Day 7 Part 3 - 青函トンネル記念館見学 (Part B)

今日行程 : 湯の川温泉 (早餐 - 湯の川プリンスホテル渚亭) —>  青函トンネル記念館見学 —> 函館 (Dinner - 新函館らーめん 龍鳳) —> 札幌 (夜行巴士)


經過一個鐘頭多少少既時間, 我哋已經到達竜飛海底駅喇 !!    無買見學團票係唔可以响呢個站落車 ga ~

我哋咁啱遇到一間公司派來大約十幾個技術人員到來上 青函トンネル記念館見学 ~ 佢哋個個都著住工作服架 ~ 而另外除咗我同隊長之外, 仲有兩個男仔都係一齊參觀既 ~

好攪笑呀, 呢度係海底嚟 ga …… .所以車站既設計都以簡單為主 ~

個感覺都幾詭秘架 !!  

由於呢度係海底, 所以頂部都好锈跡 ~

連個站牌都生晒锈呀 ……..

好攪笑呀, 竟然有啲畫 ~

呢度係海底下 140 m ~ 勁呀 …….

記住要跟大隊行呀 …… 其實我哋兩個 “外國人” 响度, 顯得有啲 “騎呢” 架, 無啦啦有兩條 “茂李” 參加呢啲見學團 !!

唔知點解諗起打 “Bio-Hazard” (生化危機) 入面既情境 ……….  

唔講咁多喇 ~ 去相 ……

真係生晒锈架 ……. 仲有啲鹽 tim ~

係咪好詭秘呢 ~   

呢幅牆有特別講解 ga, 可惜我哋聽唔明 ~  

泵房 ~  

跟住我哋最尾有位 “實 Q” 哥哥架 ~ 佢次次都係等我同隊長 ……. 因為我哋次次都掛住影相, 行包尾 !!  

介紹竜飛海底世界 ~

睇幅圖都知呢個係幾偉大既工程 !!

有廁所 ga ~ 响海底放低啲野先, 哈哈 ~   

呢個就係上面幅相做咗出嚟既模型 ~

  竜宮水族館 !! 龍宮 ?! hehe ~

青森 (左面) - 北海道 (右面) 之地圖 ~

興建前後的介紹 ~

現在地是在海底之下134 m !!  

好攪笑呀, 有個電話亭架 ….  係以前方便職員同地面聯繫, 不過而家唔用得架喇 ~

入呢度門先詭秘呀, 因為實 Q 哥哥等我哋入晒去之後就立即 lock 咗度門 !!  一 lock 到門咔一聲, 真係好似打緊 Bio Hazard 咁 !!