine ~~

新宿新南口巴士站 ~~

Mc Cafe 吖 ~

今日的晚餐揀左壽司放題, 就是位於 新宿高島屋 既 築地玉壽司 ~

知道呢間店 Dinner 時段勁多人等位吖, 要行快兩步喇 !!!

黎到門口無乜人 ?? 皆因係要攞 “飛仔” ga !!!

好自助 ga, 响呢部機輸入人數, 選擇坐位 (table or bar 枱), 然後佢就會話你知大約幾點左右有位 ~ 所以門口咪無乜人囉~

根據資料顯示, 我地係要等成個鐘吖 !!! 所以响呢度週圍行下先 ~

响 13/F 有個空中花園 ~

好靜吖, 因為好大風, 好凍呀 ~

由空中花園望出去, 見到 東京鐵塔 吖 ~~ 上次就成日見到, 今次玩左咁多日都係見過一次咁多 ~~ @@

遠眺東新宿既 0101 ANNEX ~

下面的街道幾咁繁忙 ~~~!!!

實在太大風喇, 我地返入去室內先 ~

見有時間, 週圍行下先 ~~
呢間 セイチェント (12/F) 好吸引 bor ~

仲見到 鼎泰豐 (12/F) tim !!! HK 都已經覺得貴啦, 响日本食鼎泰豐真係超級勁貴 !!!

師傅响度包緊小籠包 ~

新宿 つな八 (13/F)

いなば 和幸 (13/F)

総本家小松庵 (13/F), 食蕎麥麵好出名 ga ~~

名代とんかつ かつくら 京都三条 (14/F)

隊長見仲有時間, 又一個人走去放血 la ~~ 二等兵就坐响度繼續等位 ~~

小田急ホテルセンチュリーサザンタワー (左), 呢幢大廈好得意 ga, 5/F - 18/F 係 Office, 19/F - 35/F 係 Hotel 嚟 ga ~~

ＪＲ東日本本社ビル (右)

JR 新宿駅 ~~

紀伊國屋書店 (新宿南店) ~~ 响度終於見到有 Headporter 果本雜誌賣呀 !!! Good !!

好喇, 放完血, 係時候補充体力 ~~

築地玉寿司 (13/F)

餐牌上的散叫壽司或手卷可以任叫, 想食乜就响張紙 mark 低後, 俾前面的師傅佢就會整俾你 ~

(睇過餐牌, 壽司大部份都是 210 yen/件)

壽司一叫要兩件起, 唔可以單獨叫一件, 手卷就可以一件上, 飲品就只 provide 水及抹茶 ~


而餐牌上的 set 及飲品就不包括在放題上, 要額外付錢 ~

除了餐牌的壽司外, 還有一張是日精選的 menu 可以叫, 不過都係寫日文, 所以大部份都唔明係乜東東 ~

睇下價錢先 ~ 男+女 (稅込 7350 yen) ~

食放題一定要一 pair pair 架 (女+女, 男+女 或 男+男) , 無得一個人 ga !!!

好喇, 想親身感受日本壽司的風味, 記住揀 bar 枱吖, 個感覺好正呀 !!!

今晚就係呢位師傅炮製俾我地喇 !!!

呵呵 …. 睇下 d 刺身幾吸引 !!!

製作中 ~

整好後, 佢就會將件壽司放响你面前的木板上 ~

好正既海膽呀, 真係好 “先呼”, 好新鮮呀 !!!

不過海膽的 size 明顯無築地果件咁漲滿, 話晒呢餐都係任食喎 !!!

二等兵至愛既蟹膏壽司, 好正好正 !!!

車海老壽司 ~ 好鮮甜 ~

帆立貝壽司 ~ 好滿足 !!!

甜蝦壽司 ~

拖羅壽司, 正呀, 無筋架 !!!

拖羅手卷 ~

好正呀, 梗係快 d 要再 encore !!!

佢睇緊我地揀左 d 咩壽司 ~

呢件鰻魚卷係要 4 件上, 二等兵見到餐牌的相好吸引咁, 所以就算要 4 件上都照 order !!!

外面當然是鰻魚 (上穴子) 啦, 裡面包住的是青瓜及蛋, 配埋鰻魚汁食好好味 ~

呵呵 … 又有得食 !!!

encore 的蟹膏壽司 ~

好 “先呼” 的海膽 !!!

魚子壽司, 一  d 都唔腥 !!!

"吞拿魚蓉+ 鵪鶉蛋黄" 壽司 ~~

好快就清晒 d 壽司, 又再 order 先 !!!

甜蝦壽司, 火炙三文魚壽司, 茄子壽司 ~

件茄子壽司响 HK 無食過, 於是特登叫黎試下, 其實係醃過既漬物類, 二等兵就唔識欣賞喇 !!! 都係 order 返平時果 d 就穩穩陣陣 ~

火炙三文魚壽司, 好味呀, 因為件魚好肥美 ~

甜蝦壽司又係好鮮甜呢 ~~

你地覺唔覺我地好似啱啱放監出黎咁 ??

海膽壽司, 蟹膏壽司, 海鮮沙律壽司 ~~

好好味 !!!

蟹膏壽司, 正呀, 真係好正 !!!

再黎呢件 “先呼” 的海膽壽司, 真係正到無得頂 !!!

唔理喇, 放題梗係要再接再勵 !!!

三文魚壽司, 帆立貝壽司, 拖羅壽司, 腐皮壽司 ~

呢件腐皮壽司係隊長既至愛 ~ 因為二等兵唔鍾意食, 所以平時响 HK 好少會叫呢款, 而家食放題隊長終於可以叫喇!!!

好正既拖羅壽司, 都係無筋 ga !!!

二等兵同隊長都好鍾意食既帆立貝壽司 !!! 真係勁新鮮 !!!

日本人好少食既三文魚壽司, 我地响度點都要試下 ~ 正 !!!

個師傅已經覺得你兩條友係咪食得晒架 ??? 但我地又真係可以清晒枱面既壽司喎 !!!

甜蝦壽司, 車海老壽司, 拖羅壽司, 象拔蚌壽司 ~

話說我地叫鮑魚壽司既, 但係原來無貨, 於是師傅炮製了呢件象拔蚌壽司俾我地試下 ~ 但隊長話有點腥 ~~

好好味既拖羅壽司又要翻炒 !!!

真係非常 “先呼” 既海膽壽司 !!! 咁食法, 响 HK 都唔知要幾多錢咯 ………

車海老壽司, 都係咁新鮮, 無失望 ~

甜蝦都一樣啦, 都係咁鮮甜 ~

呢件玉子壽司係隔離位 pair 情侶叫 ga, 當師傅整呢件壽司時, 幾個師傅同時笑笑口, 意思係考功夫既時候到喇 !!!

佢一路挑, 一路笑, 隔離兩位師傅同時笑笑口, 場面好攪笑 ga !!!

"砌" 好喇 ~~

上碟喇 ~~

呢個時候二等兵已經收手喇, 留返俾隊長表演 !!!

帆立貝壽司, 拖羅壽司, 海膽壽司, 我地唔貴唔叫 !!!

……

有人叫左好多件拖羅壽司, 師傅開始起肉 ~~

你睇, 成盆上吖唔該

…. 唔係我地 ga  !!!

好喇, 食多兩件至收手 !!!

拖羅壽司 & 海膽壽司 ~

好好好好味 !!!

"先呼" ……… !!!

兩個人Total 食左 63 件壽司, 如果以餐牌 210 yen 一件來計, 我地已經食左人地 13,230 yen 喇 !!! 但我地呢餐只係付出左 7,350 yen 就可以落樓喇 !!! 今次真係侵略成功呀, 呵呵呵 ~~~

食飽飽又响附近行下先 ~

又見到鬆鬆吖, 呢幾隻好可愛 bor ~~

行返去靖国通り先 ~~

Building 頂部咁靚既 ~

又黎到歌舞伎町 (さくら通り) 喇 ~

新宿 Prince Hotel ~~

返到酒店都好攰喇 !!! 快 d 瞓覺先

, 聽日又會牽起另一個高潮 !!!

—————————————————————————————————

02/4/2010
なか卯	牛肉飯 + 冷蕎麥麵	¥490
新宿御苑入場費	200 x 2	¥400
瀨里奈	3800+4800+10%+473	¥9,933
增值 SUICA	2000+1000	¥3,000
Yamashiroya	577+504	¥1,081
Yamashiroya		¥262
My Bag	喼	¥5,550
藥房	Cream	¥630
二木之菓子		¥13,779
百果園	蜜瓜	¥100
築地玉壽司放題	男 + 女	¥7,350
紀伊國屋書店		¥2,799
藥房	698+498	¥1,196
	Total :	¥46,570

下回 : Day 9 Part 1