Our Big Day at 翠玉軒 @ 中環

估唔到連自己既大日子都可以寫食評, kakakaka …

响隊長同二等兵既大日子, 我倆選擇唔擺酒, 當晚只係請親戚食晚飯, 於是就响中環交易廣場的翠玉軒設宴 ~

當晚我倆 book 了一個廳房, 兩圍酒菜 ~

服務真係好好, 每枱有一位服務員負責, 另再有一位服務員執枱 ~

不如睇下 menu 先  … XDDDD

大家都肚餓喇, 起筷 !!!

乳豬對眼無閃燈, 略為失色了 XDDDD

碧綠帶子蝦仁 ~

瑤柱扒翡翠 ~

翡翠即係豆苗吖 ~~

二等兵指定要的花姿炸蟹拑 ~

花膠雞絲燴生翅 ~

本來唔想 order 翅的, 但老人家認為無翅唔大體, 所以無法啦 ~



翡翠鮑魚伴金錢~

隻鮑魚超入味 ~  成晚最掂係呢味 !!!

濃湯浸大鱔班 ~  都大獲好評呀 ~

招牌脆皮雞 ~ good ~!!



d 皮脆卜卜, 好正 ~

四季荷葉飯 ~ 俾隊長 KO 咗好多碗 ~



仲有紫米鮮椰露, 不過掛住食唔記得影相, kaka

希望今晚啲菜各位會滿意啦!!!

Our Big Day (Comments)

籌備呢個婚禮用咗半年時間, 隊長同二等兵今年 4 月頭先決定結婚, 希望以下資料幫到各位 ~

大日子 : 2011 年10 月 2 日

A) 伊甸園 中環 2 號碼頭 Hall 1  1 hr (2011/4/20 付款) 90 分

http://www.hkmcs.com.hk/

http://www.hkmcs.com.hk/site/price_list.php

場地很靚, 而且職員很友善, 準時交場給我, 很滿意 ~

B) 晚宴 - 中環翠玉軒 (2011/4/21 付訂) 80 分

包了一個廳房, 很闊落, 而且每枱有兩位服務員負責, 服務一流。

但食物味道一般, 中規中矩 ~

C) 化妝 + 髮型 - Annie  (2011/4/26 落訂) 99 分

Annie 是朋友結婚時找她化妝的, 二等兵之前做朋友的伴娘時給她的助手化, 所以無去試妝, 雖然如此, 但仍然非常滿意佢化既妝, 佢真係化到好靚, 仲有呢, 大日子當日佢提咗我好多野, 等我哋可以好放心亦好順利 ~


另外髮型可以參考呢個 blog : http://easymakeup.com.tw/all_gallery.php?ar=0&zrp=1


不過我完全由 Annie 自由發揮, 結果好滿意 !!

D) 婚紗 - 溫馨 (2011/5/7 付全數) 90 分

http://www.wedding-plaza.com.hk/

婚紗款有好多選擇, 而佢哋啲服務又幾 nice 吖, 佢話我套婚紗係新返既款, 暫時我係第一個人大日子嗰日著, 二等兵揀咗一套好清既婚紗, 我鍾意清清哋, 最好唔好太誇張就得喇 !! 而當日都有幾位朋友話套婚紗好襯我呢 ~

E) 攝影 - 純美新娘查理 (2011/4/30 落訂) 90 分

http://www.preciousbride.com.hk/
亦是朋友介紹的, 响 esdlife 都好似好多人讚純美新娘, 查理好識攪氣氛吖, 又唔會要做啲好 “leung” 既動作, 希望收到啲相會滿意 !!

F) 餅咭 - 美心 & 奇華
趁婚展時買的, 有 8 折呀 !!

G) 花車 - 啟聰 (2011/5/3 落訂) 95 分

http://www.weddingcarhk.com/

司機準時到達, 衣著整齊, 又肯幫手佈置花車, 又肯借出花車公仔抵托, 滿意 !!

要扣分的地方係架車都幾 dirty, 好彩遠看無乜野 ~

H) 花球 - 秋子花球 (2011/6/24 落訂) 95 分

又係網絡紅人, 响 esdlife 熱捧之一 ~

上到去見到間舖頭有少少 “O” 咀 ga, 因為實在太簡陋, 不過既然做得網絡紅人, 故然有佢既優點 ~~ 於是就揀咗呢間 ~ 況且格咗咁多花店, 最平都係佢, 因為二等兵偏愛黃色馬蹄蘭, 呢種花要空運來港, 所以價格相對貴啲 ~ 而二等兵叮囑老闆要用深黃色既馬蹄蘭, 响前兩天做咗一個後, 到大日子前一天返嗰水貨係再深黃啲 !! 佢竟然再做多一個較深黃色既馬蹄蘭花球俾二等兵 !!! 值得一提既係, 秋子老闆會俾好多頭花, 方便化妝師襯唔同顏色既晚妝 ~

I) 喜帖 - 彩印大皇 (2011/7/2 付款) 95 分

http://print88king.com/price_card_1.asp

款式有啲 “leung”, 但勝在多款選擇, 始終有款啱心水 ~ 起貨速度勁快, 覆稿後十日可以取帖 !! 仲送埋信封, 貼紙, 同回禮利是封 !! 滿意 !!

喜帖格式可以參考 : http://wedding.983.com.hk/wedding-invitation-knowledge/wedding-invitation-knowledge-7.html

J) 伴娘裙 - 天麗 (2011/7/9 落訂) 60 分

http://www.ange.com.hk/index_topic.php?did=41503&didpath=/41503

開頭入去話 $380/套 度身訂造, 但後來變為 $580/套, 老闆推說話因為伴娘既 size ….. 所以要貴啲 ……. 所以二等兵覺得有啲唔老實 …… 不過條伴娘裙都做得幾靚既 ~


K) 新娘鞋 - 有利鞋店 (2011/7/21)

http://www.yauleeshoesco.com/CONTACT.HTM

又係 esdlife 紅人 !! 傳聞話佢啲鞋好舒服, 又好著, 仲要好平 tim , 於是二等兵又冒名前來 ~ 因為知道婚紗鞋唔會再著, 所以揀咗對無咁誇既款式, 亦唔想買得咁貴, 响有利平價鞋有好多選擇, 我見佢既價錢大約 $9x 至 $1xx 左右啦 ~

二等兵買咗一對掛鞋 ($95), & 一對婚紗鞋 ($150), 價錢差咁遠因為對掛鞋係 made in china, 而對婚紗鞋係 made in HK ~
結論對掛鞋真係幾夾腳, 而對婚紗係真係 OK 唔太辛苦 ~

Our Big Day ^^

各位 …… 二等兵終於脫離剩女行列喇 ….. =.=

多謝各位蒞臨出席二等兵同隊長既婚禮, 分享我倆既喜悅 ~~

————————————————————


等咗半年時間, 終於來到人生裡一個大日子喇 !!! 啲人通常要籌備年半至兩年, 但我由 planning 到 big day 都只係半年時間,  唔通二等兵好心急 ??


化妝師佢哋大約 7:00 am 就上到黎, 所以我哋全天候要一大早起身準備 ~


Annie 同 Sandy 一黎到就開波喇, Annie 主要化我, 而 Sandy 就化媽媽同伴娘~


Annie 同我化嗰陣我強調要化得 young d 同唔好太濃, 我鍾意清清哋, 唔知係咪因為咁, 所以佢好快就化完喇 ….. 我諗大約 1 hr 已經化好成個裝, 開始 set 頭喇 ~ 而媽媽同伴娘個妝我都覺得化得幾好呀 !! set 頭嗰陣佢幫我戴上秋子既頭花, 真係好靚呀, 原來放啲頭花响個頭上係咁靚既, 而啲紅色蕙蘭又好襯個掛妝, 最主要佢幫我化到隻眼好大, 但望落去唔係好濃妝艷沒果種呢 !! 化好妝 set 好頭, 我仲得閒到可以食早餐 tim !!! 之後唔知 Annie 定 Sandy 同我講, 而家 9:00 am 喇喎, 我就嗱嗱臨打俾隊長叫佢上黎接我喇 !!!


過程好順利之下到斟茶儀式喇 ~ 原來我用 1 hr 來預備 8 對長輩斟茶, 時間係非常之鬆動的 !! 大約 45 mins 時間已經完成咗斟茶及大合照儀式了 !!!


落到樓下响花車前影下相先, 但影到尾聲就起行時開始落雨喇, 心情有啲 down tim ….. 希望快啲停雨就好喇 !! 主花車 book  咗啟聰 Benz E320, 原來係銀色既, 佢都幾準時, 8:15 am 黎到女家樓下, 仲幫手佈置埋花車 tim ~


大約半個鐘左右就到男家喇, 可惜啲雨未停過, 最慘就係坐响車頭既鬆鬆花車公仔, 溚到濕晒 ….. 我哋預啲時間預鬆咗, 到呢刻都係 on schedule !! 响度等咗接近十分鐘先搭正吉時 11:00 am, 我哋直情多時間到可以响大堂到影咗幾張 snap shot tim !!


男家斟茶呢 part 都大致順利, 同預計一樣有 5 對長輩要飲茶, 大約半個鐘左右已經攪掂喇,  我最估唔到既係, 我以為換婚紗、 轉妝同 set 頭要好耐, 但原來啲時間係多到呢 … 連化妝師都可以落去食飯 !!! 我做咗幾次伴娘同姊妹都係第一次見化妝師係得閒落去食飯架 !!! 原本預 1.5 hrs 轉妝換婚紗, 結果半小時已經攪掂, 仲同打雜先生 & 伴娘响度 hea 咗好耐先施施然出發去伊甸園 !!! 勁呀 !!!!!!


落到樓下, 雨仲未停, 仲要係唔似會停雨嗰種, 算啦, 我放棄喇, 我放棄加鐘果兩個鐘, 放棄昐望突然停雨 ……..


由於外面地下濕晒, 所以一落車我哋都閃入伊甸園裡面, 當時查理 set 緊機, 我哋趁人少少, 嗱嗱臨辦好登記手續先 ~


主家兩家人亦都好快來到伊甸園喇 (事後得知兩邊家人午膳時過程都幾順利 ~) , 我同隊長辦妥手續就開始影相 ~ 我哋 book 咗 3-4 pm 一小時, 接近 14:30 pm 左右, 賓客都陸續到齊喇, 見到好多熟悉既面孔, 好開心吖 ~


頭先轉婚紗妝時 set 咗個長假髮既髮型, 假髮部份戴上頭花, 好靚呀, 望落去幾可愛 ~ 但估唔到 Annie 响儀式進行前會幫我轉頭飾 & 手飾, 頭頂位置戴上皇冠, 而頸上戴上鑽石頸鏈, 望落去又高貴咗, 佢哋真係 pro, 同埋唔怕做多咗野 !!!


响新娘房 prepare 果陣, 查理開始 brief 我哋陣間會點點點, 我當時好緊張呀 !!!


之後隊長就入到 Hall 裡面等我, 然後老豆就帶領我交俾隊長 …. 個感覺好正 !! 之後大家都回到自己台上既坐位, 儀式正式開始 ~~


律師先生講咗一輪野後, 我哋就宣讀誓詞, 我哋都係貫徹我哋一貫作風 !!! 以簡單為主 !!! 我哋揀咗一段最簡單, 最短既誓詞朗讀, 哈哈, 揀句最短, 起碼讀錯既機會都少啲吖 !!! 宣讀誓詞後, 我哋就開始交換介指 ~~ 我當時對眼係咁望下台下既親友, 原來全部人都夠位坐, 唔使企响度 !! 都不禁要自己讚自己安排得好好, 哈哈 ~~~


時間方面, 場內有大約 80 個親友, 二十夥人要影相, 開頭驚咁多人會唔夠時間, 如果真係唔夠時間就大劑了, 因為出面落緊雨, 無可能借出面場外補影未影相既親友, 幸好原來預 45 mins 時間照大合照係非常之足夠架 !!! 我哋直情影到唔影 !!!


好喇, 我哋影到啲賓客走晒都仲有時間响度 hea, hea 到同 Joey / 何生 / Tiffany / 基少影啲遮住面既相 tim, haha !! 呢個時候 confirm 今日影唔到外景, 放棄了!! 決定先返屋企放低啲野先返中環翠玉軒食飯 !!!

星期日既下午路面無乜人, 大約 15 mins 左右就返到屋企, 隊長換返件便服後, 我哋同打雜先生响度 hea 住吹水, 飲下野咁, 啲時間真係鬆動到吖 !!!! 人結婚, 我結婚, 我都未見過對新人係好似我哋咁咁得閒架 !!!!!!!


响屋企 hea 咗半個鐘左右, 我哋就坐返阿棠車返翠玉軒喇 ~ oh, 而家先停雨 ……


我食埋飯大約 20:30 pm 已經可以散席喇 !!! 都未見過啲新人結婚可以好似我哋咁多時間剩啦 !!! 我哋返到屋企都只係 21:00pm 左右, 清潔埋, 落埋妝, 執好啲野都大約 2 hrs 就攪掂晒可以响度上網喇, 如果真係要擺酒, 而家先散席咋 ~

Jack's Terrazza Ristorante @ 灣仔

又到團購既日子 ~~ 今日黎到灣仔一間意大利餐廳食個 relaxing lunch 先 ~~

一坐低, 見到有幾位服務員是外國人, 上菜如遇啱外國人的話要用英文同佢溝通 …..好似好高級咁喎 ………

先睇睇團購內容先 : http://hk.deals.yahoo.com/hong-kong/offer/1802

$55 / 1 人餐 另再加 $13 10% charge (加一) ~

一坐低未叫野已經送上餐包喇 ~

好鍾意佢有橄欖油同醋呀 !! 二等兵最鍾意用醋送麵包 ~

凱撒沙律 ~

餐湯 ~

主菜五選一, 包括 : 意大利辣肉腸、菠蘿、火腿腸 pizza / 煙肉洋蔥長通粉 / 扒野菌意大利飯 / 扒牛扒三文治 / 香煎龍脷柳青檸汁 ~

隊長揀咗扒野菌意大利飯 ~

佢好鍾意食意大利飯 ga, 二等兵怕肥唔敢食 ~ 不過其實都流晒口水 ~

而二等兵就揀咗香煎龍脷柳青檸汁 ~

估唔到有三塊龍脷柳吖, 而底部仲有二等兵至愛的薯蓉, 正啊 !!

餐茶點了熱檸水 & 凍檸茶 ~

杯檸茶又幾好飲喎, 好喜歡呢種紅茶味 ~

甜品是意大利芝士蛋糕 ~

二等兵一向對呢款芝士蛋糕不太喜歡, 因為個人是唔飲咖啡或相關產品既 ~

但食得出佢做得好正宗, 咖啡同酒味都好濃烈, 而口感亦都唔錯 ~

隊長激讚呀 !! 仲話叫二等兵試下整 tim ~

Total : $55 x 2 + $13 x 2 = $136 (2 ppl)

响呢度食 lunch 好 relax, 難得今天可以忙裡偷閒, 慢慢享受 ~

雀目牌雪糕蛋糕 @ Market Place

自從响情人節响 citysuper’s 見過之後, 就好似失踪咗一樣, 找過好多間都找唔到, 近期收到報料熱線, 話見到 Market Place 有得賣, 今晚响佐敦行街, 咁啱見到有 Market Place, 二等兵同隊長都話入去望下有無先 !!

走到雪柜面前, 二等兵同隊長同時大叫 : “搵到喇 !!”

乜真係咁好味咩 ?? 哈哈 !!

真係幾好味吖, 加上隊長係食緊兒時既回憶, 仲更加好味 tim !!

於是一次過買咗兩盒 !! XD !! ($38.9/盒)

"哈" 記雪糕成日話佢嗰啲係雪糕蛋糕, 個人覺得呢啲先係真正既雪糕蛋糕囉 !! 起碼外層真係包住層海綿蛋糕, 而裡面就係類似吉士味雪糕加 Raspberry jam ~

一次 KO 半條 !!

好好味 !! 最緊要係蛋糕連雪糕一齊食先有口感 !!

鬆鬆個樣流晒口水喇 !!

自家製 之 冷蕎麥麵

好耐無玩過煮飯仔喇 ~ 二等兵今日响新居終於親自下廚俾隊長食 ~

响 APITA 買既蕎麥麵 ~

連埋個汁同 紫菜 topping 一齊買 ~ 好唔好味都靠佢哋咋 !! XDDDDDD

1) 預先預備好冰粒同凍水。

2) 將蕎麥麵放滾水中煮 4-5分鐘。

3) 撈起蕎麥麵, 立即放入冰水中過冷河。

4) 將水隔清, 放入碟上準備享用。

加埋醬汁同 topping, 食得 !!

好好味 !! 一份毫無難度既晚餐 !! kaka ~

二等兵仲預備埋飯後菓 tim ~

是日．過大禮 ~

終於到咗過大禮既日子喇 !!

之前因為屋企裝修, 所以二等兵一直都擔心會响邊度過大禮呢 ?? 好彩後尾都可以如期响我由細住到大的家過大禮咋 !!

幸好雙方家長都奉行簡單政策, 所以過大禮都唔使點買野, 只係買咗 2 對龍鳳餅, 一打唐餅, 燒肉, 雞, 同一個果籃, 其他都係 “利是” 搭夠 ~

龍鳳餅 @ 奇華 ~

唐餅 @ 奇華 ~

正值中秋佳節, 生果舖老闆成日叫執啲水晶梨, 蜜瓜等等, 好彩我預先同隊長講叫佢唔好要 “梨” 同 “瓜” 啫, 佢推得兩推, 老闆就問佢係咪過大禮 ga ?! 大家知道過大禮後, 就自動幫佢執啲適宜過大禮既生果 … XDD ~

終於可以派邀請咭同派餅咭喇 !! 張邀請咭係响彩印大皇印既 ~

http://www.print88king.com/

每張 $6.3, 連埋排版費 $100, 每張平均 $7.3 ~ 送埋回禮利是封同貼紙, 起貨又超快, 覆稿後 10 日都可以取貨喇 !! 呢個價錢, 呢個速度 OK la ~

餅咭趁婚展嗰陣買, 買咗美心同奇華 ~ 會場價有 8 折吖, 仲有買滿 90 張送 6 張, 滿 100 張送 7 張 ……. 特別鳴謝 Joey 送出兩張免費婚展入場卷 !! 會場內美心仲要好 pro 咁, 用數錢機數餅咭, 勁呀 !!

好似 “懶” 係厚咁, haha ~

响深水埗街邊檔買既結婚用品, 呢度平過金都好多呀 !!

佢既 FB : https://www.facebook.com/profile.php?id=100001119488125

喜字貼, 左邊果對 $8, 右邊果對 $10 ~

跪墊 $28 / 對, 上頭睡衣 $48 ~

上頭用品 $48 / 對 ~

响旺角 “有利” 買既掛鞋, 個個都話佢啲鞋又平又好著, 口啤唔錯, 於是就去睇吓啦, 去度見到個環境都有啲 o 咀, 有啲似廣州鞋舖既 feel, 不過網上口啤都係讚既多, 就响度買啦 !!

http://www.yauleeshoesco.com/SHOES.htm

掛鞋 $90 ~

婚紗鞋係 Made in HK, $150 ~