Happy New Year !!! 
祝大家新一年心想事成, 身體健康 !!!
今日涼風陣陣, 襯天氣涼涼地, 我地黎到 BBQ ~~
响屯門西鐵站交通交匯處, 搵到呢架港鐵接駁巴士 K52 ~
車費 $3.8, 港鐵轉乘免費 ~
大約 30 - 35 mins 後到喇 !!!
一落車見到個海灘, 天好藍呀, 呢 d 天氣最啱 BBQ ~
巴士站對面就係我地今日既 target — 朱古力自助燒烤場 !!!
假期每位 $100, 包 : 一支水, 一汽水, 免開爐費 & 炭, 抵 !!
每人附送用具一套 : 蜜糖, 豉油等, 水一支, 汽水就憑票自取 ~
想講下 d 蜜糖, 如果有掃會更佳 ~
免開爐費, 炭用晒又唔使再買, 同埋 d 炭係大舊既, 唔係碎濕濕 ~ OK 喎 !!
睇下有咩食先 ~~
丸類, 腸類 ~
肉類 ~
雞翼都有 4 種味吖, 不過佢聲稱係辣既就唔多覺係辣囉, 啱我呀, 哈哈 ~
仲有左下角果盆肉眼粒勁好味, 一定要試 !!!
除左肉類同腸類, 仲有茄子, “塞” 米同青紅椒 ~ 種類都算幾多呀, 又可以自取, 都唔錯喎 !!!
煨番薯 ~ 老板教路, 放在爐下面, 每 5 分鐘反一次, 反夠 5 次就食得 !!! 我地試過呢個方法喇, 都係覺得放爐邊快熟 d, 嘻嘻 ~~
椰菜包, 記得要加 d 蒜蓉牛油呀 !!! 超好味 ~
飲品真係好多款揀呀, 樽裝既就要 + $5, 啤酒果 d 使唔使加錢我地無問呀 ~~
雪糕, “要買, 多謝 !!”
自制多士係每次 BBQ 既必吃食物 !!!
開頭唔知面前呢盒蒜蓉牛油係好野, 食左就知不能自拔喇 !!!
竟然有煨魷魚呀 !!! 真係好特別 !!!
仲有必吃既棉花糖 !!! 咁多個 BBQ 場黎講, 呢間既食物種類都算多喇 !!
好喇, 都肚餓喇, 嗱嗱臨去攞野食先 ~~
第一件事梗係燒 d 易熟既腸仔啦 !!!
豬柳漢堡扒都係第一次燒, 仲有雞腎呀, 原來燒雞腎都幾好味架 ~~
清左頭先果碟後, 忍唔住要燒下雞翼同 d 扒先 !!!
燒左幾轉之後, 拎左 d 蔬菜放入張錫紙裡面焗, hehe ~
你睇隻雞翼燒得幾靚仔 XD …
多士其實食左好多塊喇, 呢個時候先得閒影相, 哈哈 ~
d 蒜蓉牛油簡直勁正呀, 真係會不能自拔架 !!!
椰菜包 ~
估唔到會焗到軟架, 好味 !!!
飲品 ~~
竟然有隊長至愛既 “沙示” ……. 二等兵覺得勁難飲呀, 成陣 “藥水膠布” 既味 ….. @@
臨尾要煨返塊魷魚先 ~
仲有棉花糖呀 ~~ 哈哈 ~~
由 12:00 noon 燒到日落西山, 過對面馬路影下相先 ~~
個咸蛋黃慢慢跌左落黎喇 ~
服務好, 食物又多選擇, d 野食都醃得幾好味呀, 係咸左 d 囉, 同埋個場細左 d, 但鍾意佢可以自己攞野食, $100 /人, 玩幾個鐘, 抵啦 !!
沒有留言:
張貼留言