花展 (2)

咦….隻牛好核突呀………..

呢個庭園幾靚喎~~~

嘩…….隻熊貓……. ><”

呢隻仲…………….. ><”

隊長, 賽跑啊!! 我又要跑!!!

二等兵: “等埋我呀隊長!!!”

又一個庭園~

話咁快又行到尾聲喇~~

咦, 有個風車既~~~

呢度好靚呀~~~

無聊既二等兵最鐘意影埋  d 無聊既野~~~

唔知點解, 我地兩個見到下面呢幾舊野諗起 “加洲反卷”…… 可能呢個時候大家都無聊到…..傻左……

個天好靚就真!!!

行左一個鐘多 d d 就行完 lu…..

見唔到舊年既鬱金香花海, 有 d 失望 tim……..

花展 (1)

天陰左十幾日, 今天終於放晴啦, 於是隊長同二等兵今日黎到花展趁下熱鬧~~~

我地趁 d  人食飯時間黎侵略先, 果然隊長呢個係一個好提議, 因為我地走既時候買飛既位置開始打蛇餅 lu~~~

成片花海咁~ 二等兵即刻化身為影相怪~~~

作為影相怪既二等兵梗係影個不停啦~~~ hehehe~~~

今年既花展係以運動為主題, 所以好多設計都同各項運動有關….

呢兩隻野叫阿東同阿妹… -_-“

隻蜜蜂好有型, 哈哈~~

其實一路行一路發覺冇乜野好睇…..點解同舊年差咁遠既…….

呢隻牛係唔知深圳定廣洲既代表…..

隻天鵝幾靚喎!!

嘩!!! 隊長0係侵略緊花展既時候, 突然俾阿東一腳伸開!!!

隊長你點呀, 冇事丫嘛……?!

隊長為左報復, 見阿東頂波頂得咁開心, 佢就一腳伸埋去~~~

(to be continued….)

林記茄牛蛋飯

二等兵近排感冒未清, 又要戒口又要隔離, 今日不如煮下飯仔, 整個碟頭茄牛蛋飯食下先。

製作中………………..煲熟 d 飯, 煎好隻蛋…., 放响隻碟度~

隊長大嗌: “要太陽蛋呀!!!”

再舖埋 d 炒好既茄牛上面, 食得!!!

碗都唔使洗多隻, good!!!

金船長餐廳@大角咀

睇完戲後, 二等兵同隊長去左一站之隔既金船長餐廳食 dinner~

早一日打黎 book 6:30pm 都冇位, 唯有 book 6:00pm 啦!! 早 d 都好, 食飽飽先去 shopping 仲好~~ ^^

隊長, 做乜你又包場呀 ??? 下次唔好嘥埋呢 d $$ 喇 !!! 知未 ?!

我地一早都打算叫意粉架喇, 而叫意粉或飯可以 + $20 要餐湯及特飲~~

二等兵唔飲得凍飲, 所以二等兵就叫呢個青豆忌廉湯~~

好 creamy, good~~

是日特飲就有西瓜汁及檸什, 其實呢兩款係 “長期” 既 “是日”特飲, 我地次次都揀檸什 ga……

隊長每次必叫既金船長牛肉漢堡 ($44) !!! 因為真係好正~ 塊牛扒厚不特止, 佢仲會問你叫幾成熟的!! 好 pro 架!!

都係隊長咁大個口至可以一啖食到晒全部材料!!

呢個係野菌意大利飯 ($78) ~~

嘩……..乜 d 味咁…….咁…..”酸酸宿宿” 咁既, 第一個反應好似食左 d 過期食物咁…….老實講二等兵真係接受唔到呢隻味……..食左兩三啖就放棄左佢……..

但係隊長竟然話 yummy…. 佢話因為落左酒, 所以先有咁既味………

結果隊長就 KO 晒成碟意大利飯喇!!! KO, Perfect!!!

二等兵放棄左個意大利飯, 就主攻呢個車仔意粉 ($42)~

話明係車仔, 即係可以隨意配搭, 於是我地揀左:

卡邦尼汁 + 煙肉($5) + 蜆肉 ($8)

個意粉真係好 good!!!

Total: $217

下次一定要試焗蘋果批先得!!!

澳洲牛奶公司@佐敦

今日去左 Elements 睇近期好 Hit 既一百萬零一夜, 我地一放工就即刻去買飛先!! 點知去到都已經冇乜好位可以揀, 要揀到 E 行近路口既側面位, 無偈啦~~ 近就近左 d, 但係唔想睇第二個時間, 都照買飛!!

[題外話: 話說有 3 位女仕買唔到相連位就想同人調位坐, 坐佢隔離果 pair 人都已經調左一個位俾佢, 等佢地可以一齊坐架啦, 但原來果 3 位女士仲有兩個朋友, 係買左一個好側面又前既位, 佢果兩位朋友同果 pair 人講可唔可以同佢調位, 但佢個位實在又前又側, 梗係冇人同佢調啦, 點知佢仲用 d 恐嚇性既說話同果 pair 人講: “你唔調位盞我陣間阻住你架咋!!” 邊有 d 咁既人架?!  果pair 人梗係唔理佢啦, 繼續睇戲。但睇到半場既時候, 果位先生竟然無啦啦走去後面巡視一輪, 然後叫佢果 4 位朋友坐後面!!! 真係唔明, d 人睇戲就睇戲啦, 睇戲都唔會傾偈架啦, 硬係要坐埋一齊都唔知仲乜!!! 仲好似天經地義要人地同佢調位咁!!! 佢個位靚就話姐, 但佢個位又側又前, 人地唔調仲咁話人!!!] 路見不平….發洩完畢!!!

掛住買飛都未食晏, 望望個錶仲有成兩個鐘, 於是行返出佐敦搵食~~ 

其實隊長早兩日先講完話想去澳洲牛奶公司食蛋, 今日黎開呢頭就食啦!!! 

嘩真係多人到爆!!! 條龍足足有好幾間舖位咁長, 但係呢度勝在快!!! 真係乜都快, 我地等左兩三個字已經可以入座喇!!!

今次終於記得叫牛肉唔要叉燒喇!!! 果然牛肉係好味過叉燒的!!  

炒滑蛋~~~ 個蛋仍然係好滑好滑!!

隊長塊多士就正啦!!! 可惜二等兵感冒未好要戒口….. >.<

計埋等位, 前後只係用左 30mins!!! 勁!!!

華樂餐室@嚤囉街

隊長今日 Day off, 所以特登過黎同二等兵食 lunch~~

好耐都未食過嚤囉街既華樂餐室啦, 佢星期六又長短週喎, 所以揀左今日食!!!

題外話: 連餐廳都有長短週……唔知幾時先到二等兵 ><

好彩可以早 5mins 落樓, 加上又近啫, 黎到都唔使點等位, 我地又再次坐出面樹下既枱, 好 feel~ (係大排檔 feel 呀!!!)

又係 order 午餐, 呢個蛋包真係 good 呀!!

呢份散左既蛋俾左隊長食, hehehe~

二等兵就要呢份完整既蛋包先~~

次次揀親都係豬扒茄意, 但今日二等兵喉嚨痛, 所以揀左個無咁熱氣既火腿茄意 ($25)~

阿姐問隊長食乜,

隊長答: “照舊丫唔該!!”

阿姐話: “唔好意思喎, 照舊即係乜野呀?”

豬扒黑椒意 ($30) 個豬扒真係好滑架……不過減肥既人仕就會覺得油左 dd~

話說食食下有個食環署既人員黎影相炒牌, 因為 d 枱擺到成條路都係, 後來阿姐就同我地講, 原來一張枱要罰成 $600, 望一望, 總共有四張枱, 嘩阿姐今次肉都赤埋囉……….

Total: $57 (凍飲 + $2)