約左 N 年既同學聚會, 終於因為其中一個同學生了 Baby 而攪成喇!!!
探完小 Baby, 我地幾位去了意粉屋聚一聚~
叫了兩個二人 set, 所以有 4 碗湯, 分別係南瓜忌廉湯 & 海皇龍蝦湯~
呢個係意大利雲吞, 其中一款係墨魚汁, 二等兵最鍾意就係上面既芝士, 正!!
三文魚雜果沙律~
下面呢幅相係出自小小手筆, 點都要支持下 !!! kaka !!!
豬
肋骨~ 今次 d 醬好似有點唔同, 不過都 OK 架~
二等兵另一至愛, 龍蝦汁天使麵~
呢個係散叫既雞肉墨魚汁飯, no good….應該墨魚汁麵好食 d ~
Total : $600
其實餐飯好唔好味都係其次, 最開心係幾位好友聚一聚, 尤其係阿乸第一次携眷出席 !!! 睇怕都就快好事近~~
為乜事酒樓都要開篇 “環境篇” 既 blog 呢?? 事關 60 年歷史既酒樓就快結業 (嘩 ….. 咪即係 1949 年開業 ?? 勁 !!!), 而作為街坊既隊長要懷舊下囉 ~ 二等兵心諗, 唔通隊長睇住間酒樓大既 ??? kaka~ 
其實唔止我地, 好多影相發燒友都特登來到影相 !!
呢部收銀機勁呀 !!!
人手寫既留座同餐牌, 夠晒懷舊 !!!
仲有個日曆响度 tim, 同埋大家留意下個水煲~
哈哈 ….. 呢 d 膠桶係俾茶客裝洗完碗既水~
簡直係灣仔區既地標 !!!
牆上掛滿好多舊照片及畫像~
呢對龍鳳真係夠晒懷舊喇~!!!!
隊長作為灣仔區既街坊, 睇住呢間灣仔區既舊式茶樓快要結業, 個心硬係想同佢臨別秋波一下, 於是今日就帶二等兵黎到懷舊懷舊 !!!
隊長每天都會經過呢間酒樓, 但幫襯既次數十隻手指都數得晒….
大家都知呢度食物一般, 食既係一份情懷~
而家好少酒樓有既 “大排檔”, 睇下食乜先~
先黎牛肉腸粉一碟~
山竹牛肉就勁實~
棉花雞, 咸咸地~
好細粒既蝦餃, 頂點黎架!!!
又係好實既馬拉糕….
好辣既鳳爪~
叉燒包~
仲有雞扎~
埋單 : $176
上星期响飲食男女見到 promote 呢間 cupcake shop, 於是二等兵就將佢個地址輸入响 GPRS 系統裡面, 下次經過開就叫呢個 GPRS (即係隊長呀!!!) 帶二等兵去 ~ 
今晚同隊長黎到旺角, 咁隊長就帶二等兵黎到試下~
好 colorful, 好吸引呀 !!! 睇下食咩味先 !!!
左邊呢個係棒子 + 咖啡蛋糕味 cupcake, 右邊呢個係忌廉芝士 + 薑味蛋糕味~
咖啡味太甜喇, 而忌廉芝士 + 薑味蛋糕唔錯, 幾特別, 經過既不妨一試~
$10/個, 兩個或以上 $8/個
Total : $16
隊長今天要到旺角有事要辦, 所以我地都黎到旺角開飯~
响女人街兜左個圈, 見到呢間好似幾吸引咁, 於是就入黎試下~~
坐低叫完野食, 侍應們就放下餐前生果~
呢度係出名撈麵同紅米飯, 但隊長唔鍾意食紅米飯, 所以轉白飯~
呢個係士多啤梨牛柳粒配白飯 ($33)
原來士多啤梨牛柳粒係咁既….唔係將士多啤梨醬同埋 d 牛柳粒度一齊煮, 而係俾 d 士多啤梨醬喺旁邊俾你點…..
二等兵呢個係豬軟骨撈麵 ($34)
二等兵以為好似隔離枱咁將 d 餸放响 d 麵上面, 但黎到見到麵同餸是分開的有點失望….
味道一般~
撈麵是加了味粉的, OK 既… (似印尼營多撈麵)
叫餐可以用半價 order 飲品, 但我哋冇叫 !!!
Total : $67
今日二等兵飛起隊長獨自去游水~
游水之前梗係要補充體力啦, 去左公司附近既生記魚湯米線 !!
嘩, 門口有一大堆人, 反而隔離果間又係食米線既就靜英英….
一個人都要等左陣, 坐低就叫左碗 “魚腐魚湯米線” ($28)
唔好以為 $28 一碗米線貴左 d, 其實好大碗, 魚腐都有六大舊, 二等兵都食唔晒!!! 而且魚湯湯底好鮮甜, Good !!
