自家製晚餐 @ 9/10/2011

又到煲靚湯時間 ~~

上次煲咗蘋果雪梨南北杏 ~  隊長話好飲想再 encore, 今次二等兵做咗個加強版 ~~ XDDD



除咗雪梨同蘋果之外, 再加多咗粟米 & 甘荀 ~

細碟既係無花果, 南北杏 & 蜜棗 ~



用返上次既方法 ~ 用明火煲 45 mins  再放入真空煲焗幾個鐘, 飲之前再用明火煲 45 mins ~



好香啊 ~



湯渣又可以當一味餸 XDDDDDDD



西芹炒雞柳 ~

 
自己都覺得好味, 哈哈 ~

由於諗唔到食乜餸, 於是買咗件硬板豆腐蒸 ~ 但應該百福嗰啲會滑啲好味啲 ~



隊長話今晚啲餸好齋呀, 無計啦, 尋晚家庭聚會開大餐, 食到飽到唔郁得, 今晚要清清哋先得 !!!

自家製晚餐 @ 6/10/2011

哈哈, 繼續扮乖先, 今晚再做師奶煮下飯仔先~

隊長話想食碟頭飯, 乜咁 “了能” 架 ~

有計 ~

買咗啲火腿, 腸仔, 罐頭蘑菇 & 卡邦尼蘑菇汁 ~

响凍肉舖買咗兩塊雞扒, 起肉, 加啲調料汁醃下佢 ~

 

切好晒啲材料 ~

卡邦尼汁加水放入鑊度煮滾, 再放入所有配料 ~

唔記得提大家, 頭先第一件事要煲飯先呀 !!!!!! XDDDDDDDD

將醬汁淋上飯面, 食得 !!!

一人一碟唔使爭 !!!!

 

呢隻新出既金寶卡邦尼汁又幾好味喎 !!

上面嗰碟係二等兵, 下面嗰碟係隊長 ~ 點解二等兵嗰碟多餸啲既 XDDDD

 

 

隊長見咁高興, 開咗果汁味汽酒高興下先 ~~

自家製晚餐 @ 5/10/2011

做咗隊長夫人之後, 二等兵對於隊長既晚餐不敢怠慢, 於是今日親自下廚 ~~

隊長最鍾意飲住家靚湯, 一於煲啲清潤湯火俾佢下下火先 ~

雪梨, 蘋果, 蜜棗, 南北杏 ~

切好晒啲蘋果 & 雪梨 ~

用明火煲大半小時 ~ 熄火, 然後放入真空煲內焗數小時 ~

飲之前再用明火煲大半個鐘, 咁就飲得架喇 ~

好香啊~清清哋都幾好味吖 ~

三餸一湯, 白飯任 “裝” XDDDD

灼西蘭花 ~

蟹柳蒸水蛋 ~

阿媽條 formula 係咁既 : 3 隻蛋, 一碗 & 細半碗飯碗水 + 8 分鐘 !!! 得咗 !!!

隊長為免二等兵第一餐飯失手, 佢特登响街市買咗盒燻蹄 ………..乜佢咁唔信得二等兵呀 !!!!!!!!

4th Aunnal Celebration @ 松家 (中環)

剛剛過了大日子後, 就到隊長同二等兵既紀念日 ~ 

仍然係放假中, 下午唱 K 唱咗 5 hrs, 勁呀, 真係唱到夠晒皮 ~

唱完 K 後等開餐 !! XDD

由於今日放假, 於是我哋 book 咗頭輪食 17:30 pm !! 每位 $193, 店員話減咗 $15 / 位 bor ~

黎到都仲係無乜人吖, 唔理喇, 晏晝掛住唱歌無食野, 好肚餓喇, 開餐喇 !!!

今次係第二次侵略松家, 唔知 KEEP 唔 KEEP 到水準呢 …..

上次每人免費一客鵝肝 / 牡丹蝦等, 今次每客要 $20, 所以我哋叫咗一份 ~



好好味, $20 / 客都係抵既 ~

薄燒牛肉 ~

一坐低必叫既刺身 ~ 仲係好新鮮~

燒雞翼, 羊架 & 煙內車厘茄串 ~

燒牛舌, 香草腸 & 燒蝦 ~ 三樣都一般 ~

encore 既刺身拼盤, 唔知點解今晚 KO 咗兩個刺身拼盤已經投晒降呢 ……….

從另一角度睇先 ~

橙汁 & 提子梳打 ~  隊長每次必叫之選 ~

好正既蝦天婦羅 ~

本店推介之蟹粥 ~ 正啊, 好彩隊長大食咋, 就算兩個人點蟹粥, 有佢包底都唔會太飽 XDDDD

encore 之薄燒牛肉 ~

再黎多幾串串燒先, 今次 order 咗燒牛舌, 煙肉車厘茄 & 燒雞翼 …….. 雞仔食雞翼已經好麻木喇 XDDDD

雞仔 : “又黎燒雞翼 =.=” “

鬆鬆 : ” 無法啦, 咁好味 ~”

蟹子沙律 ~

燒牛舌 ~

蝦天婦羅 & 茄子天婦羅 ~

又黎串煙肉車厘茄先 ~ XDDDD

好好味之柑桔檸檬 ~

haha, 隊長話今晚啲雞翼燒得好好味 ~

海膽炒飯 ~

KO-ed !!!!!

茄子 & 南瓜天婦羅 ~

再黎多杯柑桔檸檬 & 提子梳打 ~

終於到咗食雪糕時間 XD

鬆鬆 : “每個味同我黎一球吖 !!”

明明得 4 個味, 點解會有 5 碗既 ???

大家睇真啲 …………. 有碗係 wasabi 黎 ga ………..  XDDDDDDDD

隊長就鍾意食芝嘛同紅豆, 而二等兵就鍾意食綠茶同菠蘿味 !!!!!!!!!! 啲雪糕簡直好味到不能形容 ………. hehehe



Total : $193 + $193 + $20 + 10% = $447

完全無漏單, 估唔到冇食幾個月仍然 KEEP 到水準 ~

P.S. 二等兵阿哥佢幾日後同朋友食 21:00 pm 嗰輪, 佢都係無漏過單, 但佢話啲燒物無乜味, 唔知會唔會食尾輪啲野醃唔切所以唔夠味呢 ??