挪亞渡假酒店 豐盛閣 @ 馬灣

其實今日黎到馬灣, 並唔係為左郊遊咁簡單, 隊長呢個為食怪肯黎郊遊, 大前題梗係為左食啦 !!!

話說挪亞方舟渡假酒店呢期做緊親子 promotion, 31/8 前兩大人 + 一小童都係 $500 (未計加一), 咦 … 二等兵咁講會令大家誤會 tim … 其實我地都係得兩個大人, 但每位都係 $248 (未計加一), 我地見間間酒店食 dinner buffet 都起碼要三百幾, 見呢度都唔算貴, 於是就黎侵略喇 ~

準時 17:45 pm 到達, 我地無買票入挪亞方舟玩既就响職員通道等夠鐘先可以進場, 而有買票玩埋挪亞方舟既朋友, 一早已經入晒場喇 !!!

一位大人要 $248, 兩大加一小都係 $500, 即係 + $4 就可以帶埋小童黎囉 ~

隊長再次發揮隊長既本色, 一黎到就差遣二等兵出去影相先 ~

個場都幾大, 野食都幾多呀 !!!

話明係海鮮自助餐, 海鮮又點少得呢 !!!

呢個大排檔係白灼海鮮 ~
配料有 : 蝦, 蟹, 東風螺, 瀨尿蝦, 除此之外, 仲有各款蔬菜 ~

而湯底有清湯或冬蔭功湯揀 ~

大會另一主題 - 片皮鴨 ~
勁, 未試過食 buffet 有片皮鴨食 !!!

先睇下熱葷類先 ~ (以下相片於怱忙間影的, 部份相片可能會比較模糊, 請見諒 !!)

桂花炒瑤柱 ~

霸王雞 ~

甜豆鮮百合炒蝦仁 ~

迷你牛肉漢堡 ~

香草汁燒雞卷 ~

燒羊排配燒蒜香草汁 ~

吉列豬扒 ~

忌廉汁扒龍脷柳什菌 ~

好搶手既煙肉焗蠔, 之後變左做蒜蓉焗扇貝 ~

餐包 ~ 之後變左做蒜蓉多士 ~

海底椰川貝燉雞 ~ 好正 !!!

熱葷類通常都唔係二等兵杯茶, 嗱嗱臨交完差影左幾張相後, 二等兵就走去冷盤及甜品類巡場先 ~

各款沙律 ~

有幾款沙律醬揀 ~

各款凍火腿 ~

凍蝦, 青口及長腳蟹, d 長腳蟹又俾人掃得七七八八 lu ….

煙三文魚及煙鮫魚, 另一邊有三文魚刺身, 所以大家唔使咁心急 ~

壽司 & 刺身類 ~

一黎度睇完熱葷類後, d 三文魚已經俾人掃晒, 但好在後尾都有不停添加, 不過食到一半後, 已經無晒三文魚, 變左吞拿魚了 ~

冷麵 ~

泡菜 ~ 辣既 ….

黎到隊長同二等兵既至愛 — 甜品類喇 !!!

黑森林蛋糕 ~

雜錦蛋糕 ~

啫喱杯 ~

燉蛋 ~ 後尾我地到食甜品時間已經無見過喇 …. >_<

芒果啫喱 ~

生果及啫喱糖 ~

朱古力噴泉 ~

梳乎厘 及 pancake, 有專人服侍的 ~

下回 : 挪亞渡假酒店豐盛閣 之 實戰篇

Park Island - 馬灣公園 & 挪亞方舟 @ 馬灣

好耐都未黎過馬灣喇, 曾幾何時, 因為有家人住响呢度, 所以一星期會來 2 - 3 次, 自從屋企人搬返出市區後就無黎過 lu ~
好, 一於今日星期六帶鬆鬆出黎郊遊先, 事關鬆鬆未入過馬灣 ga ~
由碼頭果邊行過去, 一路都會見到青馬大橋 ~

沿住長廊行去馬灣公園方向先 ~

以前從來唔會理會既海豚, 而家無聊到要影相 ~

曾幾何時, 二等兵响呢堆花前都影過無數既沙龍照, 估唔到幾年後堆花仲响度 ~

東灣泳灘 & 挪亞方舟 ~

隊長無聊地幫白熊影大頭照, 遮住身後既二等兵 ~

好喇, 我地向馬灣公園進發 !!!
鬆鬆 : “好熱呀, 食住雪糕都咁熱架 !!”
白熊 : “大佬, 點解你有雪糕食, 我無架 ??”

我地黎到已經係 17:30 pm, 其實馬園公園已經關門了, 但門口位靚仔哥哥話都可以入內, 但 18:00 pm 要出返黎 ~
其實隊長同二等兵已經黎過馬灣公園喇, 呢個地方對我地黎講仲有特別意義 tim, 今次特登响關門後都要入園, 目的係為左幫鬆鬆影呢張相 ~

隊長又發揮佢認路既本領, 第一件事要睇地圖 ~~

其實當年我地都已經侵略晒馬灣公園喇, 所以今日黎到幫鬆鬆影兩張相就撤退 lu ~

門口個貝殼穿左個窿 …. 乜 d 人咁殘暴 ga …..

行前少少, 見到挪亞方舟 ~

由於隊長同二等兵都認為, 俾成舊水入去係睇 d 假既動物勁唔值得, 所以我地都係到此一遊, 响門口影張相就撤退喇 !!!

同一張地圖, 隊長都要睇兩次 ga ~

同隊長行沙灘浪漫下先 ~

白熊有個桶仔可以玩下沙 ~

好喇, 我地終於要搵我地今晚既 target !!!

話說今晚我地 book 左挪亞渡假酒店既豐盛閣食 buffet, 但因為睇地圖, 間酒店係响園內, 於是隊長又差遣二等兵問下門口位 “實 Q”, 原來係要行黎沙灘呢個 “職員通道” 既入口, 等到 17:45 pm, “實 Q” 就會開閘俾食 buffet 既人仕入場喇 ~
每晚都係 17:45 pm 準時開閘 ~

下回 :  挪亞渡假酒店 豐盛閣