早輪見到小心得介紹六國酒店既自助餐好似好抵咁, 隊長又心思思話想黎侵略, 於是就派二等兵打去 book 位喇 !!!
講下價錢先, Dinner Buffet 每位都係 $188, 仲係已經包埋加一, 即係實俾都係 $188 一位, buffet 6:30pm 開始, 無話限時食幾耐, 我地見咁抵, 梗係黎試下啦 !!!
查實二等兵响中小學果陣, 二等兵既媽媽已經同二等兵黎過好幾次食 buffet, 不過今日重臨舊地, 環境好似唔同哂, 我諗應該裝修過掛 ?! 定係二等兵失憶呢 ??? 
二等兵 book 位既時候要求唔好坐响大枱隔離, 因為驚好嘈, 黎到被安排坐窗口位, 靜靜哋 … 正, good !!
坐低等左一陣, 有專人通知 Buffet 開始喇, 出去睇下食乜先!!!
各款沙律都好正, 好啱口味!!!
"火腿蝴蝶粉沙律", 好味 ~
"果仁沙律"
呢個 “粟米蛋沙律” 真係一流 !!!
"薯仔沙律" 啱哂大薯仔二等兵 !!!
"南瓜沙律", 一般 ~
"雜菜沙律", 無試到, hehe~
仲有 d 配料可以自已撈沙律~
日式小食 - 帶子裙邊冷麵, 八瓜魚仔, 中華沙律等等~
煙三文魚~
凍火腿片~
磨菇魚肉腸 & 煙鴨胸~
鴨肝片 & 煙豬脾片~
另一款煙三文魚 & 魚肉腸 ~
最有驚喜係有龍蝦仔, 仲有凍蝦 & 翡翠螺~
龍蝦仔新鮮, 味道好鮮甜, 仲要係攞極都仲有!!! 反而凍蝦有少少失色…..
三文魚唔使排隊之餘, 仲好闊綽, 唔似得九龍酒店咁要配給 !!!
飲品都係任飲, 冷飲有橙汁, 雜果賓治, 青檸綠茶 & 凍水, 另外熱飲有奶茶, 咖啡, 檸茶 & 檸水 !!!
淨係冷盤都好好味, 睇埋下回熱盤篇啦 !!!
請看下回 : 六國酒店 Buffet 之 熱盤篇
食譜參考自 Leisure-Cat :
布包豆腐花/ 百福嫩豆腐 180 克
忌廉芝士 70克
糖 25 克
魚膠粉 7 克 (用 35 克水開)
淡忌廉 120 克
原食譜有椰果肉 30 克, 但二等兵無加~
做法:
1) 豆腐先用熱水拖一拖, 並且秘去部份水份。
2) 打軟忌廉芝士, 加入糖打至軟身。
3) 加豆腐入芝士中, 打勻。
4) 打起淡忌廉。
5) 魚膠粉水溶後加入芝士, 並加入 (4), 攪勻。
6) 加入椰果肉至 (5) 中, 攪勻。(skip)
7) 蛋糕片放在模中, 再倒入 (6), 雪兩小時。
2 hrs 後……………………
起模!!! 今次起得好靚, hehe~~~
鬆弛熊又望住個蛋糕喇, 佢梗係心諗 “究竟食得未呢??”
感覺, 唔夠芝士味 & 唔夠蛋糕味, 重返 d 芝士味會好 d,
另外食譜話用豆腐花會滑 d, 二等兵今次係用蒸煮豆腐黎整, 所以真係無咁滑!!!
不過整體上黎講, 自己俾自己 85 分!!! 下次會找一個濃味少少既食譜~
Tips:
1) 豆腐先用熱水拖一拖, 並且秘去部份水份
2) 豆腐花可買糖水店未落糖的那些, 做出來的餅比較滑, 但豆腐味不太重。
用豆腐的話, 做出來的沒有那麼滑, 但豆腐味較濃。
早兩日响屋企無無聊聊咁, 攞盒檸檬茶同魚膠粉出黎, 諗住試下整檸檬茶啫喱, 點知宣佈失敗之後, 今日特登去二得惠買包現成茶凍粉算喇!!!
一盒都係 $13, 個盒上寫可以整 8 份 ~
好簡單, 煲滾 d 水, 放晒兩包粉入去攪溶佢就得!!!
倒滿晒 8 個果凍模後, 仲有剩, 原來都幾多架喎!!!
過一陣就凝固晒喇!!! 不過都係雪凍好食 d~~
食得喇!!!
响度涼住冷氣, 食住果凍, 正!!!
不過學隊長話齋, 放落隻碗度, 倒些少檸檬茶入去食仲正!!!
早兩天隊長睇電視, 見到介紹嘉樂冰廳, 於是又了起隊長條食筋, 不過我地都成年未黎過, 咁就唯有滿足下隊長啦!!!
明知呢間野食飯時間大排長龍, 又唔知係咪晏晝做完運動呢, 到 5 點半左右我地又見有少少肚餓, 於是黎食個 “early dinner”~
果然黎到門口係無人排隊, 不過由於 d 人都係啱啱入座, 所以我地都等左一陣~
等位果陣, 阿姐已經話可以叫定野食喇~ 隊長話想食雞翼, 於是叫左個雞翼湯麵 ($18)
值得一提既係, 呢度個麵餅好大, 我地眼見同枱或隔離枱好多女仕們都食唔晒, 但呢個情況絕對唔會發生响我地大食既 “隊腸” 身上….XD… 
次次話要食都無食到既炸鮮蝦 & 菜肉雲吞 ($23), 今次終於有叫喇 !!!
雖然我地係叫炸鮮蝦雲吞, 但黎到係雙拼, 即係 5 隻鮮蝦加 5 隻菜肉, 仲好, 可以食多個味!!!
呢個奶茶涼粉冰 ($17) 都幾貴, 不過個奶茶真係好好味!!
食左以上三樣野, 開始中場休息!!! 唔係嘛?? 食果三樣野就要中場休息??? 唔想架, 皆因佢呢度既奄列出名要 “蛋” (等….), 仲要枱枱都係等呢個遲來既奄列, 其實每次黎到都係咁架, 趕時間既人千祈唔好叫奄列呀!!!
如是者, 30 mins 後…………………………..
傳聞中用左 5 隻蛋黎整既細奄列 ($18) 終於出場喇, 而大奄列你地估用幾多隻蛋黎整??? 傳聞話用 8 隻呀!!! 所以二等兵都唔係成日俾隊長黎食奄列!!!
講真, 要食蛋既真係滑唔過 “澳牛”, 不過勝在大件頭可以質飽隊長個肚!!! 哈哈哈!!!
Total : $76
呢間真係由好抵食食到而家加晒價喇 !!!
懶左幾個 weeks, 今日終於開始打返波喇!!!
要打波就自然要黎要大角咀開餐, 隊長問二等兵想食乜, 二等兵見天時暑熱都無乜胃口, 就同隊長講想食 d 濕濕地既野, 於是隊長就話不如再黎食泰國野喇~~
鬆弛熊今次叻左喎, 識得望鏡頭!!! 呢個係隊長叫既海南雞飯~~ ($30)
今次多左兩舊豬紅….
二等兵梗係食湯粉啦!!! 今日既選擇係泰式雜錦金邊粉 ($25)
雜錦即係樣樣有 d, 有魚蛋, 牛丸, 蘿蔔, 鹵蛋, 豆腐, 牛蒡同扎肉等等~
跟特飲半價, 半價左即係 $6, 我地叫左龍眼冰同涼粉冰, 兩杯都好味!!
d 龍眼今次仲多過上次 tim !!
Total : $67
