今日隊長突然想打邊爐, 於是二等兵就提議黎到二等兵屋企附近既小肥牛打邊邊 ~
其實對面嗰間花園金閣一直都好受打邊爐既捧場客歡迎, 因為任飲任食吖嘛, 但今日特登揀小肥牛食豪 d, d 料靚過任食果 d 吖嘛 ~
既然黎得屋企附近既小肥牛, 梗係要叫埋二等兵阿哥黎熱鬧下啦 !!!
一坐底, 混下料先 ~
隊長果盤係多蔥 ga ~
黎到 18:30 pm, 得幾枱客 ~
先黎搾竹蔗水先 ($20), 弊 … 仲有 $20 3 支大朝日啤酒唔記得影相 tim ~
好喇, 睇下我地叫左 d 乜 ~
湯底我地揀左好正氣既香茜皮蛋湯底 ($33)
豬, 牛, 墨丸 ($35)
芝士牛丸 ($55), 勁正 !!! d 芝士係完全唔酥, 非常之好味 ~
鮮蝦水餃 ($30) ~ 好飽滿, 幾 OK ~
生菜 ($20) & 白菜仔 ($20) ~
必叫既炸腐皮 ($30) ~ 放落湯度淥三下, 食得 !!!
炸魚皮 ($30), 好大塊, 正 ~
安格斯牛頸脊, 試食價 $10/碟, 每兩人可以叫一碟, 我地三個人, 所以只可以叫一碟特價品 ~
同本地肥牛真係唔同食法, 好滑, 之後 encore 果碟 (收正價) 仲新鮮 ~
黃喉 ($30)
蝦滑 ($55) ~ 又係必叫既 ~
墨魚滑 ($35), yummy ~
頭先 $10 果碟安格斯牛頸脊食到到喉唔到肺, 於是叫碟正價既先, 呢碟係例牌 ($88), d 雪花真係均勻到吖 ~ 頭先果碟都已經覺得好滑, 呢碟仲新鮮, 又滑又有牛味, 好正 ~
生果係送既, 後面果支係梅粉 ~
計埋茶芥 (茗茶三位共 $10, 醬料 $13/位) 及加一, Total : $616 (3人) ~
平均每人二百幾蚊, 其實係幾貴 ga, 不過真係靚過任食果 d, 而且招呼真係勁好 ~
大家都捧住個肚走, 但隊長竟然到半夜 12 點幾果陣話肚餓 =.=”
其實二等兵本身並唔係一個蘋果迷, 所以一直對 d i 乜 i 物無乜興趣, 但有日返到屋企無啦啦見到有部 iPad, 係二等兵阿哥買俾我地玩, 於是二等兵一心諗住要黎玩 Facebook (FB) 既 Cafe World 啦, 點知原來佢 support 唔到 Flash ga, 即係所有 FB 既 games 都玩唔到 !!! 激死人喇, 要 Jail break (JB) 先玩到, 部機新蓄蓄, 要 JB 都要過一排先啦, 於是二等兵就上網 search 下有咩 game 玩啦 ~
點知俾二等兵 search 到有個鬆鬆 apps, 好彩係 free 咋, 即時 d/l 落黎玩下先 ~
得 2 Part 咋 ~
[youtube http://www.youtube.com/watch?v=WzWuONK-4cw&hl=en&fs=1]
呢段就係上網無意中搵到既片 ~
[youtube http://www.youtube.com/watch?v=7fJl_RPEg88&fs=1&hl=zh_TW]
上次 (28/8) 去過朗豪坊鬆弛熊 (鬆鬆) 出現既活動後, 實在太多人, 等就等左一個鐘, 但淨係出黎果 15 mins, 相又影唔到, 人又多, 攪到今次收到網友報料話鬆鬆今日出現, 二等兵都無乜興趣 ……….
本來今日諗住去游水, 但係雷暴警告游唔到, 於是二等兵同隊長就行下商場啦 ~
據聞, 鬆鬆會响 14:30 pm 同 20:00 pm 出現, 二等兵黎到 10/F 間機舖諗住打聽下佢確實既出場時間, 點知班職員就守口如瓶, 點都唔肯講喎 ~ 二等兵都想走喇, 但隊長確實知道二等兵第日睇到 d 網友影相後會有後悔既心理, 於是諗盡方法都留二等兵响朗豪坊 !!!
我地打算等到 15:30 pm 再唔見佢出現就閃喇 !!! 到 3 點零鐘, 見到 d 職員開始小規模清場, 搬開幾部扭蛋機, 我地就知鬆鬆就快出現喇 !!!
終於, 等兵 15:40 pm 左右, 鬆鬆真係出現喇 !!!
哈哈, 好大隻呀 !!!
近距離接觸 !!!!
今次秩序幾好呀, 上次個個都圍住影唔到相, d 人影完又唔走開讓俾第二個人影, 今次個個都自動自覺, 影完即刻行埋一面吖 ~
仲有吖, 鬆鬆今次擺左好多唔同既 post ga !!!
就連男仔都忍唔住走埋去合照 !!!
而最估佢唔到既事情發生喇, 就係 …. 隊長竟然叫二等兵幫佢同鬆鬆合照 !!!
好野, 睇黎隊長都鍾意埋一份 !!! 呵呵 ~~
後面都有條拉鏈 ga, 點解唔露下件招牌藍色波點底底吖, kaka ~
好攪笑吖佢 ~
黎張大頭照先 ~
今次真係影到唔影 !!! 我地 total 可以影左 4 次 !!!
你地望下佢個肚腩仔, kakaka ~
可愛, 可愛 ~
呢張有小朋友响度, 顯得佢個表情好可愛吖 ~
你睇佢 d post, 真係無欺場 !!!
睇下段片有個小朋友見到鬆鬆幾開心 ~
[youtube http://www.youtube.com/watch?v=1wLDjdxowWU&fs=1&hl=zh_TW]
呢段係臨尾走既時候, 鬆鬆跳返 part 舞 say goodbye ~~ kaka ~
[youtube http://www.youtube.com/watch?v=DIXsq0A9gP8&hl=en&fs=1]
等左 1.5 hrs, 但完全值得, 今次真係無欺場, 出現左起碼 20 mins 先返入去 ~ 好彩隊長用盡方法留住二等兵咋, 如果二等兵無留响度等, 到時知道今次可以影合照一定會好後悔 ~~
————————————————————————————
28/8/2010 朗豪坊鬆鬆出現既實況, 你睇幾多人, 多人到根本同鬆鬆影唔到合照 ~
想試左好耐既爭鮮迴轉壽司, 今日終於的起心肝去食喇 !!!
話說大約年幾前, 葵芳地鐵站開左間台式的爭鮮外帶壽司, 每件 $3, 二等兵同屋企人試過都覺得幾 OK, 後來知道荃灣開左間迴轉壽司有得堂食, 碟碟均一價 $8, 二等兵一直都想試下, 可惜聽聞呢度既入坐安排有問題, 同埋呢度既服務態度麻麻, 而且我地經過幾次都有好多人响度排隊等位而放棄左 ~
今日我地終於的起心肝黎試下, 特登早 d 黎攞位 !!!
黎到 17:30 pm, 都已經排隊排到樓梯口喇, 我地諗住要等成 30 mins, 二等兵仲叫隊長响隔離書局睇下書先, 點知因為排响前面好多都唔齊人而唔可以入座 !!! 二等兵拿拿臨 call 返隊長返黎 !!! 我地企左 10 mins 已經入得喇 !!!
原來限食 50 mins, 但我地過左 50 mins 都無俾人催埋單, 全程食左大約 1hr 10 mins 都無俾人催過 ~
茶包 ~
"哇沙比", 應該係台灣人叫法 ~
無得 order, 全部係在迴轉帶攞 ~
呢度碟碟都係 $8, 加一另計 ~
$8 咁平, 鍾意食乜就攞乜 ~
三文魚壽司, OK 喎 ~
蟹肉沙律壽司 ~
甜蝦
壽司 ~
黎多件三文魚壽司先 ~
迴轉帶上唔係碟碟都靚, 記住攞時要睇清楚邊碟新鮮 !!!
帶子壽司 ~
d 帶子我地覺得好新鮮, 所以 encore 左幾次 ~
二等兵獨享 - 三文魚子壽司 ~ OK 唔腥 ~
辣汁螺肉壽司 ~
鮑魚片 ~ 幾好味 ~
encore 的帶子壽司 ~
帶子壽司都係件件唔同, 有 d 切到好薄 ga, 攞既時候睇清楚喇 ~
海膽壽司 ~
隊長 : “試下 d 海膽掂唔掂先 !!”
二等兵食後 : “我接受唔到囉 …”
鰻魚壽司 ~
辣汁蜆肉壽司 ~
見到碟帶子壽司, 又忍唔住攞黎食 ~
隊長 : “不如打孖黎啦 !!!”
鬆鬆: “呢碟串燒四兄弟幾好味喎 !!!”
蜜汁櫻花蝦壽司 ~
蜜汁櫻花蝦即係類似日本人早上要黎送粥果 d 醃制過既蝦乾, 幾特別, 第一次試呢種壽司 ~
隊長臨尾再 encore 多碟帶子壽司 ~
Total : 16 碟, $141 (已包加一)
傳聞中話佢堂食既服務同入坐安排係唔掂, 但今次我地算幾好彩, 樣樣都幾 OK, 只係中途發生左段小插曲, 就係位職員收碟時唔覺意將 d 菜水倒瀉左落隊長見波衫度, 但佢都即時俾紙巾同濕紙巾我地清理, 仲講晒唔好意思 ~ 睇黎又唔似傳聞中咁差既招呼喎 ~ 而且, 幸好隊長件波衫唔係勁貴果隻, 同埋 d 汁唔係油立立的, 所以呢段小插曲都無影响我地成晚的心情 ~
