巡完場, 我地就開始攞野食喇 !!! 肚都打鼓了 !!! 
隊長一開始就攞凍蝦同翡翠螺, 不如大家數下隊長食左幾多隻翡翠螺同凍肉腸 ?? 
呢個忌廉蘑菇湯真係好好味, 好濃蘑菇味, 唔係一般豆粉獻 !!! 正丫, 我地飲左 3 碗 !!!
(你地望下後面既隊長幾 busy 
)
自己撈既凱撒沙律~ 仲有凍肉腸 ~
今次到二等兵攞蝦啦~ 仲有各款沙律~
凍蝦 & 翡翠螺 again!!!
黎多碗白湯先 !!!
凱撒沙律太好味, 要 encore!!
隊長終於攞其他食物喇!!!
又黎凍肉腸同翡翠螺 ??? 
仲有凍蝦 tim!!! 好味吖嘛!!!
仲有凱撒沙律都係 encore 之選!!!
蘑菇湯實在太好味喇, 第 3 碗!!! 隔離呢個醬汁係咖喱芒果汁, 二等兵拌於凍蝦食, 有意想不到既效果!!!
今次意味有進步, 上次食左一陣前菜已經上主菜, 今次食左好耐先開始問可否上主菜, 個感覺幾好, 唔會好似催你快 d 食咁~
我地點了日式清酒煮蜆拌冷蕎麥麵 ~ ($118); 二等兵無叫主菜, 只點了 A 餐的自助 salad bar (淨食) ($88)
賣相都唔錯吖, 唔知食落得唔得呢?
二等兵就覺得好好味, 無論係蕎麥麵定係清酒煮蜆, 但隊長覺得唔夠清酒味, 稍為遜色~
食完主菜, 隊長話要黎多轉凱撒沙律同凍肉腸 !!!
等到隊長食完冷盤後, 二等兵掹埋隊長出去拎甜品!!!
我地全部款都各取一件, 試下好味先再拎~
包括 Tiramisu, 檸檬 cake, 士多啤梨 cake, 蛋白忌廉, 鮮果 tart, 樣樣都好味!!!
之後隊長走去攞豆腐花!!! 好滑吖!!!
主角終於出場, 二等兵今晚既 target — Cheese Cake!!!
二等兵一路食一路同隊長講: “其實呢幾件 cake 同文華果 d 差不多啫…..” (kakaka )
隊長心諗 : “差不多 ?? 如果差不多我就唔使 $32/件 文華 Cheese Cake 買俾你食啦…. 難為我食聖安娜 $4/件果 d 咋….” 
仲有黎多轉 Tiramisu 同 mini cake 先~
鬆弛熊飽到個肚腩突晒出黎唔敢見人喇…….. 又黎豆腐花 & Cheese Cake ???
隊長話仲未夠, 再黎多碗 tim 呀………. 第三碗喇!!! @@
Total : $88 + $118 + 10% = $227
好滿足 !!! 捧住個肚腩走~!! 
睇完頭先既冷盤篇係咪已經流晒口水呢 ~~ hehe~
我地而家即刻去片睇下有咩甜品先!!!
二等兵最愛既 New York Cheese Cake !!!
呢個係粟子 Cheese Cake~
Blueberry Cheese Cake!!! 正!!!
朱古力蛋糕, 正!!!
除左 Cheese Cake 外, 仲有好多 mini cake~ 細細件, 可以試晒全部 !!!
呢個係蛋白忌廉~
下面呢個係 Tiramisu ~~
仲有一個微型既朱古力 “噴泉”!!! (棉花糖, 生果加上朱古力漿, 正!!!)
唔鍾意食西式甜品仲可以揀中式甜品 — 涼粉同豆腐花~
另外仲有 4 款唔同味道既雪糕 tim, 不過無影到 !!
請看下回 : 意味之實戰篇
閉關左幾日二等兵已經頂唔順喇, 於是叫隊長出去食下飯, 隊長就好開心話不如去意味啦~ 正呀!!! 二等兵都好想食!!! 一於 GO GO GO !!!
我地無 book 位呀, 黎到都係 6:30 pm 左右, 都唔 full, 坐到大約 7:30 pm - 8:00 pm 先開始多人~
首先講解下呢度既食法~ 呢度係半自助餐形式, 即係叫一個 Dinner set (價錢大約由 $98 - $198), 就可以免費享用呢度既自助餐, 細食既朋友好似二等兵呢 d 咁可以叫 A 餐 ($88) — 即係自選 buffet bar (淨食), 咁就可以唔使食到咁飽喇~
好, 我地睇下有咩食先 !!!
冷盤 bar 的位置細細, 如果人多既話都幾難攞野食, 所以我地通常都會 6:30 pm 左右去到, 唔使同人迫!!
雖然個冷盤 bar 唔算大, 但係食物既水準幾高, 味道亦都唔錯~
呢個係辣辣地既菇類沙律~
好得既螺絲粉沙律!!!
薯仔沙律~ 啱晒二等兵呢個大薯仔!!
酸酸哋既茄子沙律, 好有巴西風味!!
唔鍾意佢撈定既沙律, 可以自己撈~ 配有唔同款色既醬汁任君選擇!!
留意下面既黃色醬汁, 係 “咖喱芒果醬”, 好特別, 好好味!!!
車厘茄後面係千島醬~
二等兵今晚既 target 之一, 凍蝦 !!!
仲有隊長至愛 - 翡翠螺 !! (隊長一個人掃左人地 16 隻 @@”)
亦有隊長另一個 target ~ 青口 !!!
下面呢兩盤簡直係隊長同二等兵既至愛 !!! 好好味 ga!!!
仲有最開心既係, 呢度可以自製凱撒沙律 (Caesar Salad) !!! 羅馬生菜任你拎, 可以加埋麵包粒, 煙肉粒, 芝士粉同凱撒沙律醬, 簡直一流!!!
請看下回 : 意味之甜品篇
正所謂溫書呢 d 咁苦悶既活動, 梗係要從苦悶中找點娛樂啦~
打完波, 二等兵知道閉關時間已到, 猛話想隊長陪二等兵去葵芳買埋零食先返屋企溫書………
葵涌廣場 4/F 有檔幫襯左好多年既零食舖, 店舖少少但五臟俱全, 最開心既係搵得返兒時既零食!!!
怕肥既二等兵唔敢買咁多, 只係買左少少過下口癮咋!!!
呢隻蒲燒魚塊細個成日食, 早幾年仲出左 wasabi 味 tim~
森永既提子糖簡直係二等兵至愛~
仲有呢隻粉糖, 不過最衰搵唔返以前一排有 6 粒果隻, 有兩粒黃色, 兩粒粉紅色同兩粒綠色果隻~ 唔知邊度有得買喇….. @@
仲有好多野食買, 但係都係忍下口…唔係真係肥屎…..
玩埋今日二等兵就要開始閉關溫書喇!!! 隊長上星期 book 左場打波, 於是今日我地黎到大角咀食午餐~
隊長見到呢間食泰國菜的舖頭好想食, 於是我地就黎呢度開餐喇~!
舖頭細細的, 好彩唔多人~
先唔睇食物住, 睇下枱面的調味料都有 4 款選擇~
話咁快就有野食!!! 隊長至愛既海南雞飯 ($30), 特飲 (+$5), 隊長揀左至穩陣既青檸梳打~
呢碟醬有少少辣~ 雞肉都幾多, 飯亦幾大碟~ 整體既味道都幾正宗泰式海南雞飯 feel~
二等兵叫了泰式春卷金邊湯粉 ($22), 特飲 (+$6), 二等兵呢個貪新鮮既人梗係叫 d 出面好少有得叫既 “龍眼冰” 啦!!! 加 $6 就有得飲龍眼冰喎, good !!!
春卷配上酸甜醬, 唔錯~
湯底好正宗風味, 正 !!
龍眼冰同上次在泰國飲既一樣味~ 亦係好正!!!
隊長率先 KO 左碟海南雞飯~ ^^
之後見二等兵後勁不繼, 佢就幫二等兵 KO 埋碗湯粉….. ^^
Total : $63
總括黎講呢間幾正宗泰國風味, 雖然唔知老闆係咪真係泰國人, 但估計佢應該係, 如果我地黎開打波, 都會再黎侵略 !!
