Day 1 Part 1 - 香港 (宵夜 - 大家樂), 成田国際空港, 上野 (早餐 - 名代 富士そば), 吉祥寺 (Lunch - 梅丘寿司の美登利, Shopping)

今日行程 : 香港 (宵夜 - 大家樂) —> 成田国際空港 —> 上野 (早餐 - 名代 富士そば) —> 吉祥寺 (Lunch - 梅丘寿司の美登利, Shopping) —> 上野 (酒店 check-in) —> 台場 (お台場レインボー花火 2013, Dinner - よってこや) —> 酒店休息

又到聖誕 ~ 又到聖誕 ~

因為軍曹旅行社不嬲都唔會揀旺季出發, 但今次竟然可以在聖誕節去日本吖 ~

呢度就係呢 7 日既盤川喇, 唔知會洗突定用剩呢 ~

照舊係 CX 凌晨機 !! 今晚仲要係二等兵公司既 annual dinner ~

都未食完 annual dinner , 二等兵就嗱嗱臨返屋企沖涼出門口喇 ~

將兩個喼合併, 帶埋啲羽絨同厚衫, 去程都唔係好重啫 ~

見到機場呢棵好靚既聖誕樹, 唔知東京嗰啲聖誕樹又係點架呢 ~

好喇, 各位團友, 我哋準備入閘喇 ~

哈哈, 又係軍曹旅行社出發前指定消夜地點 - 大家樂 ~

因為二等兵啱啱食完公司 annual dinner, 所以得隊長一個人食 ~

好喇, 要登機喇, Go Go Go !!!

話說呢, 有人好鍾意訂特別飛機餐既習慣已經傳染咗俾二等兵, 於是臨出發前二等兵就上網睇吓 CX 可以叫啲咩餐啦 ~

於是二等兵就點了 "猶太教餐" (KSML), 而隊長就點了 "低鹽餐" (LSML) ~

雖然餐食係特登送嚟, 而且仲貼有注明 label, 可惜二等兵發現自己叫既猶太教餐同隔離位既餐食响外表上係無分別囉 =.=

經過四個多小時既航程, 我哋已經到達 成田国際空港 喇 ~

已經天光了 ~

辦理好入境手續, 攞埋行李後, 我哋就坐 成田スカイアクセスアクセス特急 再轉 京成本線快特 到上野喇 ~

第一件事要去 三井ガーデンホテル上野 寄存行李先 ~

有人一到酒店就話有回家既感覺 bor ~

好攪笑呀, 隻熊貓變咗聖誕熊貓 ~ 哈哈 ~

好多聖誕佈置 ~ 

放低晒啲行李就輕鬆晒, 而家梗係去醫肚先 ~

又嚟到 名代 富士そば (上野店) ... hehe ~

醫好肚後我哋就出發到吉祥寺喇 ~

一嚟到吉祥寺, 第一件事梗係去 梅丘寿司の美登利 (アトレ吉祥寺店), 因為都預咗佢好多人排隊, 點知嚟到係佢開門時間 11:00 am, 門口已經有三十幾人排隊喇 !!  勁 !! 

不過好彩佢啱啱開門叫人入座, 所以都只係等咗 15 mins 已經入得喇 ~

通常都係坐 counter 枱睇住師傅炮製壽司 ~

叫了兩個 set ~

等位都真係絕對值得 !!

埋單都係 5040 yen, 抵 !! 勁好食, 勁飽 !! 本來想再叫一客蟹膏沙律, 都已經食唔落喇 !!

食飽飽就梗係最好行街街啦 ~

啲聖誕 cake 好靚呀 ~

嚟到吉祥寺梗係要侵略吓鬆鬆啦 (リラックマストア 吉祥寺店) ~ kaka ~

鬆鬆都要回鄉探親呀 ~

架山手線好得意吖 ~

好多聖誕鬆呀 ~

見到姆明阿美响 コピス吉祥寺 門口做 Promotion, 阿美個樣好奸呀 ~

行吓行吓都成 14:00 pm 喇, 都係時候返酒店 check-in lu ~

 上一篇 : 日元篇

下一篇 : Day 1 Part 2