Day 1 Part 2 - 札幌 (三井ガーデンホテル札幌 check-in, Shopping, リラックマストア 札幌店)

今日行程 :  香港 (早餐 - 百樂潮州酒家) —> 新千歳空港 —> 札幌 (三井ガーデンホテル札幌 check-in, Shopping, リラックマストア 札幌店) —> 札幌 (Dinner - 回転寿司 根室 花まる) —> Hotel 休息

由於二等兵上次來札幌住京王酒店 (Keio Plaza Hotel Sapporo), 而 三井ガーデンホテル札幌 (Mitsui Garden Hotel Sapporo) 就响佢前一個街口, 所以一出 JR 札幌駅, 隊長同二等兵對行去酒店條路都唔使搵就去到 ~

响上野住過 三井ガーデンホテル上野 後, 隊長對三井啲酒店好似情有獨鍾 ~ 於是今次隊長响札幌都話要住返三井, 而今次係 book 機票時訂埋的 4D3N package ~

好鍾意門口呢個透明牌 ~



4 年前嚟北海道都仲未有呢間酒店 ga, 果陣呢個位置係 華盛頓酒店 (Washington Hotel), 不過而家華盛頓酒店搬咗過斜對面, 同讀売新聞 share 同一座大廈, 仲改埋名 tim, 叫 ホテルグレイスリー札幌 (Hotel Gracery Sapporo) ……..

check-in 完立即上房, 話時話 d staff 既英文唔錯喎, 比起上次來北海道既水平真係好咗好多 !! 今次仲無乜點見過 “交叉死光” 添 !!

上房要嘟咭先 “扌禁” 到自己既樓層 ga ~ 而家好多日本酒店都係咁 ga ~



話時話, 唔記得話俾大家聽, 呢間酒店有 公共大浴場 ga, 我哋响 Day 3 晚都浸過一次 ~

一入去有條長走廊 ~ 



間房既 design 都幾有時代感吖, 啲野都幾新, 面積都唔算細呀 (semi-double room) !!

有冷氣供應ga, 啲冷氣仲幾強勁 tim, 而大家見到呢個窗係可以開架, 我哋試過一晚無開冷氣, 就咁開窗瞓 ~
   

枱面都夠大, 放到好多野 ~ 電視好正, 好高清 … XDDDD

廁所 ~



基本用品都有齊 ~

花王系列既淋浴露、洗頭水 & 護髮素 ~

放濕機 ~



評語 : 第一晚我哋一瞓覺就聞到煙味 ,  但我哋係要求 non-smoking room 架嘛, 於是第二朝就問職員係咪俾錯咗 smoking room 我哋, 原來我哋呢層真係吸煙房, 但由於 booking 實在太 full, 佢哋都無辦法轉房俾我哋, 於是派人來加強清潔, 又幫我哋開窗散下啲煙味, 結果其餘幾晚真係聞唔到煙味喇 ~

亦由於呢部放濕機有強烈既煙味 , 所以我哋掂都無掂到 XDDDDD ~

响酒店 settle down 之後, 我哋就開始出動喇 ~

由 JR 札幌駅一路掃落去 !!

JR 札幌駅附近既 大丸 (札幌店) ~

其實而家先係夜晚 18:00 pm 之嘛, 唔知點解個感覺好似好夜咁, 因為條街無乜人, 同埋個天已經黑咗好耐喇 … 佢哋 16:30 pm 就開始天黑架喇…..

一路行去 さっぽろテレビ塔 (電視塔) 附近 ~ 

其實由香港出發到札幌, 二等兵一直著住一件薄褸, 件羽絨就响嗰喼度, 因為見到出面好似唔係太凍咁, 大約 15 - 16’C, 著羽絨又暖得滯, 但件薄褸呢又唔夠暖喎 !!

於是團友二等兵就提議隊長更改行程, 加插 Day 4 Shopping 既活動上黎 Day 1 先, 呵呵呵 !!

就係去 g.u. (札幌 PIVOT 店, 6/F) 度 ……… 買．衫 !!



用咗唔夠半個鐘時間, 二等兵已經買到一件保暖得黎又唔會太熱既冷衫 .. XDDDD

仲要即買即著 tim, 呵呵 !!

之後, 又行返去大丸 B1/F 既 supermarket 先, 吼下有無割引貨品呀 !!

馬路中間有個鎮守北海道既石碑 ~

其實呢啲天氣最舒服, 行吓行吓行到個身暖晒都唔會凍 ~

ESTA ~

JR 札幌駅 & STELLAR PLACE ~ 放工時間都無乜人呀………. 唔知啲人係未放工定係閃晒去 Happy Hour 呢 ??



影黎影去都係呢個景, 隊長都唔厭既 …….

JR タワー (JR Tower) ~



其實响札幌駅地底下有四通八達既地下街, 真係覺得佢哋好勁呀, 直情好似做多一個地下城市出黎咁 !!

呢個係其中一個地下街既出入口, 响呢幾條街, 梗有一個出口入响左近 ga …….

APIA ~



入去大丸行下先 ~



我哋今晚既 target 係買 cake !!

响 B1/F 嗰層有好多間 cake shop ga, 啲 cake 真係靚到呢 ~

就快 Halloween 喇, 見到好多 Halloween 造型既甜品 ~

啲甜品真係做得超靚呀, 二等兵一見到就發晒狂喇 !!

樣樣都想試 …… 究竟買邊款好呢 ??

cookies ~

靚到呢, 都唔知點形容 …… 仲要唔係一兩間靚, 係間間啲 cake 都好吸引 …..

呢個時候二等兵開始失控同隊長講 : “隊長, 如果二等兵可以嚟學師就好喇 !!”

10 月限定 ~

加咗粒士多啤梨响面度個樣好可愛 ~

呢款好得呀, 仲有 spec 講解 ga !!

一件咁普通既布甸都可以整到出神入化, 所以每次嚟日本都一定要行 cake shop, 簡直係視覺上既享受 ~

好得意呀 !!

隊長睇中咗呢間 - LeTAO (大丸札幌店) ~

呢個 cake 好似一個白色盒咁, 唔知點解二等兵一見到就諗起天使蛋糕 ??

Fruit Tart 上面有泡芙 ?? 好攪笑呀 !!

行完 cake shop 睇吓啲熟食先 ~

広東廚房 ~

結果我哋買咗件割引中既炸牛肉球, 同埋兩件 cake 返酒店 ~ 呢間酒店真係好, 夠晒近 JR 駅, shopping 完放低啲野返酒店又可以再出動過 !!

返到酒店, 就食咗件炸牛肉球醫吓肚先, 件 cake 就留返今晚宵夜食 ~ 

嗱嗱臨又再出動喇 !!

我哋嚟到 PASEO (East B1/F) 既 リラックマストア (札幌店)



嘻嘻, 响東京 (東京駅一番街 & 吉祥寺) 同大阪 (阪急梅田三番街) 都去過, 無理由唔去埋札幌呢間架嘛 !!



今期 sell 緊朱古力系列 ~

其實間間鬆鬆基地都一鬼樣 ga la ~

個樣好鬼衰, 仲要食到成面都係 …….. >.<”

門口必有既鬆鬆同雞仔 ~

好可愛 ~



wow … 一直想買一對鬆鬆杯, 响香港買咗對月份鬆鬆杯喇, 而家先見到有咁多款 ……..

呢 set 鬆鬆响香港炒到好貴呀, 呢度咪又賣緊正價 ~ 

好無聊既樽裝水 ~

超可愛既 poster , 真係好想買呀, 好在忍到手 !!

Total 5 款 ~

呢個樣真係好可愛 ~

鬆鬆教整餅, 你哋信唔信得佢過呀 ??
  

北海道限定 tote bag ~



Mini toys ~

BB 玩具系列, 買咗其中一個俾阿B ~

鬆鬆 movie ~

好懶 ……. 後面係萬聖節系列既宣傳 ~



襪都咁多款 ~

恭賀札幌店開幕畫像 ~

wow 電單車頭盔都有 ?? 好驚呀……..

好喇, 揀好手信係時候放低啲銀兩 ………

行完鬆鬆基地, 我哋係時候去食晚飯喇 !!