Day 4 Part 1 - 札幌 (早餐 - 松屋), 北海道庁旧本庁舎 (赤れんが庁舎)

今日行程 : 札幌 (早餐 - 松屋) —> 北海道庁旧本庁舎 (赤れんが庁舎) —> 札幌市時計台 —> さっぽろテレビ塔 —> 大通公園 —> 二条市場 —> Lunch - 味の三平ラーメン —> 札幌 Shopping —> JR タワー —> Dinner - LE PANACHE —> 函館 (夜行巴士)


Oh No, 今朝早一起身就見到窗外落雨 ~

今日早上仲 plan 咗去北海道庁旧本庁舎, 時計台, 大通公園等等既戶外活動 tim, 而下午就 plan 咗去 shopping, 本來諗緊好唔好今日全日 shopping, 將 Day 8 既活動同今日對調, 但睇睇天氣報告, 預測 Day 8 既天氣都唔好得去邊, 見雨勢暫時都唔算好勁, 就照原定計劃進行啦 !!

早餐都係玩即興, 突然想去 松屋 !! GO GO GO !!      

最近嗰間松屋 (札幌駅前通店), 由酒店大約行 10 mins 左右就到 ~


自助買飛 ~  食咗咁多次, 各位團友應該好在行喇 !!



睇吓食乜先 ~

松屋人氣頭十位 !!



仲有秋の 3 バ一グ (漢堡扒), 期間限定 ga ~~

二等兵諗嚟諗去都係食返呢個朝定食 !!

而隊長今次攪攪新意思, 試咗樣新野呀 !!



哈哈 ~ 包場 !!

買咗飛就乖乖响度等食 !! 

隊長叫既 ラー油・カクテキキムチ牛めし ~

鬆鬆 : “呢個係辣既, 唔啱我 !!”

二等兵叫既 ソーセージエッグ定食 (選べる小鉢) ~

鬆鬆: “都係二等兵呢個好食啲 !!"

二等兵實在太鍾意食佢個麻醬豆腐喇 !!

食飽飽, 係時候返酒店 check-out 喇 ~

出面仲落緊雨呀, 我哋行地下街返酒店先 ~  所以話札幌市一帶好方便呢, 落雨、落雪可以閃落地下街避一避 ~

啲廣告真係好鬼吸引架啫 ~



呢段地下街好新好靚 ~

原來仲有活動 tim ~ 如果香港有啲咁既地方消磨下時候就好喇 ~

二等兵 : “好靚呀 !!”


剛剛結婚既我哋見到呢啲野特別感興趣 ~

雖然係幾靚, 但呢啲白色爉燭就唔多啱香港人喇 ~





返到酒店 check-out 完, 順便寄存行李, 我哋就出發喇 !!

第一站嚟到 北海道庁旧本庁舎 (赤れんが庁舎) ~
OH, 幾年前嚟都係落雨架, 估唔到幾年後重臨舊地都係落雨, 睇嚟整定喇 …….



宣傳北海道新幹線 (2015 年開通) ~




其實北海道庁前既庭園好靚 ga, 可惜今日既天氣 …….

又有紅葉吖, 呢棵好紅呢 ~

唔知點解好鍾意呢座咁古色古香既北海道疔, 好有歐陸 feel ~



史跡嚟 ga ~

唔知點解次次都要影吓呢將地毯 ~

入去侵略先 ~



 一嚟到就入 shop …… ?!

哈哈 ~ 見到鬆鬆呀 ~

完全想像唔到點解呢個紙板要 key 個人頭上去 ……..



見到呢啲樓梯突然覺得好莊嚴 ~



上去 2/F 睇吓先 ~

赤れんが北方領土館 ~

仍然係落緊雨呢 …….. 呢啲咁灰曚曚既天氣令人無乜心機 tim ……..

另一間展覽廳 - 記念室 ~

観光情報コーナー - 以下展廳介紹觀光情報 ~

国際交流・道産品展示室 ~

俄羅斯の送贈品 ~

左下角的 “嶺南紅荔” 就係中國廣東省所贈送 ~

其他北海道特產 ~



北海道清酒 ~

北海道の國際交流 ~

北海道の歴史ギャラリー, 介紹北海道歷史 ~

係時候要撤退喇 !!

今日係星期六, 北海道庁旁擺放咗啲攤位 ~

其實呢啲都係不錯既週未活動吖, 都唔明點解香港無呢啲活動既 ~

臨走前又從唔同角度影吓北海道庁先 ~

門口有架好得意既車吖 ~



兩旁的樹好靚, 不過天陰影出來既效果唔好 ~

好懶既維尼熊呀 ~