尼斯餐廳 @ 西環 - 堅尼地城

而家成日到出街食飯果晚就煩惱唔知食乜好, 於是我地就上網睇下網友既推介啦 ~~

今日我地黎到西環鋸扒吖 ~~

其實路痴二等兵一聽到隊長講西環, 個 concept 就係响 “添飯小廚” 附近, 點知到站隊長都唔叫二等兵落車, 架車一路駛呀駛, 究竟隊長係咪帶二等兵去賣呀 ???

終於都到喇, 二等兵一落車第一句就問 : “呢度係邊度黎架 ??” @@

原來我地黎到 “傳聞中” 既堅尼地城, 點解要用 “傳聞中” ?? 皆因咁大個女都未黎過呢度 ~~~ 今次又真係大鄉里出省喇 ~~~ @@

二等兵對堅尼地城既認識就係以前有個中學同學嫁左黎堅尼地城囉 !!!

呢度好懷舊扒房 feel ~~

羅宋湯 ~~~ 好味吖, 唔太辣 ~ 二等兵差唔多可以飲晒成個羅宋湯 ~

於是呢個白湯留返俾隊長 ~

個白湯都唔錯喎 !!! 有魚肉 & 薯仔, 幾足料, 同埋值得一讚係紅湯同白湯都夠晒熱, 飲湯都係要熱辣辣先好飲嘛 !!!

塊多士點埋 d 湯一齊食, 簡直 perfect !!!

每次隊長黎到懷舊扒房都會叫什扒餐, 貪佢夠大堆頭吖嘛 !!!

什扒餐 ($70), 跟 {飯, 意粉或薯菜}, 餐湯, 餐飲及甜品 ~

可以揀蒜蓉汁, 黑椒汁, 烤汁及洋蔥汁 ~

真係夠晒大堆頭喇 !!! 牛扒, 豬扒就一定有啦, 仲有雞翼, 腸仔, 煙肉 & 牛脷 ~

二等兵就睇中左佢個蜜汁薄切牛扒餐 ($49), {跟飯, 意粉或薯菜}, 餐湯, 餐飲及甜品 ~

可以揀黑椒汁或蒜蓉汁 ~

牛扒都唔錯吖 ~ 同埋好鍾意佢既薯菜係用薯角 ~

跟餐 + $24 既法式焗田螺 (原價 $40) ~

好似焗得太乾喇 ~ d 薯蓉乾得滯, 味道都麻麻, 下次可以慳返 ~

輪到二等兵最期待既甜品環節喇 !!! 咪玩啦, 黎黎去去唔係布甸, 啫喱就係雪糕啦 !!!

kaka ~ 無錯 !!! 其實期待既係果份情懷啫 ~~

菠蘿味啫喱 + 曲奇雪糕 ~

最鍾意佢地係用呢 d 銀色雪糕杯, 真係好懷舊 ~~~

開頭問服務員今晚係咩雪糕, 佢話係雲呢拿味, 二等兵一聽到係雲呢拿味, 即時轉軑叫布甸, 隊長就無所謂, 要返雪糕 ~

點知黎到原來係曲奇味吖 ~~

二等兵即時 “隔離飯香”, 差 d 食晒隊長呢球雪糕 tim ~~~

由於二等兵個啫喱加左花奶, 所以隊長一啖都無掂過 !!! XD

餐飲兩杯 ~~ 凍奶茶 (跟餐不用補差額) + 熱果粒水蜜桃果汁 (跟餐補差額 $3) ~~

吃飽飽行去海邊吹下海風, 順便影張相, kaka ~

Total : HK$160.6 (多謝加一服務費) ~