堂記腸粉@佐敦

頭先果個海南雞飯其實只令隊長填飽半個肚, 事關真係冇乜餸, 本來隊長想話去澳洲牛奶公司食多個茶餐, 但講講下突然行左去食腸粉….. -_-“

上次星期三黎到摸門釘, 原來星期三跑馬日係唔開的 !!! 今次唔會摸門釘啦掛 ?!

好彩唔係搭正人地 d 宵夜時間, 我地黎到都唔算多人~~

牆壁上都貼滿蔡瀾同阿蘇既相,仲有佢地既 “重點推介”~

睇下食乜先~~

隊長揸 fit, 叫左呢度既重點推介, 就係……….

叉燒鮮蝦腸 ($14) ~ 幾新穎既配搭, 唔知係咪二等兵見識少呢 ?? 出面都未食過叉燒鮮蝦….. 個蝦幾得 !! 好爽口同新鮮, 又有蝦味 ~ 但美中不足係 3 條腸粉 total 得 3 隻蝦………….. ><

下次要叫淨蝦腸先得 ($14), 蝦腸唔會得 3 隻蝦啦掛 ?!

牛肉燒鴨腸 ($18) ~ 呢度既推介, 但二等兵覺得一般咋喎 !!!

因為隊長熱氣, 叫碗皮蛋瘦肉粥下火先 ~~ ($17)

其實 d 食物都幾味精 ….

Total : $49

題外話, 响隊長一路食緊腸粉又食緊粥既時候, 二等兵望住隊長, 靜雞雞諗 : “點解食左一碟海南雞飯 + 半碟無錫骨飯既隊長, 仲可以食多兩碟腸粉同一碗皮蛋瘦肉粥架呢 ??? @@”
真係一個謎 ………….. 要揾 Adam Cheng, 謎女郎同謎女皇解釋吓先 !!!