添飯小廚 @ 西環

兩個月未黎過添飯小廚, 二等兵又話掛住人地 d 菠蘿咕嚕肉 & 蒸扇貝, 於是今日又黎侵略過~

上次黎侵略既時候, 扇貝都係 $8/隻, 而家加價加到 $16/隻

問問老闆, 佢話無辦法, 來貨價加到咁佢地都無計 …………

二等兵見加價加到咁都唔捨得食…….

不過望望餐牌, 其他食物好似無加價, 可能真係來貨價問題先加到咁勁…..

我地揀左一輪終於揀左呢幾樣野…..

呢兩個係送既中湯 - 菜乾煲豬踭 ~ 原盅上, 食得出唔太多味精 !!

二等兵至愛, 菠蘿咕嚕肉 ($38)~~

西蘭花炒斑片 ($48), 斑片夠新鮮, 仲有咁多件!!!

風沙雞球 ($38), 估唔到係咁…..有獻汁, 同出面食果 d 有點唔同, 但味道好好味

, 不過如果知道係有酸甜汁既話, 我地就唔會叫菠蘿咕嚕肉~

令隊長念念不忘既揚州炒飯 ($28), d 飯真係炒得好乾身, 仲要係一粒粒, $28 炒到咁既質素真係掂!!

Total : $152, 好味道 !!!

好飽呀 ……………