Day 9 Part 1 - 北海道大學 (Part A)

今日行程 : 北海道大學 —> 新千歲空港 —> 新千歲空港 (Lunch - 旭川ラーメン梅光軒) —> 新千歲空港 (ドラえもん わくわくスカイパーク) —> 新千歲空港 Shopping —> 香港

今日終於 Last Day 喇, 嗱嗱臨作最後衝刺先 !!  

一早起身, 食返早兩日買既蜆肉湯做早餐 ~

你睇, 一杯蜆肉湯製作得幾認真, 啲蜆肉獨立真空包裝 ga ~  

二等兵成日覺得呢啲係 “味精水” ~  哈哈 ~

噚晚响 Lawson 買既鬆鬆飲品 ~

so cute ~

今朝我哋打算去 北海道大學 賞楓呀, 但可惜又係下雨天 …..

而家見到下雨, 但到下午去到機場既時候不知幾好天, 又曬又藍天 ……..

我哋由酒店行去北海道大學 ~ 沿路都見到有啲紅葉 ga ~

行咗只係十幾分鐘既路程, 我哋已經到咗北海道大學南門 (MAP) ~

呢邊真係見到藍天白雲呢 ~

呢啲唔知係咪校巴呢 ???

同香港既大學一樣, 校園內有唔同學院 ~

唔知點解見到啲樹木就覺得好有校園氣息 ~

我哋而家就去搵傳聞中好多紅葉嗰條路 (イチョウ並木) 呀 ……..

校園內好多學生都係騎單車 ga ~

又見到呢啲好得意既圍欄 ~

北海道大學真係大到呢 ………

間唔中就見到呢啲好黃既樹葉 ~

見到紅葉、黃葉、橙葉, 忍唔住影咗好多張相呀 !!

近鏡 …… hehe ~

行行吓見到有個湖 (大野池), 二等兵又話要入去呀 ….. 



環境好寧靜呀 ~

見到啲鴨鴨响度游水, 覺得佢哋好寫意吖 ~

佢哋見有人行過, 以為我哋有嘢俾佢食, 佢哋就游晒過嚟 ~

呢隻仲走上嚟搵食 tim ~

之後當佢哋發現我哋無嘢俾佢食之後, 佢哋就走開晒喇 …. 勁醒呀 …….