Day 4 Part 2 - 万座温泉 (早餐 - 万座 ホテル 聚楽)

如有亂碼請 “refresh” (press F5)

今日行程 :
万座温泉 (万座 ホテル 聚楽) —> 白系の滝 —> 軽井沢 (Hotel CHECK-IN) —> 旧軽井沢 —> 軽井沢 プリンスショッピングプラザ —> 返 Hotel 休息

隊長, 我哋呢個侵略計劃果然好成功 !!

話說頭先特登响人哋食早餐既時候, 我哋就走去浸溫泉, 成功避開人潮, 我哋再一次响早餐時段避開一窩峰食早餐既人潮, 呵呵呵 !!

朝食 バイキング (西式及日式自助早餐) ~

响無人既環境下, 我哋出去睇吓食乜先 ~

二等兵又掹住隊長衫尾搵食喇 !!

漬物類, 日本人好鍾意用漬物配早飯 ~

納豆 =.=

三文魚塊 ~

即食紫菜 ~

正, 有烏冬 !! 二等兵至愛呀 !!

一見到就兩眼放光

, 嗱嗱臨叫隊長整碗俾二等兵食先 !!

製作中 ~

配埋烏冬汁 ~

仲有蔥同姜蓉 ga ~

食得喇 !!

味噌汁 ~

粟米片 ~

但係啲乳酪一啲味都無架 !!

主角出場喇… 隊長既至愛 - 溫泉蛋 !!

呢度 d 溫泉蛋係每日新鮮用万座既天然温泉水製作 ga ~

嗱嗱臨攞黎試吓先 !!

真係好溫泉蛋呀 … 掂 !!

玉子 ~

好好味既滑蛋 !!

蘑菇腸 ~

火腿片 ~

薯仔呀 … 啱晒大薯仔二等兵 !!

餐包 ~ 有焗爐烘熱 ga ~

果醬有 4 款, 分別係橙, 藍莓, 士多啤梨同埋新鮮自家製既蘋果味, 除咗果醬外, 仲有牛油 ga ~

飲品都係 “無料” (免費) 架 !!

除咗咖啡, 奶茶外, 仲有芒果汁, 蕃茄汁, 橙汁, 西柚汁 & 鮮奶 ~

生果類 ~

去旅行最少食既係生果同蔬菜, 呢啲生果啱晒我哋呀 !!

開餐喇 !!

慢慢食啦 !!

隊長話要試晒咁多種醬呀, 於是佢食咗幾個麵包, 哈哈 ~ 而二等兵就食咗兩碗烏冬, 好味吖嘛 !!

又拎隻溫泉蛋撈烏冬先 !!

好好味呀 !!

雜菌味噌汁, 呢隻菇好好味呀 !!

又食麵包喇 

, 今次試橙味同蘋果味果醬 ~ 結論最好味係蘋果醬 ~ (純粹個人意見, 哈哈)

佢話唔夠喉, 又走去攞多個麵包 …. 都唔知佢一共食咗幾多個麵包呀 ….

 今次真係 “食包包食飽” …..

最尾要食吓生果清吓腸胃先 ~

我哋又包場喇, 哈哈, 响二等兵好忙咁影隊長個食相既時候, 隊長亦都好忙咁食緊佢份早餐 ~

二等兵無咩做, 行到餐廳窗口前, 影吓出面既風景先 ~

好靚呀 !!

上回 : Day 4 Part 1 - 万座温泉 (万座 ホテル 聚楽)

下回 : Day 4 Part 3 - 万座温泉 (万座 ホテル 聚楽)