Keroro and Tamama

2011年9月21日星期三

自家製之冷蕎麥麵

好耐無玩過煮飯仔喇 ~ 二等兵今日响新居終於親自下廚俾隊長食 ~

响 APITA 買既蕎麥麵 ~

連埋個汁同紫菜 topping 一齊買 ~ 好唔好味都靠佢哋咋 !! XDDDDDD

1) 預先預備好冰粒同凍水。

2) 將蕎麥麵放滾水中煮 4-5分鐘。

3) 撈起蕎麥麵, 立即放入冰水中過冷河。

4) 將水隔清, 放入碟上準備享用。

加埋醬汁同 topping, 食得 !!

好好味 !! 一份毫無難度既晚餐 !! kaka ~

二等兵仲預備埋飯後菓 tim ~

2011年9月11日星期日

是日．過大禮 ~

終於到咗過大禮既日子喇 !!

之前因為屋企裝修, 所以二等兵一直都擔心會响邊度過大禮呢 ?? 好彩後尾都可以如期响我由細住到大的家過大禮咋 !!

幸好雙方家長都奉行簡單政策, 所以過大禮都唔使點買野, 只係買咗 2 對龍鳳餅, 一打唐餅, 燒肉, 雞, 同一個果籃, 其他都係 “利是” 搭夠 ~

龍鳳餅 @ 奇華 ~

唐餅 @ 奇華 ~

正值中秋佳節, 生果舖老闆成日叫執啲水晶梨, 蜜瓜等等, 好彩我預先同隊長講叫佢唔好要 “梨” 同 “瓜” 啫, 佢推得兩推, 老闆就問佢係咪過大禮 ga ?! 大家知道過大禮後, 就自動幫佢執啲適宜過大禮既生果 … XDD ~

終於可以派邀請咭同派餅咭喇 !! 張邀請咭係响彩印大皇印既 ~

http://www.print88king.com/

每張 $6.3, 連埋排版費 $100, 每張平均 $7.3 ~ 送埋回禮利是封同貼紙, 起貨又超快, 覆稿後 10 日都可以取貨喇 !! 呢個價錢, 呢個速度 OK la ~

餅咭趁婚展嗰陣買, 買咗美心同奇華 ~ 會場價有 8 折吖, 仲有買滿 90 張送 6 張, 滿 100 張送 7 張 ……. 特別鳴謝 Joey 送出兩張免費婚展入場卷 !! 會場內美心仲要好 pro 咁, 用數錢機數餅咭, 勁呀 !!

好似 “懶” 係厚咁, haha ~

响深水埗街邊檔買既結婚用品, 呢度平過金都好多呀 !!

佢既 FB : https://www.facebook.com/profile.php?id=100001119488125

喜字貼, 左邊果對 $8, 右邊果對 $10 ~

跪墊 $28 / 對, 上頭睡衣 $48 ~

上頭用品 $48 / 對 ~

响旺角 “有利” 買既掛鞋, 個個都話佢啲鞋又平又好著, 口啤唔錯, 於是就去睇吓啦, 去度見到個環境都有啲 o 咀, 有啲似廣州鞋舖既 feel, 不過網上口啤都係讚既多, 就响度買啦 !!

http://www.yauleeshoesco.com/SHOES.htm

掛鞋 $90 ~

婚紗鞋係 Made in HK, $150 ~

2011年8月27日星期六

再侵略增煇藝廚 @ 深水埗

今日咁啱要出去深水埗, 於是攪掂晒啲野就去咗增煇醫肚 ~

黎到大排檔不可缺少既啤酒, 今晚我哋啤啤佢先 ~

朝日啤酒 (大, $22) ~

上次食過既日式冰鎮鮑片 ($48) ~ 好味, 啲 wasabi 好勁呀 !!

本店推介既孜然豬串骨 ($78) ~

孜然係啲香草, 都幾鍾意呀, 有 6 件, 啖啖肉, 幾好味吖 ~

不過隊長嫌佢一啲都唔辣, 唔辣咪啱晒二等兵囉 !! haha ~

脆皮西施豆腐 ($50) ~ 真係外脆內軟, 好好味, 呢碟真係有啲辣喇 !!

再黎多碟福建炒飯先 ($68) ~

好咸呀 !! 要將啲飯同啲汁徹底撈勻先無咁咸, 但個飯都幾足料吖 ~

Total : $266 (免加一)

下次經過開又黎侵略吓先 ~

2011年8月20日星期六

Pancake Colours Cafe & Bar @ 尖沙咀

又再黎到團購系列。

今日團購咗尖沙咀樓上 Cafe - Pancake Colours Cafe & Bar ~

環境都幾寬敞, 裝修得好有歐洲宮廷色彩 ~

但係第一個感覺超唔掂囉, 因為帶位個小姐勁黑面, 我同佢講 book 咗位, 佢望一望我, 唔答我, 又唔帶我入去, 想點 ….?!

今次團購內容係 :

$28 Pancake Colours 三道菜午餐 (原價 $88) 餐湯 + 主菜 + 乳酪雪糕 + 飲品三道菜完美午餐。

http://hk.deals.yahoo.com/hong-kong/offer/1563

落單時無留意, 又俾二等兵叫中咗個黑面神, 大佬, 無得罪你嘛 ?! 落單啫, 好過份嗎 ?? 一路寫一路黑面, 我都未 order 野飲, 一支箭走咗去 !!
開頭以為係一間西餐廳, 但餐牌的食物包括 : 中式, 西式以及日式 ….. 又中又西又日式咁, 真係多款到反而唔知佢係點定位 ??

餐湯係紅湯 (x2) ~

飲品只有 4 款選擇 : 苿香綠茶, 檸檬綠茶, 檸水, 麥香紅茶 (冷熱同價) ~

我哋叫咗凍檸檬綠茶 & 凍麥香紅茶 ~

主菜一份（任選一款價值 $47 或以下的扒類、薄餅、意粉或飯麵類）~

我哋揀咗卡邦尼蛋汁煙肉意粉 (如非團購散叫 $43) ~

另一份主菜揀咗 - 芝士白汁焗軟殼蟹海鮮飯 (如非團購散叫 $46) ~

甜品本來係 - 乳酪軟雪糕一杯, 但係店員話今日雪糕機壞了, 轉為朱古力布甸 ….. @@

乳酪怪二等兵勁失望 ………..

本來二等兵都幾鍾意食朱古力既, 但呢個朱古力布甸勁難食, 啲朱古力味勁假, 二等兵只吃了一啖就俾晒隊長 …….

食到尾聲, 突然有群家長及小朋友排隊行入場, 原來佢哋包咗 1/3 個場做小型 party …… 佢哋又開咪玩遊戲, 又抽獎咁不亦樂乎, 但就真係超嘈囉 ……. 好彩我哋食到尾聲, 嗱嗱臨閃 la ……….

食完呢餐大約一個鐘左右二等兵就出事喇 …… 勁肚痛 & 勁肚疴 ……..

睇黎下次再侵略既機會係 ……………………………. 零。

2011年8月18日星期四

新竹源越南餐廳 @ 灣仔

再繼續團購系列。

今次團購咗新竹源越南餐廳 ~

http://hk.deals.yahoo.com/hong-kong/offer/1619

今次既團購都幾有彈性吖, 可以揀 $35 以下既粉麵類, 而且都有幾多選擇 ~ 飲品都係呀, 可以叫 $20 以下既飲品 ~

睇吓我哋食咗啲乜先 ~

一黎就上咗碗粉 ~

隊長例牌食生牛肉湯河 ~ (如果散叫, 呢碗 $32)

後面兩杯飲品係菠蘿密特飲冰 (如果散叫, $18), 同埋椰汁三色冰 (如果散叫, $20)

菠蘿特飲有大樹菠蘿 =.=, 二等兵最怕喇 ……….

椰汁三色冰就唔夠甜 …….

二等兵叫咗煎扎肉撈檬, 好鍾意食撈檬呀 ~ (如散叫呢碗 $35)

3 款小食分別係越式蒸粉卷 (2 件) ~ (如散叫 $30/4件)

法式蒜蓉包 (2 件) ~ (如散叫 $22)

同埋香茅雞翼或牛油雞翼 ~ 我哋叫咗牛油雞翼 ~ (如散叫 $32/4件) ~

仲有糖水 tim, 今晚只得椰汁黑糯米 ~ (如散叫 $16) ~

食咗咁多野都係 $108, 如果無團購, 呢餐要 $190 呀 ~

結論係, 啲食物全部都係熱既, 同埋味道都 OK 吖, 不過係地方細啲囉, 上環嗰間會坐得舒服啲 ~ 同埋一人多, 啲阿姐就亂晒籠喇, 所以都係揀啲無咁多人既時間會好啲 ~

2011年8月13日星期六

澳門茶餐廳 @ 太古城

太古城嗰邊啲 shop 一到 18:00 pm 就開始人山人海, 本來想去元氣食壽司架, 但 18:00 pm 左右都要等起碼三十幾張飛, 於是轉到隔離既澳門茶餐廳醫肚 ~

其實二等兵同隊長都分別响好多年前試過一次澳門茶餐廳, 但我哋可以話試過一次後都無意欲去第二次, 可能因為覺得啲野無乜特別, 所以成日都過門而不入囉 ….

今日可能晏食 lunch 啦, 其實而家未係太肚餓, 所以我哋叫咗少少野試吓 ~

隊長至愛既咖喱牛腩飯 ($63) ~

啲咖喱好辣呀 ….. 二等兵完全食唔到, 於是成碟飯俾隊長 KO 晒 !!

凍柑桔檸檬梳打 ($20) + 葡撻 ($8) ~

杯飲品無得跟餐叫, 一定要散叫吖, 個人覺得就咁叫一杯柑桔檸檬要 $20 好貴呀 …

葡撻幾好味呀, 但係同 KFC 嗰啲好似無乜分別喎 !!

豬扒豬仔包 ($22) ~

個人比較喜歡食一啲有沙律醬既豬扒包, 但呢個豬扒包無沙律醬, 乾爭爭咁, no good ….

軟骨皇子鴿 ($33) ~

食咗幾樣野, 終於食到樣好野 !! 呢隻 BB 鴿真係好得, 味道入味之餘, 又唔會炸到好乾, 趁熱食一流 !!

Total : $146 (免加一)

經過十年後 “翻侵” 之後, 可能又要再過好耐先會再侵略喇 ……..

2011年8月11日星期四

Absolute Burger @ 銅鑼灣

近排真係團購團上癮呀 …. 又再黎團購既日子。

今日中選既佳麗就係呢間 Absolute Burger !!

我哋係响呢度購買既 ~

http://hk.deals.yahoo.com/hong-kong/offer/1462

記住呢啲團購真係要 book 位呀, 我哋有日即興想食, 13:00 pm 要等到 16:00 pm 先有位, 所以下次都記住要 book 位先好去呀 !!

間 shop 都幾隱閉, 可能我哋都唔去慣酒吧啦, 佢係响地牢 ga, 唔係見到個廣告都唔知呢度有間食 burger 既酒吧呢 …

睇吓環境先 ~

有得擲飛鏢, 去到時見到有啲西裝友响度吹水同擲飛鏢 ~

今次團購既內容係 :

- $29 享 Absolute Burger 雞扒或龍脷柳漢堡 + 飲品一杯 (汽水) (原價 $78)

- 可加 $15 轉牛肉 / 羊肉 / 雞蓉栗米蛋漢堡

- 二人同行, 同時使用優惠劵, 可獲贈牛肉汁炸菇條一份
睇下我哋叫咗啲乜 ~

汽水都係啲大路野, 我哋叫咗 Coke Zero 同忌廉 ~