世界盃小吃 Round 1 之 涼伴火雞腎

4 年一度既世界盃今晚終於開鑼喇, 隊長呢個波牛梗係晚晚都好唔得閒啦 ~

而作為佢女友既二等兵, 一於响呢個時候扮下乖, 整 d 愛心睇波小食俾佢食先, kaka ~

早兩日在街市買了幾個火雞腎, 呢個 4 個半, 大約 $18 ~

返到屋企洗下佢, “瓊” 乾水, 落小小糖同鹽醃下佢, 仲要攞個錐仔拮幾個窿等佢入味 d ~

醃左半日後, 攞個煲出黎, 加老抽, 生抽 & 糖, 攪勻晒, 然後放入火雞腎 ~

大約鹵 1 hr, 其間時不時幫佢轉下身, 唔夠水就加下水, 仲要試下味 ga, 唔係又會俾隊長炸型 ga la ~


1 hr 後 … 攪掂 !!!

切片, 再加小許麻油 ~