Double Tree @ 灣仔

再黎團購系列 !!

$128 歎 Double Tree 半自助餐加 $50 現金券下次惠顧使用，一星期 7 日均可享用 (原價 $308) 

見到團購網唔錯, 但點知中伏。中伏原因唔係食物難食或服務差, 而係因為物非所值啫。

 

今次團購係 semi-buffet, 响 “食物紙上” 既食物可以任點, 而主菜及指定甜品每人可叫一客。

二等兵看過團購網以為食西餐, 點知原來係 fusion 菜, 即係中式又有啲, 泰式又有啲, 西餐又有啲。

小食有以下 4 種 :



下面呢幾款甜品可以任點 ~

而心太軟及火焰雪山只可每位一份。

環境唔錯。

第一次落單梗係全部都叫啲啦 !!

煙鴨胸沙律 ~

基本嘢, 但竟然唔好味 @@ (P.S. 第一轉佢竟然漏咗沙律醋, 味道上就係將啲菜洗完放上碟食, 感覺好 “寡”, 但第一次落單唔知頭唔知路無問佢, 到第二次落單有返個黑醋就好味得多)

但啲煙鴨胸未免過份孤寒吧 !!

炸蝦及煎魚餅 ~

雖然食西餐出現泰式食物有啲騎呢, 但都算幾好味。

芝士焗西蘭花 ~

又係好難會唔好味架喎 !!

餐湯 - 白湯及中湯 ~

係咪好怪呢, 食西餐飲中湯 …….. 不過隊長至愛係中湯, 佢飲咗幾碗 XDDD

嚟多次炸蝦及煎魚餅 ~

啲煙鴨胸沙律終於有返沙律醋喇, 即時好味返晒 !!

但大家有無發現啲煙鴨胸越來越少呢 ??

再嚟芝士焗西蘭花 ~

主菜出場 ~

二等兵揀咗呢個原來餐牌係 “老虎大蝦, 煎魚柳配白酒忌廉汁”, 但現將老虎大蝦改為帶子, 或者因為帶子平啲掛 ?!

味道 OK !!

隊長就揀咗呢個紐西蘭香草羊扒 (3 件) 芥茉汁燒 ~

味道都 OK ~

再嚟多碗中湯 ~

煙鴨胸沙律 ~

炸蝦及煎魚餅 ~

輪到甜品時間 ~

每樣叫咗一件試吓先 ~

藍莓芝士餅, 紐約芝士餅, 意大利芝士餅 ~ 又係好難會唔好味 XDDD hehe ~

咖啡奶凍 & 綠茶奶凍 ~ no good …….

Creme Brulee (焦糖燉蛋) ~ 面嗰塊焦糖燒得剛剛好, 裡面的蛋漿好濃郁, 全晚最好食既食物 !!

每人一份既火焰雪山 & 心太軟 ~

第一次食火焰雪山, 原來係好好味的 !!

裡面係雪糕, 好味呀 !!

 

心太軟 ~

其實二等兵勁鍾意食心太軟 ~ 唔知呢個流唔流心呢 ??

賣相都幾靚喔 ~

個流心效果好得呀 !! 直情好似溶岩咁湧出嚟 !! 但味道真係太甜, 我哋兩個都覺得甜得滯~



再嚟多件意大利芝士餅, 藍莓芝士餅 & 焦糖燉蛋先收手 !!

Total : $128 x 2 + $12.8 x 2 = $281.6 

其實啲食物又唔係唔好食既, 但如果每人要接近 $150, 可以有更好既選擇囉 !!

P.S. 
http://hk.deals.yahoo.com/hong-kong/offer/history/5649