舊同學聚會 @ 旺角稻香魚港

今晚約左 6 位相識多年既好朋友, 我地一行 7 人黎到侵略稻香魚港~~

我地大約 7:00pm 來到已經 8 成滿, 90% 係打邊爐, 唔知係咪真係咁抵呢 ? 不過我地原先無人提議黎打邊爐既關係, 所以我地今晚係食晚飯~~

傾完一輪偈, 影完一輪相, 我地就睇下叫咩好 !!! 實在大好喇, 雖然有 7 個人 7 把口, 但我地完全無選擇障礙症, 好順利好快咁揀左好多個餸喇!!!

海中斑三味包括 :

清蒸頭腩~

另外一味既翡翠炒球~ 上面果個好食 d, 可能因為有二等兵鍾意既粉絲 ~~ 索晒 d 蒸魚豉油, 正!!!

仲有脆皮燒鴨 (例)~ 啖啖肉!!!

二等兵指定要既菠蘿咕嚕肉~

本來我地叫皮蛋青瓜, 黎到無皮蛋, 因為我地叫呢個係為左想食皮蛋, 於是就同傳菜阿姐講話落錯單, 點知傳菜阿姐話 “無得換”, 後來叫返落單既 waiter 黎先叫佢攞入去加返 d 皮蛋!!!

終於有皮蛋喇 !!!

芥蘭炒臘味~

椒鹽墨魚爽 ~ 好味, 不過油左 dd~

雞絲粉皮 ~ 這個麻麻地啦 ~ 同平時食的有點不同~

黃金芝心丸~ 呢個最快清晒!!!

白飯 x 4

yeah!!! 成枱都係食物!!!我地飲杯!!!

其實食物已經不錯, 再加上同各位好友暢談舊事, 喚起了好多開心既回憶!!!

Happy Friday night !!! Tonight is so happy~~~

Thanks all my dearest friends!!!!!

美味天王 @ 灣仔

各位團友, 今日我地唔想走黎走去, 所以近近地去灣仔 table for two~

好耐之前隊長經過呢間都話想食, 點知上次睇完場波後黎到已經關了門, 到好耐之後既今日隊長又話想黎試下….

二等兵用 5 個字形容一下先 : “西式茶餐廳” , 因為二等兵聽到 “美味天王” 仲以為係食中餐 tim, 上網睇下先知係食西餐, 都好吖, 同隊長撐下枱腳~

我地無叫是日晚餐吖, 叫左餐牌上既野食, 可以加 $12 轉為晚餐, 即係多了餐湯, 多士, 飲品及甜品~

餐湯是南瓜羅宋湯, 味道同平時 d 羅宋湯唔同, 呢個係甜甜酸酸咁, 幾得意~

多士好正, 熱熱地又脆脆地, 裡面又 full of butter, good !!!

呢個係隊長叫既 “米蘭海鮮忌廉白汁” 配飯 ($42), 轉晚餐跟餐湯, 多士, 飲品及甜品 (+$12)

其實二等兵覺得怪怪地, 皆因名字叫 “米蘭”, 但又有椰菜喎….不過隊長鍾意食椰菜, 無計 ~

不過除左椰菜外, d 配料有軟又有硬, 所以食落的口感都麻麻地, 但隊長依然張呢碟飯 KO 晒~~

呢個係二等兵叫既 “羊脾扒配香草汁” 配薯菜 ($52), 轉晚餐跟餐湯, 多士, 飲品及甜品 (+$12)

薯菜是薯格, 有驚喜~~ 羊扒都 OK 好味, 整體上都唔錯~

飲品除了可以選擇奶茶咖啡, 檸茶檸水外, 仲可以揀柚子蜜, 柑桔蜜 or 利賓納, 凍飲就加 $2

幾十蚊既晚餐包埋甜品, 都係另一個驚喜 !!!

是日甜品係日式芝士蛋糕 & 芒果布甸~

芒果布甸有二等兵既水準 !!!
而芝士蛋糕係好正宗日式類型, 換句話說是比較淡了些~ 不過食完 d 濃味既食物配上這件淡淡的芝士蛋糕就覺得無咁漏, 都 OK ~

Total : $120 (免加一)

鬆弛熊

話說今日响金水食壽司既時候, 二等兵人有三急走開左, 返到坐位突然有位不速之客霸左二等兵個位 !!! 原來係隊長買俾二等兵既鬆弛熊 !!! 仲要係屋企裡面最大隻既一隻，好開心呀 !!!

Press 個 “Push” 制識郁架 !!!

d 造型好可愛呀 !!!

頭頂都好靚架!!!

仲有件衫個拉鏈頭係真既拉鏈頭黎架 !!!

多謝你呀隊長 !!!

金水壽司 @ 旺角

中秋節快樂!!! 祝大家人月兩團圓!!!

今天 book 左場打波, 照舊我地打完波先去食 tea~

開頭諗住今日係中秋節, 下午茶壽司會暫停, 後來知道今日都有, 於是我地打完波就過黎醫肚~

不過而家無咁抵 lu, 以前係半價, 而家係 6 折, 仲有呢, 旺角呢間唔係全本餐牌係 6 折, 只有尖沙咀分店先係….@@

做完運動寧捨肚餓, 所以我地叫到成枱都係壽司!!! 好開心吖!!!

鮑魚壽司, 三文魚壽司, 鱆紅魚壽司, 帆立貝壽司 and 蟹棒壽司~

京葱吞拿魚腩壽司, 火炙三文魚壽司 and 蟹膏壽司

金水極卷 (海膽三文魚子壽司) ~

油甘魚手卷~

劍魚腩壽司, 帆立貝壽司 and 三文魚壽司~

火炙三文魚壽司~

炸番薯餅~

軟殼蟹沙律~

帆立貝沙律壽司~

Total : $272, 6 折既話比半價貴左大約 $40, 不過仍然係好味的~

妙品甜甜屋 Sweety House @ 西貢

响西貢行左兩個鐘左右, 爸媽話想飲野, 二等兵就提議不如食甜品~

於是黎到橫街呢間甜品舖~

豆漿 ($5) and 珍珠豆漿 ($9)

原來兩個豆漿係唔同既, 皆因呢杯淨豆漿好多豆渣, 好難飲, 但杯珍珠豆漿就好滑…..

芒果涼粉 ($14), 幾好味 ~ $14 算係咁啦!!!

Total : $28

西貢

難得悠閒既一天, 又難得天空是藍色, 吃飽飽後我地就响彩虹地鐡站 C1 出口搭 1A 專線小巴向西貢出發 !!!

响碼頭附近行下先~

好多海鮮吖~

黎到海鮮街又走入去行下, 我地梗係無食海鮮啦, 哈哈哈!!!

行到攰攰地, 又坐响樹下抖吓涼先~

今日真係好 hea~

幸福茶餐廳 @ 牛池灣

話說前日老闆宣佈今日放假一天, Yeah !!! 今個中秋節二等兵突然有一個小小既長假期 !!! 真係開心~!!!

於是今天趁人地要返工既日子, 我同屋企人去左西貢郊遊~~

朝早同爸媽飲完茶, 响屋企 hea 左陣就出發喇!!!

弊, 坐 MTR 黎到黃大仙站, 二等兵先發現唔識去西貢….(咁大個人連西貢都唔識去, 都仲好意思响度講….因為次次都行沙田果條路架嘛….) 於是即刻啓動二等兵既私家 GPRS 系統 !!!

拎起個電話, 撥個輪就話 : “over over GPRS 啓動!!!”

隊長: “GPRS 系統失靈”

(下删數十句無聊既對白)

於是响一輪無聊對話之後, 二等兵就好明確知道點去西貢喇 !!!

黎到牛池灣街市, 見到 d 茶餐廳好似好吸引咁, 於是就求其搵間入去試下, 因為搭正學校同寫字樓既食飯時間, 所以間間都人山人海….

因為剛才飲完茶都仲未肚餓, 所以我地三個人叫左兩個餐:

呢個就係 “瑤柱蛋白炒飯” ($33), d 飯好乾身, 都幾好味, 但係就咸左少少….

二等兵至愛既 “夏門炒米” ($33), 好味!!!

仲歎埋杯好正既凍檸茶同熱咖啡先~!! 始終覺得茶餐廳既檸茶特別好味!!!

Total : $66