講下價錢先 ~ $98/位全包, 任飲任食, 特別湯底另外要加錢, 價錢都幾抵喎 !!!
黎到 6:00 pm, 好多枱都擺左名牌, 即係已經俾人 book 晒位喇 ~
我地黎到見到 d 伙記一字形排開, 聽 3 個經理輪流訓示, 估唔到一間街坊茶樓都有呢個做法, 都幾 pro 喎 !!!
$98 仲有得混醬, 啱晒鍾意搞搞陣既二等兵 !!!
兩條茂李混醬完畢 !!!
你估我地叫左咩湯底呢 ??
就係醉雞湯底~~~
竹蔗茅根水, 夠晒味, 似足媽媽煲果 d !!!
豆腐, 粟米擺落湯底滾下佢先 ~~
黎個海蝦先, 兩個人份量, 一碟有 10 隻 !!!
肥牛肥瘦剛剛好, 唔會太肥又唔怕太柴皮, 仲好大碟 !!!
無蝦既鮮蝦雲吞, 唔知 d 蝦係咪走甩晒呢 ??
鮮雞肉, 又大塊又入味, 正呀, 好味過 “譚仔米線” 果 d !!!
九肚魚, 滑嘟嘟 ~
西洋菜 + 生菜 ~
飲左成榨竹蔗茅根水, 試下酸梅湯先, 又係夠晒味, 正!!!
呢個時候已經第二轉, 再黎多 10 隻海蝦先 ~
白菜仔 ~
炸魚皮 ~
鮮墨魚丸 + 魚皮餃, d 墨魚丸超正, 彈牙又有墨魚肉 !!!
鮮腐皮 ~
黎多碟肥牛先, 大家值得注意既係, 呢碟肥牛俾隊長一個人獨享 !!!
魚頭雲, 唔掂 !!!
咦, 咩黎架 ??? 大家請將注意力移去呢隻蛋度~~~隊長每次打邊爐最尾都會自制一隻溫泉蛋 !!!
4 mins 後………….
正~~~
呢間茶樓我地幫襯左好多年, 每次實會問有無生果糖水送, 今次媽媽不在場, 呢個重任唯有交俾二等兵 !!!
是日糖水係珍珠露 & 紅豆沙~
珍珠露即係大粒西米 + 粟米 + 椰汁~ 好味道~~
食埋生果肥到唔郁得……
Total : $196, 抵 !!! 難怪晚晚都咁多人 !!!
沒有留言:
張貼留言