浦和日本料理 @上環

同事甲乙終於等到二等兵考完試, 一齊慶祝同事乙既生日~ 真係唔好意思, 因為二等兵攪到要 belated happy birthday….

我地幾個小薯仔都係鍾意食日本野, 而任飲任食就更加係佢地至愛, 所以今日又 encore, 不過揀左公司附近既浦和~

先講下價錢先, 星期六至四 $198/位, 星期五 $208/位, 不限時, 如果預先 book 位送鮑魚/海膽壽司等四款食物任揀一款~

咁開心考完試, 我地就揀左 Happy Friday 賀一賀佢~

黎到好似包場咁, 得一枱客咋!!! 坐到 7:30 pm 就開始 full 喇~!!

一坐低, 店員已擺上各式醬料在枱上!!

我地一坐低, 無野做, 梗係叫野食啦!!!

呢個係魚生沙律, 細左 d, 不過係任叫, 無所謂啦~ 唔夠食最多叫多幾次~ kaka~

芒果橙汁, 任飲的~

剌身拼盆~ 新鮮, 但種類不多~ 而八爪魚是靭到咬唔到….其他的都唔錯!!

好正既蝦天婦羅!!

帶子串燒, 細粒左 d~

清酒煮蜆, OK 好味, 但間唔中食到有沙~

炸魚皮~

炸蠔, 二等兵冇食到~

鹽燒雞腎~ 好味~

鹽燒鯖魚~

脆炸鱈魚柳, 似 M 記果 d …..

再黎多個魚生拼盆先, 今次唔要八爪魚!!!

北寄貝 & 馬刀貝~ 一般啦~

鹽燒三文魚頭~ 一送黎以為係炒飯 tim….@@

店員無啦啦又放低兩盤魚生拼盆, 我地都無為意, 後尾先知原來店員寫錯枱號, 果陣時我地已經食左一半喇~ 呵呵呵~

劍魚腩壽司~ 幾好味, 最衰無得就咁叫剌身啦!!!

花之戀壽司~

呢個就係要預早 book 位先有既鮑魚~ 好味!!!

蕃薯天婦羅~ 呢度既天婦羅幾好味, 唔錯!!

再 order 野飲先~ 青色果杯係柑桔檸蜜~ 兩杯都好飲~

魚生沙律 encore!!

無啦啦黎個 Shabu Shabu…. ==”

呢個係雜錦 Shabu Shabu~ 樣樣有 d~

製作中……

加埋清酒煮蜆既清酒, 就快完成喇!!

手快快撈起蜆肉, 將清酒倒入上面既火鍋, 滾一陣, 食得!!

又黎多個剌身拼盆先~

二等兵至愛, 炸豆腐~ 正~

燒牛肉粒串, 唔錯啊!!

冷烏冬, 二等兵覺得硬左 d, 不過同事甲乙話係咁架 bor~

叫多個肥牛放落 Shabu Shabu 度~

黎多個蝦天婦羅先~~

最後有甜品送, 即係雪糕~ 有三款味, 綠茶, 紅豆同芝麻~

Total: $680

食物質素係 OK 既, 不過款式好似少左 d, 四版 menu 兩版係手卷 & 壽司, 而剌身只係得幾個選擇, 略嫌少左 d….

考完試喇!!!

好開心, 終於考完試喇!!! 眨下眼讀左呢個 course 兩年喇, 如果最後兩科合格埋既話就可以畢業喇!!!

呢兩年好開心有小小同二等兵一齊研究功課, 我覺得我地既腦電波好相似, 二等兵成日講野講到一舊舊, 小小都明二等兵想問乜!!! 好多謝佢由 IA1, IA2, QM 到 FM, MA 同 taxation 都不厭其煩咁講解俾二等兵聽, 仲要舉埋我問佢借錢既例子黎解釋 tim!!!

仲有好開心識到 Nicole, 有佢响度我就有個伴一齊食南記!!! 仲有我地上堂成日幫人改花名 , 上堂先無咁悶!!! 哈哈哈~ 而啱啱過左果個 sem 我地 email 來 emaill 往係咁研究 MA 同 taxation 亦係一個好回憶~

可能因為邊返工邊讀書既關係, 呢兩年完全無追過電視劇, 而家終於可以睇下電視, 行下街喇!!! 估唔到讀呢個 course 都幾辛苦, 真係比以前 full time 讀 degree 時辛苦好多, 希望最尾兩科順順利利啦!!!

聖安娜之鬆弛熊蛋糕

今日二等兵舊曆生日, 早前見到星星砂的 blog 得知聖安娜出左個鬆弛熊蛋糕, 訂一磅就有一套碟送, 兩磅就有兩套碟, 三磅就有三套碟, 總共有三套~

本來想訂美心魔鬼蛋糕既二等兵, 見到套碟咁靚, 就好想擁有佢喇~~~

但係無理由訂一磅得一套碟架, 一訂就想要晒 3 套碟~….但訂三磅又唔知點食, 因為根據經驗, 二等兵以前食過聖安娜既蛋糕係覺得超唔好味, 所以今次如果訂 3 磅都有 d 冒險….

响舖頭心大心細既時候, 隊長話不如訂夠 3 磅, 食唔晒有佢包底, 於是就訂左三磅喇……@@ 今次肥屎……

本來又想一次訂一個 3 磅, 但二等兵又貪心, 唔想咁齋, 於是訂左 3 個一磅可以食三款!!!

好開心, 訂果陣即刻可以拎走套碟!!!

黎, 我地黎張大合照先~ 1,2,3 笑……….

不過, 套碟只係膠碟…..@_@, 但真係好得意呢!!

好喇兩位主角出場~

呢兩個分別係士多啤梨蛋糕 & 蛋白蛋糕~

呢幾塊朱古力咁就俾隊長好殘忍咁吞晒落肚………….><”

結論: 唔知係咪食開阿嫂既高質素蛋糕呢? 我覺得阿嫂整的蛋糕好食好多囉……

士多啤梨蛋糕超唔掂, 海綿蛋糕好 “鞋”, 士多啤梨勁酸, 裡面又無生果, 得少少士多啤梨….

蛋白蛋糕就好 d, 下面有 d 脆脆咁~

其實仲有一個朱古力慕士蛋糕仲未攞, 因為唔敢一次食 3 磅, 希望會好食 d 啦~

考試考試!!

大家有冇掛住隊長同二等兵呢? 個 blog 咁耐都無 update 過!! 因為由 7 月尾開始要應付 10/8 & 20/8 既考試, 所以日日溫書溫到天昏地暗, 加上公司月頭比較忙, 所以到尋晚考完第一科先可以抖下氣……

二等兵會盡快 update 呢半個月既飲飲食食架喇!! ^^

筷子記@中環

因為二等兵星期一要考試, 所以今日隊長同二等兵食完 Lunch 就要返歸溫書…..

我地去了公司附近既筷子記, 呢度出名食澳門風味既麵食~

未入到去店員已經好好招呼, 仲安排一個好涼快既位俾我地~

在中環食 lunch, 二個人坐四人座位通常要坐埋一邊, 二等兵未坐低就自言自語話 : “使唔使坐埋一邊架 ??” 之後店員即刻話 : “唔緊要~隨你點坐都得 !!”

呢度必食既推介係 “鐵皮屋撈或湯麵, 其實即係車仔麵, 不過 d 餸同平時食果 d 唔同, 主要係澳門口味~

二等兵揀了 “澳門包心卷 + 青春魚肉腐皮卷” 配幼麵加 “窮人洋蔥汁” ($28)

個汁既名好攪笑, 點解要叫 “窮人洋蔥汁” 呢 ?? hehe~

包心卷唔錯吖, 但係腐皮卷就一般~ 炸得太乾了~

而隊長就叫了 “沙茶醬魷魚 + 路環香腐角 + 辣蛋” 配幼麵加沙茶汁 ($30)

隊長叫既 3 款餸都好好味~

值得一提既係呢度既麵係完全無梘水味, 因為係用全蛋麵 !!!

仲有吖, 呢度可以叫 d 特別餐飲, 都係加 $3 ~

二等兵叫了凍羅漢果茶, 而隊長叫了凍麥奶奶茶 !!

羅漢果茶好似媽媽煲果 d, 好住家 feel, 而隊長既麥奶奶茶就似胚芽奶茶, 有少少麥精味, 兩杯都 good~

KO-ed……

Total : $64