Day 8 Part 1 - 札幌市中央卸売場外市場 (早餐 - 北のグルメ亭)

今日行程 : 札幌市中央卸売場外市場 (早餐 - 北のグルメ亭) —> 札幌ドーム —> 札幌 (Lunch - 卵と私) —> ホテルグレイスリー札幌 check-in —> 大通 (Shopping) —> すすきの (Dinner - ステーキハウス ケルン アネックス) —> Hotel 休息

經過接近 5.5 hrs 既車程, 我哋終於回到札幌喇 ~ 而家係清晨 5:15 am ~

講真噚晚架夜行巴士又唔係話唔舒適, 但可能因為身體已經太疲累, 所以只有 5 個幾小時既休息實在唔夠, 加上今個 trip 第二程坐夜行巴士都真係超攰, 所以下次都係坐一次夜行巴士, 或者選擇一啲車程較長既目的地會好少少 ~

返到札幌啲雨仲未停, 唉, 今個 trip 成日遇到下雨天 tim …….

影返架夜行巴士 ~

係咪未見過呢個位成條街都無人呢 ~

無亮燈既 JR 札幌駅, 顯得好冷清呀 …….  

因為噚晚氣溫急降接近十度, 一落車一口氣奔向 “ホテルグレイスリー札幌" check-in 兼 keep 行李, 最主要既係要攞返件羽絨出嚟著 !!    

Hotel lobby 响 7/F ga ~

要 14:00 pm 先可以 check-in, so 我哋 keep 行李後, 梳洗完 (Lobby 有洗手間) 我哋又出發喇 ~  

其實頭先架 lift 可以直通札幌駅地下街 ga, 超方便呀, 落雨、落雪都唔怕啦 !!

落到地下街, 啲舖頭當然未有咁早開啦, 但最奇怪係, 原來好多人响地下街既椅上坐响度瞓覺架 …….  

好喇, 各位團友, 我哋而家出發去做一件令人震奮既事 !! 就係去 札幌市中央卸売場外市場 食 ．刺．身．丼早餐 !!  

首先要坐地下鉄東豊線 ~

車來喇 ~

去到大通駅再轉地下鉄東西線 ~

而家轉地下鉄東西線往二十四軒駅 ~

點解香港無女性車廂 ga ……  

朝早啲班次都幾疏 ga ~

終於有車喇 ~

到達二十四軒駅喇 ~ 全程大約 20 mins 左右啦 ~

一個好簡單既車站 !!

見啲廣告幾得意, 又無乜人, 於是又影低 ~  

隊長, 我哋既侵略目標 - 北のグルメ亭 !!  

二等兵 : “紅葉呀 !!!”  

又影吓啲街景先 ~  

指示勁清晰 ~   

啲圍欄都咁得意既 ~  

個汽水機好攪笑呀 !!  

嚟到札幌市中央卸売場外市場, 睇吓 案內圖 先 ~

其實第一個感覺同响函館朝市一樣, 都幾 “靜”….. 睇嚟日本既旅遊業都仍然未 recover ……  

好, 我哋兜個圈先 !! GO GO GO !!      

まつもと物産 ~

佐藤水産, 哈 ~ 好巨型既龍蝦同鮑魚呀 !!

隻蟹好可愛 ~

根室かに市場 ~

兜完一個圈, 決定侵略我哋今日既目標 - 北のグルメ亭 !!  

舖頭內一邊係 shop, 一邊係食店嚟 ga ~  

真係好靜呢 ~

好鍾意睇呢啲地圖架 !! 一睇就知邊度有邊啲特產 !!  

呢兩款漬物同前菜係免費試食 ga, 試過好食既話可以响間 shop 度買 !!

呵呵, 睇吓我哋叫咗啲咩先 !!  

兩個 set 跟既麵豉湯 ~

帆立貝刺身 (580 yen) ~  

超新鮮, 超好味呀 !!  

左邊係隊長叫既 ボタンエビと貝の丼 (1950 yen), 而右邊係二等兵叫既 ….. 無錯 !! 再一次係 うに丼 (ミニサイズ, 2200 yen) !!  哎呀 …… 乜個飯又貴過隊長嗰個既 …………

隊長 : “你知就好啦 !!”

二等兵 : “うにうに うに “

二等兵 : “巧先呼 (幸福) 呀 !!”  

輪到隊長既 ボタンエビと貝の丼 !!  

woooo 隻蝦鮮甜到吖 !! 响香港未食過呢種鮮味呀 !!  

隻蝦足足有一隻筷子咁長 !!  

細心到仲教埋你點剝蝦殼 tim 呀 !!  

一餐早餐啫 ……. 埋單盛惠 4730 yen ……  

隊長 : “鬆鬆 …… 去做嘢啦 !!”  

食飽飽我哋好滿足咁行返去坐地下鉄, 侵略下一個目標先 !!  

有氣有力, 又四圍影吓相 ~