材料 A:
淡忌廉 110克
魚膠粉 7 克 (加 35 克水)
芝麻粉 16 克
牛奶 (開芝麻粉) 35 克
糖 12 克 (可因應個人口味而調節)
蛋糕片 2 片
———————————————————————————————————-
材料 B
蛋白 30 克
糖 20 克 (不可增多或減少)
———————————————————————————————————-
做法:
1. 將蛋糕片放在盆內
2. 將牛奶加熱加入芝麻粉待涼備用
3. 忌廉加糖打起備用
4. 魚膠粉用水坐溶
5. 將材料B 之蛋白快打起泡, 加 1/2 糖用中速打至令身, 再加入 1/2 糖用低速打至企身
6. 將 (2) 加入已打起的淡忌廉攪勻, 再加入魚膠液及蛋白攪勻
7. 倒入盆內再加上海棉片分做兩層, 然後放進雪櫃 2 小時後取出加裝飾便成。
起模喇, 今次起得麻麻地~
睇清楚先~~~
無問題喇, 送得俾隊長!!!
頭先果餐 d 飯咁細碟梗係唔夠隊長填飽個肚啦, 於是我地行前少少, 入左黎公和再醫肚~~
二等兵勁鍾意食豆腐花 ~~ 叫左一碗 ($7)
隊長就叫左個 “煎釀五寶” ($6/三件), 五寶即係 : 釀豆腐, 釀青椒, 釀豆卜, 釀茄子, 釀紅腸, 加豆漿 (+$3)
隊長叫左邊三寶 ?? 自己睇下啦~~~ hehe~
Total : $16
二等兵覺得好似深水埗果間公和好食 d, 但係食豆腐花始終都係屋企樓下果間君滬鍋貼大王最正 !!!
今日 2009.09.09 長長久久, 隊長同二等兵唔係食高級野, 而係黎到夠晒傳統既茶餐廳~~
上次黎到長沙灣 “萊莉餐廳” 鋸扒, 隊長睇見隔離街有間好傳統既茶餐廳, 於是佢又食指大動~ 
呢度同一般冰廳無異, d 伙記串串地, 又有 d 摺到三角形好薄既紙巾~
我地睇下食乜先~
二等兵叫左個 “茄汁燴豬扒意” ($32)~
d 豬扒就好滑, 又唔會用鬆肉粉嗱到無晒味果隻, d 茄汁都幾好味, 整體上都有 85分, 唯一要扣分係細碟左 d, 但係 d 細食既人好似二等兵咁就剛剛好, 哇哈哈~
隊長呢個係 “沙嗲牛肉飯” ($25)
呢個飯真係睇佢唔出咁好味, 唔知點解二等兵成日都隔離飯香架呢?? 碟豬扒意對住自已, 硬係要食對面果碟沙嗲牛肉飯架喎…..
隊長的飯餐要凍飲 +$6, 成日覺得响茶餐廳飲凍檸茶係好好好好味的!!!
Total : $63
食完問隊長飽左幾多成, 隊長話 4 成 only……於是我地又再食下一餐…. @_@”
隊長屋企既大廚今日罷煮, 而大廚好想食泉章居至出名既霸王雞, 所以我地同大廚黎到泉章居開餐~~~
我地雖然得 3 個人, 但隊長一個打 2 個, 所以我地叫左個 4 人餐 ($298)~
4 人餐包括 3 餸一湯 , 如果唔想要湯, 可以 +$30 以湯換冬瓜盅~
我地見到幾抵食, 所以我地照 +$30 要冬瓜盅~
唔好以為好細個, 其實如果 3 個人食都幾多~ 我地每人飲左好多碗~
都幾足料架!!!
呢個係北菰花膠海參煲, 足料, 味道亦唔錯~
黎到泉章居梗係要食雞啦 !!! 雞有兩款揀 : 鹽焗雞 & 霸王雞~ 分別係霸王雞有一大堆蔥响面~ 隊長咁鍾意食蒽, 所以佢梗係揀霸王雞啦~~~
呢半隻霸王雞都好大碟, 食極都仲有!!! 仲要好滑 tim~ 正呀!!!
呢個涼瓜枝竹斑頭腩煲都好得 !!! 好足料, 味道又好 !!!
加多兩個白飯, Total : $401~
下次可以帶二等兵屋企既大廚黎侵略~~~
話說二等兵讀左書後忙左好多, 隊長成日叫二等兵整蛋糕, 二等兵都响度推三推四, 一時又話要
midterm, 一時又話要抖下, 所以攪到呢一年都無整過蛋糕俾隊長食乜滯…..
二等兵响 8 月已經讀完個 course, 隊長就開始同二等兵落 order 喇….但係考完試既二等兵就變左成隻鬆弛熊咁, 唔係玩 pet pet, 就响屋企 hea, 都好似無諗過要整蛋糕俾隊長食咁…..
考完試接近兩星期, 隊長見二等兵仲未開始肯整, 終於使出殺手鐧喇…..
當二等兵問隊長乜嘢都好, 佢都無啦啦彈一句…. “無電喇, 要充電
…. 點沖 ?? 咪入 d 蛋糕入黎個口度先啦 !!!”
於是二等兵抵受唔住隊長依依哦哦, 終於肯開工喇…..@@
檸檬忌廉芝士蛋糕
材料 :
忌廉芝士 100 克
砂糖 70 克
蛋黃 1 個
今次揀左呢隻已殺菌既 “巴斯得雞蛋”, 因為呢個蛋糕唔使焗, 就咁拎去雪凍就得, 所以買呢隻蛋穩陣 d~ 費事隊長陣間食到肚痛賴我呀 !!! 哈哈哈…..
魚膠粉 5
克 (約2茶匙)
鮮忌廉1杯
檸檬半個榨汁
藍莓果醬適量
餅底一包 - 今次買呢包係 200g , 我整一個 6” 凍餅, 用左半包 ( 100g ) 都夠喇, 另外果半包留返下次用!!!
第一件事整左個餅底放入雪柜雪實佢先 ( 100g 餅碎 + 40g 牛油撈埋)
製法 :
1) 把兩湯匙水加入魚膠粉中泡脹魚膠。
2) 把忌廉芝士放入微波爐煮 30 秒取出以打蛋器拌勻加入砂糖和蛋黃攪拌。
3) 把已浸至完全透明的魚膠粉用微波爐煮 20 秒加入 (2) 中拌勻, 再加進檸檬汁攪拌至七分發泡 (呈柔軟奶油狀)。
4) 在另一容器中攪拌鮮忌廉至七分發泡, 然後與 (3) 混合拌勻。
與 (3) 混合之後係咁…..
5) 把 (4) 倒入一個已用水沾濕的
6” 直徑的糕點模平放在冰箱冷凍。
雪左一晚之後, 起模喇!!
好彩起模過程尚算順利….二等兵最怕呢個過程失手…..@@
放落膠底托盤度~
6) 把凍糕上碟時可以加入一點藍莓果醬以裝飾。
鬆弛熊望住佢話好想食呀!!!
影完一輪相, 入盒先~~
好, 送得俾隊長喇!!!
隊長, 希望你鍾意
!!! 
—————————————————————————————
For my record:
總統牌淡忌廉: 二得惠: 500m l: HK$28,果子教室: 1L :
$33
忌廉芝士: 二得惠: 250g : $27
藍莓果醬: 二得惠: 250g : $23, 果子教室: 100g : $12
芝士餅餅底碎: 二得惠:
200g : $12, 果子教室 100g : $9
頭先 4:00 pm 先响 Neway 食完 tea, 但之前同隊長講好左今晚去呢度食, 雖然唔係好肚餓, 但我地都照原定計劃進行!!!
呢間係我同隊長第二次黎食, 而二等兵就係第三次黎呢間餐廳, 上次就係飛起隊長同兩位好朋友黎呢度~
因為過左 7:00 pm 呢度就好多人等位, 而且呢度係好自助的, 無論係等位, 定係响裡面食野都好, 都唔好 expect 有好好的招呼, 所以我地 6:15 pm 就黎度, 入黎坐下, 傾下偈先開始食!! 唔係等到人多要等位就麻煩喇!!!
頭先唱 K 果陣先飲左兩杯野, 所以二等兵無加 $13 叫飲品吧, 但隊長唔止食得, 仲好飲得架嘛, 所以隊長自己一個人叫左個飲品吧~
佢一黎就飲左人兩杯 cappuccino ….
呢個係蒜蓉焗田螺 ($20) ~
係即叫即做的, 新鮮滾熱辣, 但係今次勁咸…… @_@
二等兵同隊長一致選擇既牛肉漢堡 Pizza~ ($30)
好味!!!
黎左 3 次, 大致都食到有小小心得~ 就係唔好一次叫晒所有想食既野, 最好就分開叫, 因為如果一次叫晒想食既野, 佢好快就會送晒上黎, 都未食得切, d 食物已經凍晒, 就唔好食, 所以我地今次分兩次叫~
食完剛才兩樣, 隊長又話想飲下 cappuccino ~
卡邦尼汁意粉 ($25)
香辣雞翼 ($20 / 5隻)~
唔食得辣既二等兵覺得幾辣下, 但唔係隻隻都咁辣, 不過食到第二隻都辣到食唔到第三隻喇 !!! 而隊長就覺得 OK, 不過食到第三隻, 可能啱啱食中好辣果隻, 佢要即刻飲水…..@_@, 不過整體上都幾好味架~
第 4 杯 cappuccino 喇….. -_-“
隊長話唔夠, 想要多杯檸樂 tim……
點知鬆弛熊又話想飲, 最後俾鬆弛熊飲左一啖…..
Total : $108
如果唔係太高要求, 呢間係一個不錯既選擇~ 因為呢度係自助形式, 唔好 expect 有好好 service, 但又唔會好差, 因為佢地真係做唔切 !! 但相對價錢又唔貴, 所以都合理既~
