小菜王 @ 深水埗

今日無世藝, 好耐都未試過星期六可以咁 hea 喇, 於是 hea 住黎到深水埗食大排檔 ~

上次試咗深水埗既增煇, 今次試吓佢隔離既小菜王先 ~

去大排檔梗係要隊下啤啦 !!

唔該一支喜力 ($22) 同一罐王老吉 ($10) 吖 !!

咦咦 ~~ 有新朋友 ??

容許我响度自我介紹先 ~

大家好, 我係豉油煎蛋鬆 ~

嗱, 我碗煎蛋飯旁邊有支豉油架 !! 今次我有私伙筷子架, 唔使成日都揸住隻叉 !!

食飯當然要有張枱啦, 張枱有 4 隻枱腳架 !!

成家人影張 demo 相先 ~~ 哈哈 !!

唔知呢隻豉油煎蛋鬆係咪食得煎蛋飯多呢 ?? 呢隻好似咁肥咁既 …….

白熊同啡熊一齊開飯 !!

唔好意思, 終於入正題喇, 睇下我哋食咗啲乜, 哈哈 ~

隊長最鍾意飲湯, 於是叫咗個粟米魚肚羹 (細) ($48) ~

略嫌個羹杰得滯 ~

西蘭花炒珊瑚蚌 ($68) ~

整體上啖口啲, 但都好, 食得健康啲囉 ~ 二等兵好鍾意食啲珊瑚蚌 ~

砵酒牛仔骨 ($65) ~

好大份量呀, 幾足料 !! 不過原來砵酒味麻麻哋 ~

隊長上次已經好想 KO 碟炒飯, 但無叫到, 今次佢話一定要叫呀 !!

揚州炒飯 ($45) ~

啲飯唔係用冷飯炒, 所以好濕呀 …… no good lor …… 但味道就唔錯 ~

鬆鬆 : “白熊, 好似我哋個煎蛋飯加豉油仲好味啲呀 !!”

雖然個炒飯一般, 但隊長依然 KO 無難度 !!

Total : $258 (點計都係 $258 唔係 $256) … (實收 $256)

小菜王份量好大堆頭, 好似啱一大夥人多啲, 加上味道好似唔及增煇咁惹味, 下次要再發掘吓多啲地方先得 !!

Pizza Hut @ 灣仔

隊長唔知做咩話好想食 pizza 喎 !! 於是今日又黎到 pizza hut 開餐 ~

都仍然係叫咗個 Pop Pop 批餐 !!

飲品兩杯 ~

隊長叫咗忌廉汽水, 可以無限添飲架 !!

二等兵叫咗杯凍檸水 ~

餐湯一紅一白 ~

紅湯係意大利菜湯, 白湯係蘑菇忌廉雞湯 ~

兩碗都好夠熱 !!

仍然係好正既焗粟米肉醬薯蓉 ~

鬆鬆 : “好香呀 ..”

又係同粟米肉醬薯蓉好似既千層肉醬闊麵, 因為闊麵旁邊好多薯蓉呀 ….

主角出場喇 ~ 今次叫咗呢個 - 辣肉腸 Pop Pop 批 !!

好味啊 ~

仲有甜品 ga, 就係呢客朱古力雪糕配朱古力汁 ~

埋單 : $272.8

結論都係呢句 : Pizza Hut 既食物有質素既保證 !!

P.S. 今次去灣仔呢間分店, 啲 sales 服務真係超好 !!

男女煮角 @ 鰂魚涌

又到附近搵食既日子, 今晚中選既佳麗係 “男女煮角” ~

話說隊長係一個海南 “G” 飯迷, 佢一見到海南雞飯就心思思想試吓, 前排經過呢度, 又俾佢啲海南雞飯廣告吸引住, 於是今日就話黎試吓 ~

响門口望望餐牌, 唔係好對路 … 唔係環境, 唔係人既問題, 而係價錢問題 ~ 事關一個小菜都要成 $60 - $80, 仲要係唔包飯, 轉套餐要加 $15 …… 咁如果食小菜咪每人成舊水落樓囉 ?? 其他套餐都唔平吖, 以茶記黎講, 呢個係翠華既價錢 lu …

不過隊長仍然想試, 就豪一次囉 ~

啲小菜咁貴, 反而叫海南雞飯套餐唔貴喎 !!

海南雞飯套餐 ($55), 包括 : 秘製去骨海南雞、雞湯香茅椰飯、老火湯、涼菜、薑蓉及醬汁 ~

啲雞真係幾好味 ~ 同埋啲飯有椰香, 幾好味 !!

海南雞飯必備既醬汁同薑蓉 !!

二等兵叫咗個 BB 豬軟骨飯套餐 (包白飯一碟 $52, 包飯及娃娃菜一碟 $68, 飲品另 + $3)

啲豬軟骨幾好味 ~

Total : $55 + $52 + $3 = $110

味道唔錯, 但覺得茶記要呢個價錢都幾貴吓, 就算會再侵略都好耐先黎一次 !!

大食代 Food Republic @ 太古城

都唔知食乜好, 於是求其在 Food court 醫肚算啦 ~

兜咗個圈, 間間都好似幾吸引咁, 結果揀咗一間食中式的 (千味家 Hong Kong Cuisine), 一間食台式的 (台灣美食 Taiwan Cuisine) ~

呢份 “鹵水拼盤肉燥飯 set” ($42), 鹵水拼盤有鹵蛋, 雞翼, 豆腐, 台式鹵肉, 豬軟骨 & 鹵牛展 ~

台式鹵水拼盤, 味道偏咸 ~

茄子肉燥飯 ~

迷李蚵仔煎 ~

最鍾意蝦人既蝦人隊長叫咗呢個小炒 set “滑蛋蝦仁” ($36) ~

唔算滑蛋, 蝦亦無乜味 ~

Total : $78

簡簡單單的一餐, 無要求 !!

生原創 (蛋包飯) Omerice @ 天后

今日隊長帶隊食好野 !!

我哋嚟到天后清風街食蛋包飯 ~

放工就過嚟啦, 時間仲早所以唔係好多人 ~

一坐低, 見到飲品區放滿日本清酒, 成間餐廳亦都佈置得好日式。

隊長叫咗呢個 “海鮮蛋包飯 (海鮮汁) 配咖喱汁 ($65) ~

(醬汁可揀 : 茄汁 / 咖喱汁 / 白汁)

啲咖喱好正 !!

飯是用珍珠米煮的, 而頭先指的海鮮汁係指 d 飯用海鮮汁炒過 ~

二等兵就揀咗呢個炸魚柳蛋包飯配白汁 ($55)

啲白汁真係好正, 好 creamy !!

魚柳都好好味 !!

本來想吃小食的, 但隊長話想吃糖水, 所以無叫到 ~

Total : $120 (免加一)

好滿足的一餐 !!

增煇藝廚 @ 深水埗

隊長心思思又想去大排擋擦餐飽 !!

於是今日黎到深水埗開餐 !!

我哋揀咗 “增煇藝廚”, 其實隔離小菜王都好出名架, 不過隊長話今次試咗增煇先, 下次先試小菜王啦 ~!!

呢張相影得幾鬼秘 !!

就响門口有位靚仔炒緊餸, 見佢大汗溚細汗咁, 呢位靚仔掂呀 !!

見佢好多小菜都係响度炒出黎 !!

隊長又要隊啤 - 朝日啤酒 ($22) ~

二等兵照舊飲芬達 ($8) ~

睇吓我哋叫咗啲乜先 ~

又係隊長至愛既胡椒豬肚浸花蛤湯 ($98) ~

桶上, 好足料 !!

增煇名物 - 雙辣雞腳筋 ($68) !!

由於二等兵唔食得辣, 所以叫咗淨芥辣 !! 好味, 如果係 wasabi 既話就更好 !!

日式冰鎮鮑片 ($48), 超好味 !!

花枝釀皮蛋 ($48) ~

啲皮蛋好正, 無石灰味 !!

Total : $292 (免加一)

又係一間會再侵略既食店 !!