上星期, 二等兵哥哥同兩位 CEO 去了大阪, 本來二等兵都可以去架, 但點知撞正老闆出 trip 所以唔方便請假, 所以搞到二等兵心情低落, 佢地見二等兵咁慘要留响屋企, 就問二等兵想要 d 乜喇 ??
二等兵梗係話想要鬆弛熊啦 !!! 點知佢地住响梅田阪急三番街附近, 但係搵唔到鬆弛熊專門店, 其實佢地都為我隻鬆弛熊着急, 全程都因為找唔到鬆弛熊專門店而內咎中 ….
唔知行程既第幾日, 佢地响 Lawson 見到鬆弛熊既野, 即刻兩眼放光~~
好得意呀….. 南瓜鬆弛熊~~ 佢個頭好攪笑~~
呢個就係响 Lawson 買既提子味香口膠, 唔知好唔好食呢 ?? 二等兵擺左幾日都未捨得開 !!!
原來呢個係 Lawson 秋季限定商品, 仲有白熊 tim, 一 set 2 款 !!!
http://www.lawson.co.jp/campaign/rilakkuma/detail/detail_017.html
呢個係二等兵媽媽一見到即刻要買俾二等兵既 “家計簿” !!! 都係佢最知二等兵心意, 二等兵一見到即刻愛不釋手 !!!
二等兵係唔會捨得用既 !!!
http://www.shufu.co.jp/books/00004225.html
除左鬆弛熊之外, 佢地梗係買 d 食食食既野返黎啦~~~
好可愛, 但好快已經俾二等兵好殘忍咁吞落肚…….
仲有呢份富有柿, 甜就甜, 不過無想像中咁有驚喜~
呢塊紅葉係佢地响天龍寺帶返黎俾二等兵~~
雖然去唔到, 但都感受到佢地份喜悅~
唱完 K, 行下街, 隊長突然話想食芙蓉蛋飯, 於是同二等兵由佐敦行到深水埗侵略 !!!
呢度好明顯係做街坊生意, d 伙記同食客都好熟落, 我地睇下餐牌食乜先 ~
我地叫左雪菜肉絲炆
米 ($28)
真係好大碟 ==”, 大碟到 …. 一碟 = 平時茶餐廳既兩碟….
味道 OK, 唔錯~
芙蓉蛋飯 ($27)
面黑黑地唔係煎燶左, 而係同蛋絕配既豉油~
叫飯免費送熱飲, 而凍飲就只係加 $1
响茶餐廳飲凍檸茶真係好正 !!!
每次二等兵食唔晒, 隊長實 KO 埋二等兵碟食物, 但呢間餐廳 d 野食實在太大碟, 隊長食左個芙蓉蛋飯之後竟然 KO 唔到碟雪菜肉絲炆
米 !!! 二等兵識左隊長咁耐, 真係第一次見佢要打包 !!! (外賣盒加 $1)
你睇, 淨左半碟真係有一盒既份量 !!! 兩個女仔 share 一碟都夠飽啦 !!!
Total : $58, 食到隊長飽飽 !!! 
每隔一兩個月, 二等兵就心思思想唱 K, 呢期 d 新歌都未唱過, 於是今日又走黎唱下 K ~
早兩日 book 位, 黎到竟然俾間 15 人既 Party 房!!! 間房大到真係打好多個側手翻都得 !!!! 
埋邊有電腦可以上網, 又有 Wii 打 !!
LCD TV x 2 ~
呢個係咩 ??
咪就係投射營螢光幕囉 !!!
間房仲有獨立 Toliet, 係咪以為我地去左 CEO Neway 呢 ?! 人頭收費都只係 $69/位, 包兩杯無酒精飲品, 唱 3 hrs 呀 !!
呢兩杯特飲係免費轉飲的 ~ 芒果椰果爽 & 士多啤梨椰果爽 ~
2:30 pm 有茶餐, 超平 !!!
呢個係蒜香蜆肉磨菇汁意粉 (折後價 $9)
雖然唔係好大碟, 但係味道好得喎 !!! 仲要係勁多料, 又多汁 !!!
呢個係芝士火腿煙肉香草汁飯 (折後價 $9), 又係勁得 !!!
食左兩個茶餐後, 隊長見佢咁抵又咁好味, 抵唔住又叫多兩份 !!!
呢個西多士折後價都係 $9, good good 好味~~
隊長仲可以 KO 多個五香肉丁公仔麵 (折後價 $9) !!! ==”
食飽飽, 叫多杯飲品, 唱下歌先~~
原本講好唱 3 hrs, 點知可以唱多半個鐘, 埋單 $173 / 2 人, 玩足 3.5 hrs, 仲食到飽飽, 抵呀 !!!
响福民附近行左 2 - 3 hrs 後, 我地大約 5:30 pm 黎到小肥羊~
講多無謂, 點菜先 ~
無左上次個清涼鍋底, 今次叫左呢個清湯底 (RMB 20) ~~
隊長見咁好興緻, 啤啤佢先 ~ 青島啤 (RMB 8), 隊長未飲已經醉左……..
我地兩個都好鍾意食羊, 所以先黎個 “精品肋腹肉” (RMB 35) ~~
呢個係誤會了的 “豆苗” (半份 RMB 5), 因我地忘記了大陸叫的豆苗同我地食開既係唔同~
通菜半份 (RMB 4), d 菜有得叫半份真係好, 因為我地人少少, 又想食多幾款食物, 叫半份就可以滿足呢個願望~
泡腐竹半份 (RMB 6), not very good…
粟米半份 (RMB 4),擺落去 d 湯度十下十下先~
鮮滑雙拼 (RMB 45), 呢個係我地全晚叫既食物裡面最貴的, 本來二等兵話就咁叫墨魚丸, 但隊長話出面都有得食啦, 堅持要叫呢個, 最後都無令人失望, 雙滑都好正 !!!
乾晒支青島啤, 再黎支 1.25L 可樂 (RMB 12) ~~
呢個係服務員推介既 “精品腱肉” (RMB 30), 正啊 !!!
炸腐竹半份 (RMB 6) ~ 呢個好食過泡腐竹好多~~
生菜半份 (RMB 4), 隊長你做乜哩响度呀 ???
再黎多半份通菜 (RMB 4) ~~~
呢條烤羊串 (RMB 3) 好孤單….哈哈…其實見到隔離枱十幾廿條咁叫好過引, 之但係我地實在人太少, 所以唔可以大堆大堆咁叫~
服務員另一推介, 豆沙餅 (RMB 3), 必食之選 !!!
Total : RMB 193, 真係好抵 !!!
雖然呢間係新淨 d , 但我地一致認為燕南路
果間服務好 d~~
頭先响牛牛樂園侵略完畢, 隊長帶隊上深圳搵食 ~
話說我地每次搭深圳地鐵, 見到果條長長既人龍, 唱錢又排一次, 買飛又排一次, 仲要有機會俾人打尖, 於是就買左張深圳通~
Hello Kitty 情侶版 RMB 100/套 ~
其實唔係特別鍾意 Hello Kitty, 反而鍾意後面 d 櫻花多 d~
唔知點解二等兵硬係搶左張 Daniel 黎用….. @@
好喇, 我地 hea 住黎到深圳, 週圍行左一輪, 二等兵都唔係好肚餓, 於是黎到麵點王係咁意醫下肚~
呢個係 “涼拌三絲” (RMB 8), OK 好味～
呢個係 “麻醬冷麵” (RMB 9), 唔錯～
茶錢 RMB 2/位, 加埋都係 RMB 21, 抵 !!
食飽飽, 行下皇崗地下街商場, 經過見到 “屈人寺”, 二等兵就諗起豬嘜 & 豬兜話有鬆弛熊既產品 ~ 於是二等兵即刻二話不說走入去找尋鬆弛熊 ~
哈哈, 真係有好多, e.g. 棉花棒, 紙巾, 化妝棉, 梘液 etc…
但二等兵一見到呢兩樣野即刻愛不釋手~~
呢個係污衣籃 ~
二等兵梗係唔捨得用啦, 點捨得俾鬆弛熊裝污髒衫 ….
哈哈 …. 原來係裝返鬆弛熊自己既污髒衫既….
呢個係 mouse 手護墊~
二等兵就係見到佢 “爬” 响度個可愛樣即刻愛不釋手!!!
下回請看 : 福民小肥羊打邊邊 ~
