Keroro and Tamama

2011年3月17日星期四

華星冰室 @ 灣仔

二等兵同隊長行去灣仔 298 段路成日都經過華星冰室過門而不入, 今晚終於提議食華星喇 ~

隊長每次一坐低就會講返相同既說話 : “兩份常餐, 多士, 炒蛋, 要意粉, 一份要牛肉, 一份要叉燒, 加多件奶油豬, 飲品轉頭先叫, 唔該 !!” 哈哈 ~

每次嚟食都係為咗份炒滑蛋 ~

熱朱古力 & 熱杏霜 ~

連二等兵 KO 完都好似無乜野到肚咁既, 今晚真係要隊長捱餓喇 ….

鬆鬆, 出去埋單啦 !!

咁就 $70 喇, 完全唔夠飽 tim …

2011年3月13日星期日

泉章居 @ 銅鑼灣 + 芒果脆脆 @ 美心餅店

今晚隊長既大廚生日, 當然罷煮啦, 於是嚟到隊長大廚好鍾意既泉章居, 因為好想食佢啲 “G” 呀 !!

通常我哋 3 個人都會叫一個 4 人餐 ($298) ~ 因為隊長一個打兩個吖嘛, 哈哈 ~

呢隻就係泉章居名物 - 霸王雞 (半隻), 半隻都好大隻呀 ~

粟米魚肚羹 ~

花膠北菇海參煲 ~

支竹蘿蔔班頭腩煲 ~

散叫既燻蹄 ($28) ~

呢個美心芒果脆脆係一份驚喜嚟 ga, 生日梗係要有生日蛋糕啦, haha ~

————————————————————————————————————-

16/3/2011

其實好耐都無買過美心蛋糕喇, 3 日前先同 auntie 食完芒果脆脆, 今晚屋企人突然買咗同一款蛋糕返屋企 !!

正所謂, 一係就成年都無食過, 一係就 3 日食兩個 ….

其實兩個 cake 既芒果都唔係全部甜架, 淺黃色果啲未熟, 酸酸哋, 但深色果啲就好甜, 不過整體上都幾好味, 啲脆脆唔錯吖 ~

自家製烏冬 @ Bowie's Kitchen

每次睇完 Tiffany 個 blog 都好有衝動想整野食, 佢啲相片真係忍死人呀 !! 前排見到佢整手打烏冬, 二等兵又心思思想試下, 橫掂屋企長期都有麵粉响度, 一於今個下午整嚟食下先 !!

Tiffany, 借你個食譜一用呀 ~

100 g 低筋麵粉, 加 50 ml 水, 一茶匙鹽 ~

因為屋企有 4 個人, 所以整咗 400 g 粉呀, 每個粉團 100 g lor ~

用保鮮紙包住, 靜待 45 分鐘 ~

然後將麵團碌平, 用手摺兩摺向下壓, 重覆十次 ~

原來整 4 個粉團, 隻手係會搓到酸軟架 …

完成後將麵團碌平, 用刀切成麵條 ~

有得食 !!

P.S. 今次屋企人話硬咗少少, 建議下次試下 90 ml 粉 + 50 ml 水

P.S.2 多謝你呀 Tiffany, 平時整得多甜品喇, 但就無諗過自己可以整到烏冬, 唔係睇咗你個 blog 都唔會整呀 !!

2011年3月12日星期六

懷舊扒房之莉萊廳餐 @ 長沙灣

好似好耐無去過鋸扒, 今日趁 happy weekend, 嚟到懷舊扒房 sweet 吓先 ~

包場 =.=

應該話係 18:30 pm 前嚟到先包場, 之後已經 full 晒 lu ~

餐湯例牌一紅一白, 白湯一般, 反而紅湯好味啲 ~

隊長至 like 呢度既餐包 - 牛角包 !! 二等兵就怕肥, 只敢食半個 ~

隊長點了晚餐 ($72), 頭盤係煙腿沙律 ~

通常沙律呢家野隊長一定自動自覺俾二等兵食大份, 哈哈 ~

呢客就係晚餐既主菜 - 羊扒拼豬仔鎚 (燒汁) 配飯 ~

啲羊扒好正呀, 我哋兩個都好鍾意食羊扒 ~

飯係分開上架, 呢碟飯咁大碟, 啱晒大食又係飯筒既隊長呀 !!

二等兵本來想食燒春雞架, 但原來今日暫停供應, 於是叫咗呢個日式香煎銀鱈魚 ($85) ~

面嗰層係忌廉汁, 再加啲焗香咗既蒜蓉, 仲有薯蓉舖底, 啲薯蓉真係好正呀, 但就好飽囉 ~ 不過啲銀鱈魚中間部份都有少少魚骨架, 所以大家食既時候要小心啲 ~

餐飲揀咗凍奶茶 (+$2) 同橙汁 ~

响懷舊扒房食完主菜, 當然仲有甜品啦 !!

除咗芒果布甸外, 我哋多數都會揀啫喱加花奶 & 雪糕 ~ 好鍾意佢呢啲銀色既雪糕杯呀 !!

Total : $159

P.S. 呢間扒房味道係偏咸, 唔鍾意食咸既團友要留意喇 !!

2011年3月10日星期四

响灣仔開飯又唔想嘥錢, 想近近哋又唔想食咁耐, 隊長同二等兵有幾個選擇 ~

之前我哋鍾意去 “滿點冰室”, 之後我哋有時又會去下 “薔紅”, 但呢期我哋又轉咗口味, 鍾意去 “298 茶餐廳” ~

首先講下 “薔紅” 啦 ~

由有情調既西餐廳轉型為茶餐廳, 款色都幾多架, 實有一款啱口味 ~

除咗鐵板餐外, 仲有中式小炒等等, 今晚我哋擇咗小菜套餐 ~

鬆鬆 : ” 乜有成 11款咁多, 我又有選擇困難症喇 !!”

哈哈, 最尾揀咗呢兩款 :

啫啫什菜煲 ($43) ~

同埋台式三杯雞 ($45) ~

小菜套餐跟白飯同埋飲品 ga, 凍飲 + $2 ~

簡簡單單既一餐, 啲野食都幾好味呀 !!

Total : $90

—————————————————————————————————-

28/4/2011

响 “薔紅” 食到厭厭哋, 我哋又黎到 “298 茶餐廳” 開餐 ~

啲餐都幾抵呀, 各款晚飯小菜 $38, 如轉餐 (跟餐湯, 白飯及飲品) $44 ~ 轉餐都係 +$6, 所以我哋次次都係叫餐呀 ~

又睇下我哋食乜先 ~

餐湯例牌一紅一中湯 ~

P.S. 佢啲中湯好有媽媽 feel ga ~

呢個係二等兵至愛既西檸雞呀, 其實佢可以有不同配搭架, 例如西檸, 香橙, 泰皇配豬扒, 肉排, 雞塊, 想要咩口味任君選擇 ~

不過次次二等兵唔係揀西檸雞, 就係香橙肉排, 又或者香橙雞, 西檸肉排 … 係咪有啲混亂呢, 哈哈哈 ~

個西檸雞真係好正呀 !!

呢個係西蘭花炒鮮魷蝦球, 又係炒得好味呀 ~

餐飲凍奶茶 (+$2) 同熱利賓納 ~

Total : $90

又係簡簡單單得嚟係好滿足 ~

上次去薔紅同 298 茶餐廳 :
薔紅 : http://hk.myblog.yahoo.com/keroroxtamama/article?mid=11855
298 茶餐廳 : http://hk.myblog.yahoo.com/keroroxtamama/article?mid=15683

2011年3月5日星期六

第一次全體 bloggers 飯聚 @ 新樂酒店

原諒我哋康樂部而家先出呢個 post ~

自從上次二等兵, Joey 同 Tiffany 阿茂整餅之後, 大家都心思思想來一個全體 bloggers 飯聚 ~

今日終於約齊人喇 !!

唔好以為全體 bloggers 好似好多人咁, 其實係我哋三個加埋各自既另一半, 哈哈 ~

即係二等兵 & 隊長, Joey & 何生, Tiffany & 基少 6 個人 ~

今晚由於大家都掛住傾偈, 所以無乜影相 ~

沙律 ~

牛角包 / 多士 / 麵包都要自己放入焗爐 ga ~

呢個係大家一齊食既牛角包呀, 因為我哋幾個都好鍾意食牛角包, 之後大家邊個整開就幫大家整埋, 好開心呀 ~

講起主菜就攪笑喇, 我哋有幾個人都睇中咗個 “廚師推介”, 點知我哋掛住傾偈傾到忘晒形, 到 order 既時候, “廚師推介” 已經一早售罄喇, 於是我哋又有選擇困難症, 諗咗好耐先揀咗另一款, 哈哈, 下次記住想食 “廚師推介” 既話, 記住叫佢留定先呀 !!

隊長揀咗肉眼扒, OK la, 係有少少偏咸, 但 (咸虫) 隊長就話好好味 ~

二等兵揀咗龍脷魚塊, OK la ~

非常好味既熱香餅, 呢客係二等兵整俾隊長既 ~

二等兵就鍾意加雪糕, 正呀 !!

今晚大家都傾得好開心, 直情傾到佢著晒啲燈我哋先走呀 !! 無錯, 係著晒燈, 示意就打烊喇, 哈哈 ~

各位團友, 我哋康樂部會盡快籌備下一次 bloggers 聚會喇 !!

隱世小店 - 風林特色燒烤專門店 @ 太子

今日有突發事件要同隊長出旺角, 所以無帶鬆鬆出街呀 …

辦完正經事後, 我哋行到嚟太子呢間隱世小店 Happy Friday 同 happy dinner 先 ~

今晚我哋叫咗二人 set dinner ($178), 其實兩個正常人都好夠分量 ~ (不過撞啱大食既隊長就 …. 嘿嘿嘿嘿 …..)

前菜 : 廚師精選沙律

想講下個汁, 真係好好味呀, 有少少似千島醬但又唔完全係, 好好味 ~

仲有啲菜係二等兵至愛既沙律菜, 又有啲煙鴨胸, 正 ~

前菜 : 咖喱芝士焗青口 (或蒜香燒廣島蠔), 因為我哋兩個都唔食得蠔, 所以揀咗青口 ~

餐湯 : 相信只係得紅湯, 因為佢無問我哋揀紅定白 ~

餐包 : 一樣咁普通既野都做得好好味, 充滿蒜蓉同牛油味, 正 ~

主菜 : 有兩款選擇, 我哋揀咗燒紐西蘭肉眼扒 (另一款是意大利芝士焗雞扒) ~

肉質唔錯吖, 仲有特別想提啲薯條, 加咗香草响面, 似麥記既 shake shake 薯條, 好好味 ~

Paste : 有兩款選擇, 我哋揀咗吞拿魚西蘭花焗天使麵 ~ (另一款是西班牙海鮮燴飯) ~ 都係好好味呀 ~

其實撈勻已經發現唔夠汁, 於是我哋同師傅講可唔可以俾多少少汁, 佢竟然要特登煮俾我哋都無托手踭, 太好喇 ~
建議鍾意多汁既團友, 下次落單嗰陣叫師傅整多少少汁, 會好食啲 !!

飲品 : 無特別, 都係熱檸茶同凍奶茶 (凍飲 + $3)

仲有甜品 ga, 有兩款, 我哋又係每款一客 ~

士多啤梨奶凍, good ar ~

朱古力 brownie, 呢個夠朱古力味, 但就有啲乾, 要扣分 ~

Total : $181 (免加一)

—————————————————————————————————————

12/3/2011

見上星期既晚餐真係幾好味, 我哋今日 lunch time 又嚟開餐 ~

但今日感覺有啲唔開心, 因為電視播返日本海嘯既畫面, 成餐飯都係海嘯汁送飯 …日本 …….. 嗚 ………….

今次我哋都係揀 set lunch 呀 ~

餐湯係 - 洋葱湯 ~