今日行程 :
香港 —> 成田国際空港 —> 新宿 (Lunch - 金太郎丼) —> 国立 & 立川 (リラックマ バス - Rilakkuma Bus) —> 立川 (Shopping) —> 吉祥寺 (Rilakkuma Store) —> 吉祥寺 (Dinner - 梅丘寿司 の 美登利) —> 秋葉原 —> Hotel 休息
等左幾個月既旅行終於出發喇 !!! 年尾既日子特別忙, 所以呢幾日在好忙碌之中 perpare 呢個 trip 既裝朿, 有理無理將屋企最保暖既冷衫, 冷帽, 羊毛頸巾執晒入喼先算 !!!
今日仲要返工架, 得老闆批準可以早走半日, 就嗱嗱臨返屋企瞓晏覺, 吃埋晚飯後, 就約隊長 23:00 pm 响機場既 CX check-in counter 等 !!! 點知有 d 人遲到成 30 分鐘喎, 原來有人坐果架 A11 等左半個鐘都無車黎, 仲曾經一度懷疑個車站係假既 tim, 好彩最尾個車站係真, 不過就要二等兵在 機場 呆等左 30 mins 囉 !!!
隊長就係在呢個入口拎住個喼跑落黎會合二等兵喇 !!!
我地就係坐 1:05 am 既 “CX 524” 航班, 由於呢班機同 JAL 聯營, 所以又有 “JL 7040” 編號 ~
頭等倉在 Counter “B” check-in, 經濟倉在 Counter “C” check-in, 唔好行錯呀 !!!
鍾意既話可以自助 check-in tim, 但話晒俾左成幾千蚊買機票, 呢 d 野梗係由地勤人員幫我地做啦 …
因為今次 d 衫勁厚, 加上又有好多保暖用品, 所以今次終於一人一個喼出門喇 !!!
兩個喼都係 15.8 kg 啫, 回程時意外地唔 overload, 詳情而家賣個關子先 !!!
隊長 : “好喇, 各位團友, 你地準備好未 ?? 我地可以入禁區喇 !!!”
各位團友, 先領取軍曹旅行社派發既 “期間限定” 鬆鬆 passport 套一個 ~
由於 book 機票時可以劃埋位, 所以我地揀左比較前既坐位 ~
因應領隊先生既喜好, 第一站我地梗係要黎到大家樂食宵夜啦, 哈哈 ~
之但係, 加哂價不特止, 仲竟然無左隊長至愛既餐蛋麵呀 !!!
佢唯有叫佢既另一至愛 - 西多士啦 !!!
二等兵有 d 肚餓, 於是叫左個炒麵醫吓肚 ~
Total : $46
Total : $46
出發前半個月, 我地已經在機場網頁 (離港客機) 留意到 CX 呢班機 (CX 524) 每晚都會 delay around 20 - 30 mins 先起飛, 有日仲離譜到 delay 接近 2 hrs !! 為免人為延誤, 我地好準時咁响 0:40 am 已經乖乖响閘口等候登機喇 !!!
其實佢 0:45 am 已經顯示 final call, 但唔係好明點解 CX 呢班機差唔多晚晚都要 delay 最少 20 mins 先起飛呢 ?? (以往 JAL & ANA 既凌晨機係超準時 !!)
隊長, 唔係呢邊呀, 你行錯左喇 !!
上左機, 大家都好快已經坐好晒, 放好晒行李, 而 d 空姐都 settle 晒, 但都要等左 20 mins 先起飛, 真係唔知關唔關 load 行李事所以仲未起飛得 ?? 不過 dealy 20 mins 都算好彩喇, 唔好好似早前有班機 delay 2 hr 就得喇 !!
估唔到起飛 1 hr 內已經開始派飛機餐 ~
話說有人貪新鮮想 order d 特別餐, 於是隊長就因應 “貪新鮮團友” (二等兵) 既要求, 响國泰網頁幫二等兵揀左呢款 “西式素食／乳蛋類素食”, 哈哈 ~
特別餐膳 list :
由於空姐會首先派發 special meal, 所以二等兵就先吃喇 ~
"西式素食／乳蛋類素食" 餐, 包括 : 麵包 + 生果 + 飯 + 飲品
菇類既飯 ~
生果 ~
其實有 d 搵笨架 …. 冷盤同 cake 一律欠奉, 最慘既係正常餐既冷盤係二等兵至愛既冷麵呀 …
隊長既餐係 “咖哩牛肉飯”, 你睇 d 食物正幾多 … 都係怪二等兵多心啦 !!! 
冷麵同件 cake 超好味, 好難得飛機餐既 cake 係有水準 ~
食飽飽, 二等兵就要眠一眠喇
, 但前後排 d 人都係咁咳同打乞嗤, 攪到無覺好瞓 tim ….
4 hrs 後 ……… 天光喇 !!!
我地次次坐凌晨機都係飛羽田, 今次都係第一次飛成田咋 !!!
要坐冇人駕駛列車 tim ~
6:07 am 降落, 好快已經辦好入境手續, 攞埋行李都係大約 7:10 am, 去廁所梳洗一輪, 可以出發喇 !!!
各位團友, 你地係咪報左軍曹旅行社既團呀 !!! kakaka …
GO
GO
GO
!!!
由於咁早仲未有 スカイライナー (Skyliner), 於是我地坐 7:37 am 成田スカイアクセスアクセス特急 到 京成高砂, 再轉 京成本線 到 京成上野, 再轉都営大江戶線去東新宿 E-hotel 放低 d 行李 ~
P.S. 京成線の路線図
1 號月台, 7:37 am 果班列車 ~
雖然話係特急, 但 8:28 am 先到京成高砂 ……. @@ 呢個機場實在太遙遠喇 !!!
唔知睇邊就認住橙色啦 !!!
企定定响度等車, d 風吹吓吹吓, 好凍呀 …..
大清早得小貓三兩隻 ~
就快有車喇 ~
車來喇 ~
補影返兩張車票先 ~
沿途風光, 今日個天好藍呀, 真係晨光初露呢 !!!
感覺上坐左好耐、好耐咁, 終於响 8:28 am 到達京成高砂喇 !!! 過對面月台轉京成本線先 ~
8:57 am 終於到達京成上野喇 !!!
京成本線普通列車 ~
由於我地後日 (Day 3) 出發往輕井沢前要先將行李寄存在 “三井ガーデンホテル上野” (Mitsui Garden Hotel), 所以我地首先在附近找找間酒店先 ~
7:00 am 辦好入境手續, 出到市區都已經 9:00 am 喇 ….
唔好睇到咁好天以為好溫暖, 查實而家係勁凍呀 !!!
未開門既 百果園 !!!
仲有未開門既 Yamashiroya !!
14 mins 後 …… 見到 東新宿駅 就落車啦, 間酒店就响 A1 出口隔離 !!!
嗱嗱臨辦理好 check-in 手續, 同埋將行李寄存在酒店後, 我地就出發喇 !!!
GOGOGO !!!
第一站去金太郎丼食個 brunch !!! 行去新宿先 ~
新宿バッティングセンター (棒球場)
東橫 Inn 就在 E-Hotel 附近 ~
架車好型呀 !!!
前兩次我地都有幫襯既 若狭家, 不過今次改吃金太郎丼 !!!
歌舞伎町一帶 ~
由於金太郎丼開 11:00 am, 所以我地在 紀伊國屋書店 hea 住等 !!! 本來隊長又有 target, 但 bookshop 梗有一間响左近嘛, 所以二等兵叫隊長今晚去秋葉原先放血 !!! (隊長又中左二等兵奸計喇)
仲記得二等兵出發之前講過乜嘛 ?? (“今次要襟住隊長, 唔俾隊長買咁多野”)
仲記得上年 3 月時某一個星期日黎到摸門釘之後
, 今次黎之前已經千萬要記住星期日佢係唔開門架 !! 今日係星期三, 一定有開喇掛, 終於可以搵返 “先呼 (國語) 的感覺” 喇 !!!
睇吓食乜先 ~
自助買票, 入錢後按下想吃既食物, 然後將票遞給店員 ~
有熱茶, 熱水及凍水供應 ~
隊長又老點二等兵喇 … “我要熱茶”
竟然可以包場 !!! 你地兩個又 …..
話咁快就有得食喇 !!! 好肚餓呀 ))))))
二等兵想食多 d 款, 所以叫左呢個什錦丼 (三文魚, 海膽, 帶子, 三文魚子) (1200 yen)
真係好新鮮, 好好味呀 )))))
隊長此行目的係搵 “先呼” 的感覺, 所以佢叫左個 - 極上ウニ丼 (海膽丼) (1500 yen) !!!
非常之 “先呼” 呀 !!!
好滿足的一餐 !!!
突然覺得自己好豪呀,食 2 碗飯都食左 2700 yen, 哈哈 ~
沒有留言:
張貼留言