去完 honeymoon 返來, 一班識咗成廿年既老死就話要上嚟新居踩場 !!
好, 一於整啲 party 小食招呼吓呢班由細識到大既死黨先 !!
1) fruit tart
原來 fruit tart 都好受佢哋歡迎吖 ~ 佢哋開頭仲估唔到係二等兵整 ga tim …..
2) 火腿蛋
呢個係超受歡迎既 party 小吃, 又容易整 ~
買包火腿, 一樽蛋黃醬 ~
火腿輕輕飛水, 切粒, 加蛋黃醬撈勻 (個人喜好可以加一至兩隻蛋黃)
將啲蛋烚好, 開邊, 整走隻蛋黃, 將頭先整既火腿蛋黃醬加在蛋上, 即成 !!
今次係第一次整, 所以啲份量預得唔好, 下次整個涵一定會脹滿 !! hehe ~
二等兵試過改用蟹柳, 都好好味呀 !! 隊長自從今次之後, 一試愛上, 成日都要二等整俾佢食 !!
3) 蝴蝶酥
又係好易整既 party 小吃 ~
4) 煙三文魚餅乾
响超市買包煙三文魚, 一盒卡夫忌廉芝士, 一包克力架, 即成 !!
5) 薯仔甘荀蘋果沙律
6) 木糠布丁
將忌廉打好, 加練奶 ~
預備瑪莉餅碎, 然後將忌廉及瑪莉餅碎以梅花間竹的方式舖在杯上 ~
加埋 pizza hut 既外賣, 嚟張大合照先 !!
死黨帶來一支紅酒, 一支白酒, 多謝晒呀 !!
近期團購團上癮, 加上去完日本無晒維他命 “M”, 於是成日都揀啲平平哋既團體嚟醫肚算啦 !!
但平嘢又唔一定衰既, 好似今日幫襯呢間餐廳就覺得係超值之選呀 !!
呢間係樓上 cafe, 嚟到一個人都無, 感覺上有啲騎呢架, 不過後尾斷斷續續都有人嚟幫襯 !!
$32 團購餐牌 ~
包場 XDD !! 裝修得幾靚 ~ 有免費 WiFi 任用 ~
落地玻璃外面呢個花園仔係吸煙區 ~
飲品揀咗 “靈貓走步” (草莓/ 蕃石榴) & “金色之夢” (熱情果/芒果) ~
兩杯飲品都好得 !!
沙律 - 洋蒽煙肉馬鈴薯沙律 & 雞肉果仁鮮橙沙律 !! 兩個沙律都好正 ~
二等兵好鍾意呢個碗裝沙律, 好靚 !!
主菜其中一份係肉丸蘑菇意大利麵 ~
啲肉丸係 “宜家 cafe” 食開嗰隻味 !! 正 ~ 同埋個蘑菇汁真係 creamy 到好得呀 !! 好濃烈既蘑菇味 !!
主菜其實仲可以揀 “all-day-breakfast”, 即係腸仔, 煙肉, 蛋, 焗豆, 烤茄, 多士 ~
貪得意叫嚟食吓, 都OK !! 塊烤茄好味 ~
其實食到呢度已經好滿意呢餐喇, 估唔到甜品時間有驚喜 !!
呢個係奶茶奶凍, 陣味直情係 “午後の紅茶” 嗰種味 ~ 掂 !!
輪到印仔篇時間 ~
唔知點解, 每次去日本都會好自然地在各景點、JR 駅及地鐵站找印仔, 或者呢個就係遊覽日本其中一個當地特色掛 ~
而點解今次要特別開一篇 BLOG 講印仔呢, 因為今次實在儲咗好多唔同地方既印仔呀 ~ 好開心呢 ~
呢幾個就係响新千歲機場玩既印仔遊戲, 多到呢 …… 印晒呢啲印仔真係要遊晒成個機場架 …..
其實唔需要蓋晒所有印仔 (total : 12 個), 只要蓋滿其中 8 個, 就可以攞到奬品一份架喇 ~
定山溪 + 豐平峽 ~
JR 小樽駅、 金融資料館 & JR 札幌駅 ~
- JR 小樽駅的印仔同幾年前已經唔同咗 ~
- 金融資料館嗰個可能無乜人入去, 所以個印仔好深色呢 ~
- JR 札幌駅係時計台吖, 好靚呢 !! 呢個印仔係特登問站內職員先找到 ga ~
北海道庁、時計台、 JR Tower T38 ~
大通公園、札幌電視塔 ~
原來大通公園都有印仔 ga, 响公園案內所裡面 ga ~
响札幌地下街有文化活動 ~ 呢啲印仔就係其中一個活動嚟 ~
JR 函館駅 ~
五稜郭塔 ~ 好靚呀 ~
函館山 ~
Lucky Pierrot、金森赤レンガ倉庫、 Loisir Hotel ~
估唔到食 burger 既 Lucky Pierrot 同我哋响函館住嗰個 Loisir Hotel 都有印仔呀 ~
青函トンネル見學記念館 + 龍飛岬 ~ 要參觀青函トンネル見學先有得蓋印 ga, 相信都無乜人會有呢個印仔喇 ~ 哈哈 ~
青函トンネル見學記念館 ~
札幌市各地鐵站既印仔 ~
Sapporo Dome ~
最後係 ドラえもん わくわくスカイパーク ~ 啲印仔好新好靚 ga ~
你哋又有無儲印仔既習慣呢 ~~ ??
