見好耐都未食過放題, 我哋心思思又走嚟食 ~
隊長之前做定晒功課, 知道中環新開既松家口碑唔錯, 於是就帶隊嚟搵食喇 ~
首先睇下收費先, 好似好複雜咁 ?? 簡單啲講其實即係 20:00 pm 前埋單, 或 21:00 pm 後入座, 收費 $198 (一至四) / $208 (五至日), 其他時段 $238 (一至四) / $248 (五至日) ~
原來仲有午市放題 (六, 日及红日) tim ga, 都幾少見喎 !!
食物都幾多選擇, 仲有想讚下全部無漏單呀, 讚 !!
環境唔錯, 一啲都唔迫, 又唔會枱貼枱, 真係坐得幾舒服 !!
呢 4 款食物可以免費揀一款, 如額外再叫, 加 $20 一款 ~
4 款食物分別有 : 鐵板鵝肝 1 件, 鐵板 11 吋老虎蝦 1 隻, 赤貝刺身 2 隻, 牡丹蝦刺身 2 隻 ~
$208 包一款以上食物, 都幾抵喎 !!
一坐低, 店員就話落咗個刺身拼盤先, 仲問我哋飲乜, 飲品有好多選擇呀 !!
除咗一般汽水之外, 仲有鮮榨果汁 (橙汁及西瓜汁), 同埋從來都無响放題見過既 “熱薑母茶”, 犀利 !!
隊長叫咗佢至愛既巨峰提子梳打, 你哋數下佢今晚飲咗幾多杯 ?? 而二等兵就叫咗西瓜汁 ~
點完食物後, 刺身拼盤都到喇, 好吸引呀 !!
餐牌上除咗希靈魚外, 其他都有齊 !!
你睇啲三文魚幾厚 !! 其他超好味既包括 : 甜蝦, 鮑片, 馬刀貝同貝柱, 但係立魚就有少少魚骨, 食嗰陣要留意 ~
睇下我哋食咗啲乜 ~
薄燒牛肉 - 掂 !!
燒羊架 - 掂 !!
呢個係每人一客 4 選 1既鉄板鵝肝 ~
係超超超滿足 … !!
另一款每人一客 4 選 1 既 11 吋鉄板老虎蝦 ~
啲蝦好新鮮, 但食鵝肝就滿足啲, 呵呵 ~
燒煙肉車厘茄 - 煙肉同車厘茄勁夾, 車厘茄中和咗煙肉既鹹味, 好正 ~
燒雞翼 - 好味 ~
海膽手卷 - 海膽一般, 但紫菜勁脆 !!
蟹籽沙律 - 無特別 !!
燒牛舌 - 切得厚咗啲, 薄既地方好好味, 但厚切嗰度就靭咗啲 ~
燒蝦 - 一般, 因為啲蝦殼好難剝呀 ~
蝦天婦羅 - 啲蝦勁粗身, 又新鲜, 啲炸粉又唔會過厚, 掂 !!
第二輪刺身拼盤, 我哋都係叫晒餐牌上既刺身 ~
好少叫第二 round 個刺身拼盤都咁有睇頭, 讚 !! 啲刺身都係好新鮮 !!
凍柑桔檸檬 - 少少酸, 但幾濃味 ~
encore 既蝦天婦羅, 仍然係好好味 !!
燒石斑 & encore 既薄燒牛肉 ~
估唔到食到第 2 round 人多咗, 啲食物都仲 keep 到是熱的, 同第一 round 啲質素一樣 !!
冷蕎麥麵 - 好少見放題有呀, 但再凍少少會好味啲 ~
燒羊架 - 俾隊長 KO 晒 !!
燒雞翼 - 都係俾隊長 KO 晒, kaka ~
炸豆腐 - 件豆腐無咗一角既 ??
軟骨餃子 - 好味 !!
嚟多兩串煙肉車厘茄先 ~
隊長又嚟多杯巨峰提子梳打喇 ~
隊長至愛既炒飯呀 !!
話說炒飯有兩款, 分別係海膽炒飯 & 三文魚蟹籽炒飯, 但呢個炒飯嚟到時我哋第一個反應係咪嚟錯咗呢 ?? 個樣咁似三文魚蟹籽炒飯既, 於是就問問店員啦, 佢都話呢個係三文魚蟹籽炒飯 ~ 咁我哋就繼續食啦, 並叫店員再落一客海膽炒飯 ~
炒飯濕濕哋, 攤凍少少會好食啲, 不過味道唔錯啊 ~
KO 無難度 !!
見咁少有薑母茶飲, 二等兵又貪得意叫吓先, 但原來好辣架, 辣到飲唔到, 結果飲咗幾啖要放棄, 大半杯俾隊長包底 !!
其實頭先嗰碗炒飯食到最底先見到海膽, 我哋先知佢無落錯單吖, 原來真係海膽炒飯, 結果頭先再落單既海膽炒飯又嚟喇, 好彩隊長話好食, 仲食得落 !!
KO-ed 既時候店員啲反應實在太快喇, 張相影住佢拎走個碗, 哈哈 ~
第三次叫既煙肉車厘茄, 真係好味架啫 ~
又係第三轉既刺身, 不過今次重點出擊, 只係叫咗三文魚, 甜蝦 & 鮑片, 仍然係好好味, 好新鮮 !!
又嚟巨峰提子梳打 ?! 隊長你唔厭架咩 !!
(P.S. 隊長今晚一共飲咗 5 杯巨峰提子梳打)
食到接近尾聲時, 店員開始提醒就快要交枱, 於是我哋開始食雪糕 ~
雪糕有 4 款 - 紅豆, 芝麻, 菠蘿 & 綠茶, very very good ~
菠蘿味雪糕真係好耐未食過喇, 好 fresh, 仲要有菠蘿肉吖 !!
鮮榨橙汁 - 真係鮮榨 ga ~
食到捧住個肚走, 服務又好, 食物又好味, 呢餐真係好滿足 !!
Total : $458 (已加一)
隊長, 一定要再侵略呀 !!
隊長俾近排宣傳緊既 Pop Pop Pizza 吸引住, 於是今日嚟到 Pizza Hut 試試 ~
我哋又係坐返 114 號抬呀 !! 
恒生咭有折呀, 2 人餐做緊 68 折, 即係 $248 呀 ~ 而某部份小食做緊半價優惠 tim ~
睇下 $248 有乜野食先 ~
餐湯 (x 2), 我哋例牌揀一紅一白 (意大利菜湯 & 蘑菇忌廉雞湯) ~
呢個就係半價小食 - 滋味釀雞翼 (半價後 $24), 淡淡既香味, 好好味呀 ~
又係好好味既小吃 - 焗粟米肉醬薯蓉 ~
呢個千層肉醬闊麵同樓上嗰個焗粟米肉醬薯蓉咁似既 ~
不過其實啲肉醬同闊麵都好好味架 !!
主角出場喇, Pop Pop 批配大蝦 (普通批) ~
啲 Pop Pop 批邊原來藏住香腸同肉丸架, 又幾好味喎 !!
仲有甜品 ga, 朱古力雪糕配朱古力醬汁 (x 2) ~
二等兵鍾意食雪糕, 又鍾意食朱古力, 呢個甜品 very good !!
兩杯餐飲轉咗特飲 (+$8 / 杯)
二等兵揀咗雲呢嗱雪糕啫喱冰, 而隊長揀咗藍莓青檸賓治 ~
Total : $316.8
Pizza Hut 成日都有啲新產品, 有新鮮感得嚟又有質素既保證, 一定會間唔中侵略 ~
溫馨提示各位網友, 如果打算選用網上痕既網友, 簽約前一定要睇清楚 !!
事源隊長同二等兵打算在蝸居裝寬頻線, 由於隊長係忠實球迷, 於是佢响無得選擇既情況下選擇咗網上痕 + NOWTV 足球頻道。
隊長平時唔方便打電話, 就差遺二等兵詢問關於網上痕既計劃詳情。
二等兵睇完陳豪個廣告, 就打去熱線問下寬頻線詳情, 佢哋 hotline d sales 就 pass 咗我俾一個叫 Ray Lo 既 Sales (Staff code : 8037 4671)。
先唔講寬頻線既問題住, 而家重點想講下佢個 NOWTV 足球台。
佢回覆二等兵如果想加足球頻道要 +$18, 因為隊長之前叮囑要問清楚 +$18 包邊幾個台, 於是二等兵就照辦煮碗問一次 Ray Lo, 佢查完一輪之後話 +$18 包 [631-639, 670-673, 676-677] 呢幾條頻道, 再額外送 [331-333] 台俾我哋, 至於寬頻月費豁免嗰 6 個月, 足球台 $18 都一樣會豁免。
隊長一向都有安裝 NOWTV 足球頻道, 佢聽到二等兵話 +$18 有咁多條足球頻道都覺得有無咁荀 ?? 於是不厭其煩叫二等兵再問清楚。
其間 Ray Lo 又攪錯咗寬頻線, 過咗一兩日又同二等兵講我哋既地址要安裝貴啲既 300M, 佢話為咗補償損失, 就送$ 300 coupon 俾我哋補數。但足球台都一樣係 +$18 有齊咁多個台。
如是者在 bargain 200M 同 300M 既過程, 二等兵又同佢 make sure +$18 足球頻道係包 [631-639, 670-673,676-677], 額外加送 [331-333], 佢都再三 confirm 係包呢十幾個台, 佢自己都有重覆讀一次呢十幾個台既編號, 但係隊長都覺得邊有咁荀, 於是就叫個 sales 打俾佢, 親自問佢一次, 因為佢怕二等兵攪錯。
之後嗰位 sales 打去隊長公司 (電話有錄音), 隊長今次自己問得好清楚, 嗰位 sales 亦都自己讀咗一次呢張 contract +$18 包括邊幾個台, 就係佢同二等兵講既 [631-639, 670-673, 676-677, 331-333], 隊長見佢既然講到咁肯定, 又有錄音, 就 join 佢, 並計劃星期六嚟裝線 (300M 寬頻 + TV), 但嗰個 sales 話趕唔切今個星期六 (11/6) 裝, 於是改為下星期裝。
11/6 中午時份, 二等兵收到師傅打來話今日嚟裝 200M 寬頻, 但係我哋係 upgarde 咗去 300M, 於是在神推鬼擁的情況下, 二等兵就打去 hotline 問問究竟而家個 contract 係點。
唔問由自可, 一問真係把幾火, 個 hotline 職員話我哋張 contract 只係 200M, TV +$18 只係包 630 及 631, 其他什麼 [632-639, 670-673, 676-677, 331-333] 全部都無, 仲要無寫有任何 coupon 送, 真係頂佢個肺吖, 二等兵就打去剷嗰個 sales 啦, 佢開頭仲死撐, 話係送嗰十幾個台, 無呃你 !! 二等兵就剷佢話已經打咗去 hotline 問咗張 contract, 完全無寫嗰十幾條頻道, 佢開始知衰, 就話 “唔好意思, 我對足球台呢方面唔係太熟悉, 可能誤會咗包呢十幾個台” 吓 .. 唔熟悉 ?! sell 呢個產品會唔熟悉 ?? 唔熟悉唔搵第二個 sell ??
二等兵實在唔想再同佢講落佢, 一句叫你上司嚟聽, 佢開始耍二等兵, 話 “其實你可以 cancel 張 contract” 的 ~ 真係低能的, contract 我固之然要 cancel, 但就一定 要投訴佢無良既鎖售手法囉 !! 況且我哋有錄音, 全部都可以證明到佢銷售手法有好大問題, 佢一句叫我 cancel 就想耍我哋 !!
而家呢件事正在處理中, 實在太慶喇, 要响度發洩下, 近兩年既電盈同早年既有線開始無乜分別喇, 如果唔係隊長要睇波, 二等兵一定以後都 black list 佢囉 !!
今日約咗電盈同蝸居裝寬頻, 於是就响附近食個 fast lunch ~
其實蝸居附近有好多食肆呀, 間間都想試, 真係有選擇困難症, 今日我哋就揀咗呢間 bookshop 入面既 cafe ~
唔想煩, 我哋揀咗兩個 set lunch ~
呢個係香辣茄汁海鮮意粉 ($48) ~
意粉都幾好味 ~
呢個就係雞肉、青蘋果配吞拿魚長通粉沙律 ($48) ~
二等兵好鍾意食沙律架, 但呢個沙律一啲都唔合格, 完全無味, 無沙律醬, 真係健康得滯呀 ….
上咗兩個主菜都未見有餐湯, 同一時間, 聽到隔離枱問店員為何餐湯仲未到 ?? 店員回覆星期六是無餐湯的, 但就照單 8 折, 唔明點解落單唔講呢 ??
餐飲就揀了凍奶茶 (+$2) & 西瓜汁 (+$2) ~
頭先話有 8 折, 原來凍飲 (+$2) 是無折的, 呢間舖真係計到好盡 ……
Total : ($48 x 2) x 0.8 (8 折) + $4 = $81
真係一次就夠 …….
