响金光華廣場站可以坐 #1 & #17 巴士, # 17 就响正門落車, 而 #1 就要行幾分鐘至到門口 ~
我地有深圳通, 本來 RMB 2 既車費而家只係 RMB 1.6, 係咪平 RMB 0.4 都無所謂, 最緊要係唔怕無散纸入錢 !!!
咦, 隊長又要同孔子大人商討內政, 撇低二等兵自己响園內閒逛一陣……@@
二等兵見到呢個旱地雪橇場, 又走去八下先 ~
原來係類似 n 年前响北京長城夾梗俾人掠水既 “雪橇” !! 嘩, 呢個都好貴下, 成人第一次玩要 RMB 30, 第二次玩收 RMB 20, 第三次之後每次收 RMB 10, 收到咁貴又唔覺特別, 唔怪得無咩人玩 !!!
呢個係類似攀山既玩意 ~
影相怪二等兵又發作喇 !!!
睇下個指示牌先 ~
我地決定去水庫先 ~
景色都幾靚吖 ~ 離遠見到兩隻好得意既天鵝 ~
其實係遊艇黎 ~
另一面係水壩下游 ~
我地見到呢個指示牌後就想去主壩, 但係上到去至發現唔俾人進入 ~
於是我地响下面影下相 ~
呢度渺無人煙, 隊長同二等兵竟然 ……
雖然 d 相影出黎係幾靚, 但其實呢條河好臭架 !!!
本來想入呢個盆景世界參觀, 可惜呢度咁啱裝修 ….
呢度好多得意既石櫈 ~
水壩下游有人釣魚 ~
真係乜鬼都影得一餐 !!! @@”
杜鵑園 ~ 又走入去睇下先 ~
做乜呢兩隻熊貓既姿勢咁攪笑既 ….
响杜鵑園就搵唔到杜鵑, 反而見到太陽花~
仲有仙女下凡 tim 吖 ~~
d 動物好假……不過响大陸黎講算係咁喇 ………
大家見到呢個球狀物體會諗起 d 乜 ??
為食既隊長竟然諗起酒樓晚飯食果 d “炸蝦丸” !!! 呢… 即係面層有 d 杏仁片, 中間就係粒蝦丸呀 … @@” … 真係暈喇, 咁都聯想到野食 !!!
佢話佢成功侵略左東湖公園入面果粒炸蝦丸 !!! ==”
仲有好多石雕 ~
行行下又黎到湖邊 ~ 呢度吹下涼風, 人又少, 環境寧靜, 幾舒服 ~
二等兵見到呢隻遊艇反而諗起大象 pampus 纸尿片 !!!
仲有條鐵索橋 tim, 我地見 d 人响上面跳下跳下, 當堂唔敢上去 !!!
不知不覺已經行度碼頭附近 ~ 泊左好多各式各樣既遊艇 ~
最尾我地黎到美術館, 裡面有油畫, 中國畫 & 水彩畫等等, 對呢方面有興趣既朋友可以黎參觀下 ~
行左接近 3 hrs 終於侵略完畢 !!! 如果無野做又想行下既朋友, 都可以黎下 ~
東湖公園 : http://www.szdh-park.com.cn/index.asp
沒有留言:
張貼留言