各位團友, 今日我地侵略長隆野生動物世界!!! 大家準備好未~~
黎到門口已見到好長既人龍, 心諗弊啦, 咁多人咪有排等? 但又因為我地一早已同中旅社買定門卷, 所以攞住張門卷向詢問處查詢, 職員立即同我地換上另一張可以入場既卷, 於是我地就唔使經門口條人龍入去啦!!!
响門口附近見到一個天鵝湖~~
行左陣, 見人地話去搭小火車, 究竟係乜東東呢? 於是問下職員, 原來小火車是載遊客免費兜樂園一個圈, 可以觀賞園內既動物, 黎到動物世界, 梗係要睇動物啦!!! 於是找小火車上車既位置, 等了一陣就開車啦!!! Go Go Go!!!
全程大約坐左 20mins 左右, 真係見到好多動物, 值得一坐!!!
梅花鹿~
當地人可以揸私家車作自駕遊~ 真係可以同動物近距離接觸~~
駱駝~
大笨象~
見到有職員拎住隻白老虎~~
嘩!! 熊呀!!! 好驚呀!!!
萬獸之王 - 獅子 !!!
老虎 !!
大家有冇留意, 隻獅子同隻老虎係同一家人?? 個導遊話佢地由出世開始已經同一 “屋簷” 下, 所以大家相處融洽~
坐得好有型架姐~
犀牛?? 咁核突既?!
知唔知呢幾隻非洲獅望咩??
原來佢地係望住呢隻非洲師!!! 究竟佢係統領丫? 定係佢係雌性? 所以班雄師要望住佢~~ hehehe~~
黎到長頸鹿區啦~
仲見到駝鳥 tim~~
呢 d 唔知係咩呢?
斑馬~!! 好得意!!
玩左大約 20mins 先落車~ 我地又响樂園四圍行下~
d 袋鼠瘦”猛猛” 既…….
呢隻駝鳥真係好惡!!!
好喇, 我地黎到樹熊區~
d 樹熊真係懶架姐…….呢度有冷氣…外面咁熱, 涼多陣先!!!
大笨象區…..其實呢度好臭架…….
d 熊貓得意過 HK 果兩隻~ 好多表情~~
呢隻熊貓瞓到咁既 …… ???
海獅呀~~!!
呢隻係四不像, 不過影唔到全身……
北極熊都有呀!!!
玩到大約 1:00pm 左右就返酒店 check out, 之後搭地鐵去廣州 !!!
我地搭到上下九路, 然後响附近四圍行下, 由於由大石站去上下九路需時要 45mins, 所以去到都冇乜時間, 得返 1hr 逛~
牛雜 ($8) (以下 $ 以人民幣計算)
隊長話想食荔灣艇仔粥, 於是我地就了入粥店~~
蝦腸 ($6)
牛腸 ($6)
荔灣艇仔粥 ($8)
肉丸粥 ($8)
食完粥就即刻趕返酒店取行李, 因為買了 6:00pm 船飛~
好開心~ 過了兩天甜蜜的旅程, 多謝隊長 !!!
是日支出表 :
"摩的"去動物園 : $5 x 2 =$10
的士返酒店 : $30
"摩的"往大石站 : $5
地鐡大石站往上下九路 : $6 x 2 = $12
牛雜 : $8
飲品 : $4
腸粉 + 粥 : $28
雜物 : $10
地鐡由上下九路往大石站 : $6 x 2 = $12
"摩的"返酒店取行李 : $2 x 2 = 4
飲品 : $6.5
崩砂 + 花生 : $20
Total : $149.5
——————————————————————————-
2 Days Total :
酒店 + 來回船飛 + 動物園入場卷 : HK$986
Day 1 : RMB 631.5
Day 2 : RMB 149.5
Whole Trip Total : 大約 HK$1863 (2人)
因為二等兵生日, 所以隊長悉心安排, 同二等兵去番禺玩兩天~
暑假既關係, package 都比較貴, 我地四圍格過價, 最後响中旅社訂左 package, HK$986 (2人), 住番禺香江大酒店一晚 + 每人來回蓮花港船飛 (2人即共四張船飛) + 每人一張廣州香江野生動物世界入場門票, 酒店環境唔錯 bor, 入面都幾大同幾乾淨~
呢個係酒店望出去既 view~
我地 check in 完, 執下野, 就準備去長隆水上樂園啦~ go go go!!!
二等兵特登買俾隊長既沙灘拖!!!
搭巴士黎到長隆, 原來仲有排行, 於是坐 “摩的” 去到水上樂園既正門~ $3/人~ (以下 $ 以人民幣計算)
入場 $180 / 人, 响入面掛住玩, 冇影相呀…..玩左大半日, 冇响入面沖涼, 我地就搭返 “摩的” 返酒店先沖, 因為驚水上樂園的廁所好 dirty~
沖完涼我地又即刻出發~!!!
呢間酒店都幾方便, 門口有幾架巴士可以四圍去, 我地搭巴士出市橋搵食!!
第一站去左 “壹加壹”, 叫左炖奶, 花生糊 & 炒麵, 真係又好食又平, 埋單都只係 $14.5 ~ 隊長呢個時候食得好滿足!!!
之後响市橋附近行下街, 响街上見到 M 記在香港冇既火腿蛋麥香酥 ($6), 我地見咁吸引, 買黎試下先!!!
好好味, 點解 HK 冇架?! ><”
行到大約 7:30pm 左右, 隊長就同二等兵食生日飯!! 我地都係隨意咋, 行到呢間叫 “花明語” 的西餐廳, 見到個樣都幾有情調就走入去試下~
睇下餐牌, 都幾平喎, 於是叫左肉醬意粉 ($18)
雜果沙律 ($18)
椒鹽鴨舌 ($18), 好味之餘, 仲要食極都有!!! 正!!!
.
d 野食咁平, 反而野飲就相對貴左 d…!!
凍奶茶 ($12) & 甘荀汁 ($12)
Total 都只係 $78~
食埋飯都成 9 點幾了, 於是搭巴士返酒店~
是日支出表 :
早餐 : HK$38
飲品 : $3 (以下全部人民幣)
巴士往長隆 : $2 x 2 = $4
"摩的" 往水上樂園 : $3 x 2 = $6
水上樂園入場卷 : $180 x 2 = $360
Locker : $20
"摩的" 返酒店 : $5 x 2 = $10
零食 : $6.5
巴士往市橋 : $3 x 2 = $6
壹加壹 : $14.5
花明語 : 78
M 記麥香酥 : $6
巴士返酒店 : $2 x 2 = $4
便利店買食物 : $16.5
衫 + 裙 : $29 + $30 = $59
Total : $631.5
Tamama 媽媽生日, 又適逢芒果季節, 所以今次試下照住食譜整呢個蛋糕俾媽媽食~
第一次整呢個蛋糕就話要送俾人, 其實都幾冒險架, 如果失敗左就連蛋糕都冇得送, hehe~
不過好彩佢地都話 OK 好食姐~
個面 d 芒果就舖得唔係咁靚~~ 見諒見諒!!
材料:
芒果 3 個 雞蛋 3 隻
芒果乳酪 300ml 粟粉 1 1/2 湯匙
忌廉芝士 375 克 青檸 1 個
幼沙糖 半杯
做法:
1) 芒果 1 個打成芒果茸, 其餘 2 個去皮去核切片
2) 忌廉芝士, 糖, 青檸皮攪勻, 加入粟粉, 雞蛋, 芒果茸及乳酪打勻
3) 放入 220 度焗爐焗 10 分鐘, 再用 170 度焗 50 分鐘取出。
4) 鋪上芒果片, 待涼後從模型中拿出, 雪凍即成。
