話說今日兩位大廚去了旅行, 所以作為屋企既大薯仔今日趁大廚唔响度, 攪亂下個廚房先!!
大小薯仔响齊度, 今晚黎個薯仔餐先~~
攪攪震之 1) 薯餅
好簡單, 薯仔切片, 放落水煮 3分鐘, 另外爆香煙肉, 洋蔥同蔥花。 打 3 隻蛋備用。
將薯仔舖响平底鑊上, 面放上煙肉, 洋蔥 & 蔥花, 倒入打勻既雞蛋, 用慢火煎。
煎到咁上下, 放入焗爐焗 10分鐘, 攪掂!! 冇焗爐既話可以繼續用平底鑊煎到金黃色為止~
攪攪震之 2) 洋蔥肉醬焗薯
將焗薯洗乾淨, 包錫紙, 放入焗爐焗 35 mins。
取出, 在中間界開, 加入肉醬, 洋蔥同煙肉, 再放入焗爐焗 10mins, 食得 !!
本來想再焗薯條同焗薯蓉架!!! 但係新人 K 驚自己同我一樣, 變埋一個薯仔, 所以開始反對….. 唔整得薯條同薯蓉, 唯有整螺絲粉啦…..@@
攪攪震之 3) 肉醬洋蔥煙用燴螺絲粉
响超市買樽百得阿姨既肉醬, 加入西芹, 洋蔥, 煙肉, 芝士腸炒埋一碟, 又食得 !!!
唔係自己讚自己, 真係好食過 apple green 果個無料既拿破崙意粉, kakaka~
食完之後屋企又多左兩個大薯仔…..
沒有留言:
張貼留言