栢檔 + 土豆町@佐敦

今日同隊長黎到佐敦開餐, 呢間餐廳係好隨意揀既, 因為隊長俾佢個海南雞飯吸左入去 ~~

隊長睇睇餐牌…..睇咩餐牌丫…….隊長個心都唔會叫第二樣架啦………….

隊長梗係叫佢至愛 ~~ 海南雞飯啦 !!!

海南雞飯淨叫 $28, 海南雞飯 (大) 就 $38, “大” 即是有湯同埋店員強調會多幾件雞 ~~

隊長咁大食, 梗係食 (大) 啦 !!!

湯就唔錯, 冇味精, 但雞就……………………

醬料 ~~

d 雞好似紙咁薄, 呢個餐係話多 d 雞既, 但雖然件數係正常, 但係每件雞都好 “薄” 囉…….

呢個係無錫豬軟骨飯 $36, 味道 OK, 但 d 豬軟骨好多肥膏, 實制可以食既肉唔多, 同埋 d 軟骨係咬唔爛既……….@@

Total : $74

————————————————————————————————

食完飯, 我地走去對面既土豆町買野飲~

二等兵揀左草莓紅茶 $12, 幾好飲丫, 但隊長話 d 味唔夾 ~ 咁就俾二等兵飲左大半…..但係夜晚唔飲得茶既二等兵, 飲完之後果晚真係訓唔著 ><”